Atiq Ahmed Ashraf Ahmed Shot Dead: ଅତିକ୍ ଅହମ୍ମଦ ଓ ଆଶରଫକୁ ଗୁଳି ମାରି ହତ୍ୟା; ଚିକିତ୍ସା ପାଇଁ ନିଆଯାଉଥିବା ବେଳେ ହୋଇଥିଲା ଫାଇରିଙ୍ଗ୍

Atiq Ahmed Ashraf Ahmed Shot Dead: ଅତିକ୍ ଅହମ୍ମଦ ଓ ତାଙ୍କ ଭାଇ ଆଶରଫ ଅହମ୍ମଦଙ୍କୁ ପ୍ରୟାଗରାଜରେ ଚିକିତ୍ସା ପାଇଁ ନିଆଯାଉଥିବା ବେଳେ ଗୁଳି କରି ହତ୍ୟା କରାଯାଇଛି ।

Atiq Ahmed Shot Dead: ଗ୍ୟାଙ୍ଗଷ୍ଟର ଅତିକ୍ ଅହମ୍ମଦ ଓ ତାଙ୍କ ଭାଇ ଆଶରଫ ଅହମ୍ମଦଙ୍କୁ ପ୍ରୟାଗରାଜରେ ଚିକିତ୍ସା ପାଇଁ ନିଆଯାଉଥିବା ବେଳେ ଗୁଳି କରି ହତ୍ୟା କରାଯାଇଛି । ସୂଚନାନୁସାରେ, ଦୁଇରୁ ତିନି ଜଣ ବଦମାସ ଅତିକ୍ ଓ ତାଙ୍କ ଭାଇ ଆଶରଫ ଉପରକୁ ଗୁଳି ଚଳାଇଥିଲେ । ଅତିକକୁ ଗୁଳି ଚଳାଇଥିବା ବ୍ୟକ୍ତିମାନେ ଗଣମାଧ୍ୟମ କର୍ମୀ ଭାବରେ ସେଠାକୁ ଆସିଥିଲେ । ଆକ୍ରମଣକାରୀଙ୍କୁ ତିନି ଜଣକୁ ପୋଲିସ ଗିରଫ କରିଛି । ଆକ୍ରମଣକାରୀମାନେ ଗୁଳି ଚଳାଇବା ପରେ ଆତ୍ମସମର୍ପଣ କରିଥିଲେ । କହିରଖୁଛୁ ଯେ ଅତିକ ଓ ତାଙ୍କ ଭାଇ ଆଶରଫ୍ ପୋଲିସ୍ ହେପାଜତରେ ଥିଲେ । 

ଆଜି ମାଫିଆ ଅତିକ୍ ଅହମ୍ମଦ ଓ ତାଙ୍କ ଭାଇ ଆଶରଫଙ୍କୁ ନେଇ ପୋଲିସ ଟିମ୍ ଅନେକ ସ୍ଥାନରେ ଚଢ଼ାଉ କରିଥିଲା । ପୋଲିସ ଟିମ୍ ସହରର ଚାକିଆ, କାସରୀ ମାସାରି ଓ ପିପାଲ ଗ୍ରାମ ଅଞ୍ଚଳରେ ଚଢ଼ାଉ କରିଥିଲା । ୨୦୦୫ ବିଏସପି ବିଧାୟକ ରାଜୁ ପାଲ ହତ୍ୟା ମାମଲା ଓ ଚଳିତ ବର୍ଷ ଫେବୃଆରୀରେ ଉମେଶ ପାଲ ହତ୍ୟା ମାମଲାରେ ଅତିକ୍ ଅହମ୍ମଦ ମଧ୍ୟ ଅଭିଯୁକ୍ତ ଥିଲେ । ଏହାପୂର୍ବରୁ, ଏପ୍ରିଲ ୧୩ ରେ ଝାନ୍ସୀରେ ହୋଇଥିବା ଏକ ଏନକାଉଣ୍ଟରରେ ଅତିକଙ୍କ ପୁଅ ଆସାଦ ଅହମ୍ମଦଙ୍କୁ ହତ୍ୟା କରାଯାଇଥିଲା, ଯେଉଁଥିରେ ସୁଟର ଗୁଲାମଙ୍କୁ ମଧ୍ୟ ୟୁପି ଏସଟିଏଫ ହତ୍ୟା କରିଥିଲା ।

#WATCH | Uttar Pradesh: Moment when Mafia-turned-politician Atiq Ahmed and his brother Ashraf Ahmed were shot dead while interacting with media.

(Warning: Disturbing Visuals) pic.twitter.com/xCmf0kOfcQ

— ANI (@ANI) April 15, 2023

ଅତିକ୍ ଅହମ୍ମଦ ଓ ତାଙ୍କ ଭାଇ ଆଶରଫ ଅହମ୍ମଦଙ୍କୁ ହତ୍ୟାକୁ ନେଇ ଯୋଗୀ ମନ୍ତ୍ରୀ ସ୍ୱତନ୍ତ୍ର ଦେବ ସିଂଙ୍କ ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି । ଯୋଗୀ ସରକାରରେ ତାଙ୍କ ନାମ ନ ନେଇ ମନ୍ତ୍ରୀ ସ୍ୱତନ୍ତ୍ର ଦେବ ସିଂ କହିଛନ୍ତି ଯେ ଏହି ପାପ-ପୁଣ୍ୟର ହିସାବ ଏହି ଜନ୍ମରେ ହୋଇଥାଏ ।

ପ୍ରାରମ୍ଭିକ ସୂଚନା ଅନୁଯାୟୀ ତିନି ଜଣ ଆକ୍ରମଣକାରୀ ପୋଲିସ ଗାଡି ଉପରେ ଗୁଳି ଚଳାଇଥିଲେ । ଆକ୍ରମଣକାରୀମାନେ ୧୦ ରାଉଣ୍ଡ ଗୁଳି ଚଳାଇଛନ୍ତି । ଏହା ପରେ ଅତିକ୍ ଓ ଆଶରଫ ଅହମ୍ମଦଙ୍କର ମୃତ୍ୟୁ ହୋଇଥିଲା । ଏହି ଗୁଳି ବିନିମୟରେ ଜଣେ ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି । ହତ୍ୟା ଘଟଣାରେ ପୋଲିସ ଘଟଣାସ୍ଥଳରୁ ୩ ଜଣଙ୍କୁ ଗିରଫ କରିଛି । ପୋଲିସ ଆକ୍ରମଣକାରୀଙ୍କୁ ପୋଲିସ ଷ୍ଟେସନକୁ ନେଇଛି ।

ସାମ୍ନାକୁ ଆସିଲା ଆକ୍ରମଣକାରୀଙ୍କ ନାମ 

ଅତିକ୍ ଓ ଆଶରଫଙ୍କ ମୃତଦେହ ସହ ପୋଲିସ ଏକ ପିସ୍ତଲ ମଧ୍ୟ ଜବତ କରିଛି । ଘଟଣା ଘଟିଥିବା ସ୍ଥାନକୁ ପୋଲିସ କର୍ଡନ କରିଛି । କୁହାଯାଉଛି ଯେ ଏହି ତିନି ଆକ୍ରମଣକାରୀ ସାମ୍ବାଦିକ ଭାବରେ ଏଠାକୁ ଆସିଥିଲେ । ଅତିକ୍ ଓ ଆଶରଫ ପହଞ୍ଚିବା ମାତ୍ରେ ସେମାନେ ତାଙ୍କ ଉପରକୁ ଗୁଳି ଚଳାଇଲେ । ଏହି ତିନି ଆକ୍ରମଣକାରୀଙ୍କ ନାମ ଲଭଲେଶ ତିୱାରୀ, ସନ୍ନି ଓ ଅରୁଣ ମୌର୍ଯ୍ୟ ବୋଲି ପୋଲିସ କହିଛି।

କହିରଖୁଛୁ ଯେ ଉମେଶ ପାଲ ହତ୍ୟା ମାମଲାରେ ପୋଲିସ ଅତିକ୍ ଅହମ୍ମଦ ଓ ଆଶରଫଙ୍କୁ କିଛି ଦିନ ଧରି ପଚରାଉଚରା କରିଥିଲା । ଗୁରୁବାର ଏହି ମାଫିଆ ଅତିକଙ୍କ ପୁଅ ଅସଦଙ୍କୁ ଏନକାଉଣ୍ଟର କରି ହତ୍ୟା କରାଯାଇଥିଲା ।