Android Smartphone Users: CERT-In ର ରିପୋର୍ଟ ଅନୁଯାୟୀ, ସାମସଙ୍ଗ, ରିଅଲ୍, ୱାନପ୍ଲସ୍ ଭଳି ବ୍ରାଣ୍ଡର ସ୍ମାର୍ଟଫୋନ୍ ବ୍ୟବହାର କରୁଥିବା ଉପଭୋକ୍ତାମାନେ ଏହି ସମୟରେ ଏକ ବଡ଼ ବିପଦର ସମ୍ମୁଖୀନ ହେଉଛନ୍ତି। ତୁରନ୍ତ ଏହା ବିଷୟରେ ଜାଣନ୍ତୁ।
Trending Photos
6
12
8
5 "Android Smartphone Users")
Android Smartphone Users: ଆପଣ ଯଦି ସାମସଙ୍ଗ, ରିଅଲ୍ ମି, ୱାନପ୍ଲସ୍, ଜିଆଓମି ଓ ଭିଭୋ ଭଳି ବ୍ରାଣ୍ଡର ସ୍ମାର୍ଟଫୋନ୍ ବ୍ୟବହାର କରୁଛନ୍ତି, ତେବେ ବର୍ତ୍ତମାନ ସାବଧାନ ରୁହନ୍ତୁ। ହଁ ଆଜ୍ଞା, ଭାରତ ସରକାରଙ୍କ ଇଣ୍ଡିଆ କମ୍ପ୍ୟୁଟର ଏମରଜେନ୍ସି ରେସପନ୍ସ ଟିମ୍ ଯଥା CERT-In ଲକ୍ଷ ଲକ୍ଷ ଆଣ୍ଡ୍ରଏଡ ବ୍ୟବହାରକାରୀଙ୍କ ପାଇଁ ଏକ ହାଇ ରିସ୍କର ଚେତାବନୀ ଦେଇଛି। ଏହି ଟିମ୍ କହିଛି ଯେ ଫୋନର ଫ୍ରେମୱାର୍କ, ସିଷ୍ଟମ, ପ୍ରୋସେସର୍ ସହିତ ଅନେକ କମ୍ଫୋନେଟ୍ସରେ ତ୍ରୁଟି ଦେଖିବାକୁ ମିଳିଛି, ଯାହା ବ୍ୟବହାର କରି ହ୍ୟାକରମାନେ ଆପଣଙ୍କର ବ୍ୟକ୍ତିଗତ ତଥ୍ୟ ଚୋରି କରିପାରିବେ ଓ ଆପଣଙ୍କ ଡିଭାଇସ୍ ହ୍ୟାକ୍ କରିପାରିବେ ଏବଂ ଫୋନରେ ଇଚ୍ଛାଧୀନ କୋଡ୍ ଏଡିଟ୍ କରିପାରିବେ। ଆସନ୍ତୁ ଏହା ବିଷୟରେ ବିସ୍ତୃତ ଭାବରେ ଜଣାଉଛୁ…
ରିପୋର୍ଟରେ କ’ଣ କୁହାଯାଇଛି?
CERT-In ର ରିପୋର୍ଟ ଅନୁଯାୟୀ, ଏହି ତ୍ରୁଟିଗୁଡିକ ଆଣ୍ଡ୍ରଏଡ୍ ଭର୍ସନ 12, 12L, 13 ଓ ଲଟେଷ୍ଟ 14 ରେ ଦେଖାଯାଉଛି। ଭାରତରେ ଏହି ଆଣ୍ଡ୍ରଏଡ୍ ଭର୍ସନ୍ ଚଳାଉଥିବା ସ୍ମାର୍ଟଫୋନ୍ ସଂଖ୍ୟା ୧ କୋଟିରୁ ଅଧିକ, ଅର୍ଥାତ୍ ଆପଣ ଭୁଲରେ ମଧ୍ୟ ଏହି ଚେତାବନୀକୁ ମଜାକ ଭାବେ ନେବା ଉଚିତ୍ ନୁହେଁ। CERT-In ଏହା ମଧ୍ୟ କହିଛି ଯେ ଫ୍ରେମୱାର୍କ, ସିଷ୍ଟମ, ଏଆରଏମ କମ୍ଫୋନେଟ୍ସ ଓ ମିଡିଆଟେକ୍ କମ୍ଫୋନେଟ୍ସ, କ୍ୱାଲକମ୍ କମ୍ଫୋନେଟ୍ସ ଓ କ୍ୱାଲକମ୍ କ୍ଲୋଜ୍ ସୋର୍ସ କମ୍ଫୋନେଟ୍ସଗୁଡ଼ିକରେ ଅନେକ ତ୍ରୁଟି ଦେଖିବାକୁ ମିଳିଛି।
ବିପଦରେ ଅଛନ୍ତି ସ୍ମାର୍ଟଫୋନ୍ ବ୍ୟବହାରକାରୀ
ପ୍ରଭାବିତ ତାଲିକାରେ ଏତେ ସଂଖ୍ୟକ ଚିପ ନିର୍ମାତା ରହିବା ଅର୍ଥ ହେଉଛି ସାମସଙ୍ଗ, ରିଅଲମି, ୱାନପ୍ଲସ, ଜିଆଓମି ଓ ଭିଭୋ ଭଳି ବ୍ରାଣ୍ଡର ସ୍ମାର୍ଟଫୋନ ବ୍ୟବହାରକାରୀ ବହୁତ ବିପଦରେ ଅଛନ୍ତି। କମ୍ପାନୀଗୁଡିକୁ ଏହି ଦୁର୍ବଳତା ପାଇଁ ଯଥାଶୀଘ୍ର ସିକ୍ୟୁରିଟ୍ ପ୍ୟାଚ୍ ଜାରି କରିବାକୁ ପଡିବ, କେବଳ ସେତେବେଳେ ଯାଇ ଏଥିରୁ ମୁକ୍ତ ହୋଇପାରିବେ। ତେବେ ଖୁସିର ଖବର ହେଉଛି ଅଧିକାଂଶ ଫୋନ୍ ବ୍ରାଣ୍ଡକୁ ଏହି ସମସ୍ୟାଗୁଡିକ ବିଷୟରେ ସରକାର ସୂଚନା ଦେଇଛନ୍ତି ଓ ନୂତନ ସୁରକ୍ଷା ପ୍ୟାଚ୍ ଜାରି କରିବା ଆରମ୍ଭ କରିଛନ୍ତି। ଆସନ୍ତା କିଛି ସପ୍ତାହ ମଧ୍ୟରେ ଏହା ସମସ୍ତ ଉପଭୋକ୍ତାଙ୍କୁ ରୋଲ ଆଉଟ୍ କରାଯିବ। ଯଦିଓ, ଯଦି ଆପଣ ଏପର୍ଯ୍ୟନ୍ତ ଆପଣଙ୍କର ଫୋନ୍ ଅପଡେଟ୍ କରିନାହାଁନ୍ତି, ତେବେ ସେଟିଂସମୂହକୁ ଯାଆନ୍ତୁ ଓ ଏହାକୁ ତୁରନ୍ତ ଅପଡେଟ୍ କରନ୍ତୁ।
କିପରି ଅପଡେଟ୍ କରିବେ ଆଣ୍ଡ୍ରଏଡ୍ ସ୍ମାର୍ଟଫୋନରେ ସଫ୍ଟୱେର୍?
