SBI ଗ୍ରାହକ ଧ୍ୟାନ ଦିଅନ୍ତୁ ! ନଭେମ୍ବର ୨୬ରେ ଡାଉନ ରହିବ UPI, ଜାଣନ୍ତୁ ଅନ୍ୟ ବିକଳ୍ପ ଅଛି

State Bank Of India: SBI ଗ୍ରାହକମାନେ ୨୬ ନଭେମ୍ବର ୨୦୨୩ରେ କିଛି ସମୟ ପାଇଁ UPI ବ୍ୟବହାର କରିପାରିବେ ନାହିଁ । ତେବେ ଏହି ଅବଧି ମଧ୍ୟରେ ଏସବିଆଇ ଇଣ୍ଟରନେଟ୍ ବ୍ୟାଙ୍କିଙ୍ଗ୍, ୟୋନୋ ଆପ୍ ଏବଂ ଏଟିଏମ୍ ବ୍ୟବହାର କରି ଟଙ୍କା କାରବାର କରିପାରିବେ ।

State Bank Of India: ଦେଶର ସର୍ବବୃହତ ସରକାରୀ ବ୍ୟାଙ୍କ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (SBI)ର ଗ୍ରାହକଙ୍କ ପାଇଁ ଏକ ସୂଚନା ରହିଛି । SBIର ଏକ ଗୁରୁତ୍ୱପୂର୍ଣ୍ଣ ସେବା ଆସନ୍ତାକାଲି ଅର୍ଥାତ ୨୬ ନଭେମ୍ୱର (ରବିବାର) ବନ୍ଦ ରହିବ । ଷ୍ଟେଟ ବ୍ୟାଙ୍କ ସୂଚନା ପକ୍ଷରୁ ଏହି ସୂଚନା ଦିଆଯାଇଛି । ଏସବିଆଇ ଏହାର UPI ସେବା (SBI UPI) କିଛି ସମୟ ବନ୍ଦ ରହିବ କାରଣ ବ୍ୟାଙ୍କ ଏହାର ଟେକ୍ନୋଲୋଜିରେ କିଛି ଅପଗ୍ରେଡ୍ ହେବ ବୋଲି କୁହାଯାଇଛି ।

ସୋସିଆଲ ମିଡିଆ ପ୍ଲାଟଫର୍ମରେ ଏସବିଆଇ ପକ୍ଷରୁ ଏକ ପୋଷ୍ଟ କରାଯାଇ ଜନସାଧାରଣଙ୍କୁ ଏହି ସୂଚନା ଦିଆଯାଇଛି । ଏଭଳି ପରିସ୍ଥିତିରେ ୟୁପିଆଇ ବ୍ୟତୀତ ଇଣ୍ଟରନେଟ୍ ବ୍ୟାଙ୍କିଙ୍ଗ୍ ସେବା, ୟୋନୋ ୟୋନୋ ଲାଇଟ୍ ଏବଂ ଏଟିଏମ୍ ସୁବିଧା ଗ୍ରାହକଙ୍କ ପାଇଁ ଉପଲବ୍ଧ ରହିବ।

ତେବେ ଯେଉଁମାନେ ଏହି ସମୟ ସୀମା ମଧ୍ୟରେ ସେମାନଙ୍କର SBI ଆକାଉଣ୍ଟ ମାଧ୍ୟମରେ ଅନଲାଇନ୍ ପେମେଣ୍ଟ କରିବାକୁ ଚାହୁଁଛନ୍ତି, ସେମାନେ ଇଣ୍ଟରନେଟ୍ ବ୍ୟାଙ୍କିଙ୍ଗ୍ ଏବଂ SBI ର ଅନଲାଇନ୍ ବ୍ୟାଙ୍କିଙ୍ଗ୍ ଆପ୍ଲିକେସନ୍ YONO ଭଳି ବିକଳ୍ପ ପଦ୍ଧତିର ସାହାଯ୍ୟ ନେଇପାରିବେ । ୟୁପିଆଇ ସେବାରେ ବ୍ୟାଘାତ ଯୋଗୁଁ ଦେଶର ପ୍ରାୟ ୪୪ କୋଟିରୁ ଅଧିକ ଏସବିଆଇ ଗ୍ରାହକ ପ୍ରଭାବିତ ହେବେ। ଦ୍ରୁତ କାରବାର ଦୃଷ୍ଟିରୁ ଏସବିଆଇ ସଫଳତା ହାରର ରେକର୍ଡ ଥିବାରୁ ଏସବିଆଇ ବର୍ତ୍ତମାନ ଏହାର UPI ସେବାରେ ଆହୁରୀ ଉନ୍ନତି ଆଣିବାକୁ ପଦକ୍ଷପ ନେଇଛି ।

ସୂଚନାଯୋଗ୍ୟ, ଏସବିଆଇ ପକ୍ଷରୁ ଏହା ପ୍ରଥମ ଥର ହେଉନାହିଁ । ଟେକ୍ନୋଲୋଜି ଅପଗ୍ରେଡ୍ କାର୍ଯ୍ୟ ଅନେକ ସମୟରେ ବ୍ୟାଙ୍କ ଦ୍ୱାରା କରାଯାଇଥାଏ । ଏହି ସମୟରେ କିଛି କାରବାର ଅଟକିଯିବା କିମ୍ବା ବାତିଲ ହେବାର ସମସ୍ୟା ରହିଛି ।