ଡାକ ଟିକଟରେ ସ୍ଥାନ ପାଇଲା ପ୍ରଭୁ ଶ୍ରୀରାମଙ୍କ ଛବି

ନୂଆଦିଲ୍ଲୀ: ଅଯୋଧ୍ୟାରେ ପ୍ରତିଷ୍ଠା ହୋଇଥିବା ପ୍ରଭୁ ଶ୍ରୀରାମଙ୍କ ପ୍ରତିମୂର୍ତ୍ତିର ଛବିକୁ ଡାକ ଟିକେଟରେ ସ୍ଥାନ ଦିଆଯାଇଛି । ଭାରତ ଓ ଲାଓସ ପକ୍ଷରୁ ପ୍ରଥମଥର ପାଇଁ ଏହି ନୂଆ ଡାକ ଟିକେଟ୍ ଲୋକାର୍ପଣ ହୋଇଛି । ବର୍ତ୍ତମାନ ଭାରତର ବୈଦେଶିକ ମନ୍ତ୍ରୀ ଏସ୍‌ ଜୟଶଙ୍କର ଲାଓସରେ ଥିବା ସମୟରେ ମିଳିତ ଭାବେ ଏପରି ପଦକ୍ଷପ ନେଇଛନ୍ତି ଦୁଇ ଦେଶ ।

A good meeting with DPM and FM Saleumxay Kommasith of Lao PDR. Thanked him for the warm hospitality.

Witnessed exchange of MoUs on 10 Quick Impact Projects (QIPs) for Laos under Mekong Ganga Cooperation and cooperation in sharing successful Digital Solutions.

Launched a… pic.twitter.com/XB02tPpJ80

— Dr. S. Jaishankar (@DrSJaishankar) July 27, 2024

ତେବେ ସୂଚନା ମୁତାବକ, ଷ୍ଟାମ୍ପ ସେଟ୍‌ରେ ୨ଟି ଡାକ ଟିକେଟ ରହିଥିବା ଦେଖିବାକୁ ମିଳିଛି । ତନ୍ମଧ୍ୟରୁ ଗୋଟିଏ ହେଉଛି ଲାଓସର ପୁରୁତାନ ରାଜଧାନୀ ଲୁଅରଙ୍ଗ ପ୍ରବାଙ୍ଗର ଭଗବାନ ବୁଦ୍ଧ ଏବଂ ଅନ୍ୟଟି ଅଯୋଧ୍ୟାରେ ପୂଜା ପାଉଥିବା ପ୍ରଭୁ ଶ୍ରୀରାମଙ୍କ ପ୍ରତିଛବି । ଦୁଇ ଦେଶ ଭାରତ ଏବଂ ଲାଓସ ମଧ୍ୟରେ ଥିବା ରାମାୟଣ ଓ ବୌଦ୍ଧ ଧର୍ମ ଭଳି ସାଂସ୍କୃତି ଐତିହ୍ୟକୁ ଅଧିକ ରୁଦ୍ଧିମନ୍ତ କରିବା ପାଇଁ ଏପରି ଡାକ ଟିକେଟ୍ ପ୍ରସ୍ତୁତ କରାଯାଇ ଲୋକାର୍ପଣ କରାଯାଇଥିବା କୁହାଯାଉଛି । ଲାଓସରେ ଆୟୋଜିତ ଏସିଆନ ମେକାନିଜିମ ମିଟିଂରେ ଯୋଗ ଦେବାକୁ ଯାଇଛନ୍ତି ବୈଦେଶିକ ମନ୍ତ୍ରୀ ଏସ୍‌ ଜୟଶଙ୍କର । ସେଠାରେ ଲାଓସର  ବୈଦେଶିକ ମନ୍ତ୍ରୀ ଏସ୍‌ କୋମାସିଥଙ୍କ ସହ ସାକ୍ଷାତ କରିଛନ୍ତି ।