Indian Railways: ଦେଶର ଏପରି ଏକ ରାଜ୍ୟ ଯେଉଁଠାରେ ରହିଛି ଗୋଟିଏ ମାତ୍ର ରେଳ ଷ୍ଟେସନ, କାରଣ...

Indian Railways: ରେଳବାଇ ଦେଶର କୋଟି କୋଟି ଜନତାଙ୍କ ପାଇଁ ଏକ ବରଦାନ ସଦୃଶ ଅଟେ । ଭାରତୀୟ ରେଳବାଇ ବିଶ୍ୱର ଚତୁର୍ଥ ବୃହତ୍ତମ ରେଳ ସେବା ମଧ୍ୟରୁ ଅନ୍ୟତମ । କିନ୍ତୁ ଏତେ ସବୁ ସତ୍ତ୍ୱେ ଦେଶରେ ଏପରି ଏକ ରାଜ୍ୟ ଅଛି ଯେଉଁଠାରେ କେବଳ ଗୋଟିଏ ରେଳ ଷ୍ଟେସନ ରହିଛି ।

Indian Railways: ଆମ ଦେଶରେ ଯେତେବେଳେ ଦୂରସ୍ଥାନକୁ ଭ୍ରମଣ କରିବା ନେଇ କଥା ଆସେ ସେତେବେଳେ ଟ୍ରେନ୍ (Train) ସମସ୍ତଙ୍କର ପ୍ରଥମ ପସନ୍ଦ ହୋଇଥାଏ । ଦୀର୍ଘ ଦୂରତାକୁ ଅତିକ୍ରମ କରିବା ପାଇଁ ରେଳ ଏକ ଶସ୍ତା ଓ ଦ୍ରୁତ ପରିବହନର ମାଧ୍ଯମ ଅଟେ। ଭାରତର ପ୍ରାୟ ପ୍ରତ୍ୟେକ ରାଜ୍ୟ ଓ ସହରରେ ରେଳ ବ୍ୟବସ୍ଥା ରହିଛି । ଭାରତୀୟ ରେଳବାଇ ବ୍ୟବସ୍ଥା ବର୍ତ୍ତମାନ ଆହୁରି ବିସ୍ତାରିତ ହେବାକୁ ଲାଗିଛି । ଏମିତି କି ଟ୍ରେନକୁ ଦୁର୍ଗମ ଅଞ୍ଚଳକୁ ନେବା ପାଇଁ ମଧ୍ୟ ବ୍ୟବସ୍ଥା କରାଯାଉଛି ।ରେଳବାଇ ଦେଶର କୋଟି କୋଟି ଜନତାଙ୍କ ପାଇଁ ଏକ ବରଦାନ ସଦୃଶ ଅଟେ । ଭାରତୀୟ ରେଳବାଇ (Indian Railways) ବିଶ୍ୱର ଚତୁର୍ଥ ବୃହତ୍ତମ ରେଳ ସେବା ମଧ୍ୟରୁ ଅନ୍ୟତମ । ଅନେକ ବଡ଼ ସଫଳତା ହାସଲ କରିବାରେ ଭାରତୀୟ ରେଳବାଇର ନାମ ପଞ୍ଜୀକୃତ ହୋଇଛି । ଦେଶର ପ୍ରତ୍ୟେକ କୋଣକୁ ରେଳ ନେଟୱାର୍କ ବ୍ୟାପିଛି । କିନ୍ତୁ ଏତେ ସବୁ ସତ୍ତ୍ୱେ ଦେଶରେ ଏପରି ଏକ ରାଜ୍ୟ ଅଛି ଯେଉଁଠାରେ କେବଳ ଗୋଟିଏ ରେଳ ଷ୍ଟେସନ ରହିଛି ।

ପ୍ରକାଶ ଥାଉ କି, ଯେଉଁ ଦେଶରେ ୮ ହଜାରରୁ ଅଧିକ ରେଳ ଷ୍ଟେସନ୍ ଅଛି ସେଠାରେ ଏହି ସଂଖ୍ୟା ଆଶ୍ଚର୍ଯ୍ୟଜନକ ଅଟେ । ବାସ୍ତବରେ, ମିଜୋରାମ ହେଉଛି ସେହି ରାଜ୍ୟ, ଯେଉଁଠାରେ ସମଗ୍ର ରାଜ୍ୟରେ ପାଇଁ ରହିଛି ମାତ୍ର ଗୋଟିଏ ରେଳ ଷ୍ଟେସନ (Mizoram railway station) । ଏହି ରେଳ ଷ୍ଟେସନର ନାମ ‘ବୈରବୀ ରେଳ ଷ୍ଟେସନ’ (Bairabi railway station)ଅଟେ । ପ୍ରାୟ ୧୧ ଲକ୍ଷ ଜନସଂଖ୍ୟା ବିଶିଷ୍ଟ ଏହି ରାଜ୍ୟରେ କେବଳ ଗୋଟିଏ ରେଳ ଷ୍ଟେସନ ରହିଛି । ଯାତାୟାତ ପାଇଁ ଲୋକମାନେ ଏହି ଗୋଟିଏ ରେଳ ଷ୍ଟେସନ ଉପରେ ନିର୍ଭରଶୀଳ । ଏହି ରେଳ ଷ୍ଟେସନର BHRB ଅଟେ । ଏହା ରାଜ୍ୟର କୋଲାସିବ୍ ଜିଲ୍ଲାରେ ଅବସ୍ଥିତ । ଯାତ୍ରୀଙ୍କ ଯାତାୟତ ସହ ଏହି ଷ୍ଟେସନରେ ସାମଗ୍ରୀ ପରିବହନ କାର୍ଯ୍ୟ ମଧ୍ୟ କରାଯାଇଥାଏ । ପୂର୍ବରୁ ଏହି ଷ୍ଟେସନଟି ଆକାରରେ ବହୁତ ଛୋଟ ଥିଲା, ପରେ ୨୦୧୬ ମସିହାରେ ଏହାକୁ ଆହୁରି ବିକଶିତ କରାଯାଇଥିଲା । ଯାହା ପରେ ଏହାର ସ୍ଥିତିରେ ସାମାନ୍ୟ ସୁଧାର ଆସିଥିଲା । ଏହି ରେଳ ଷ୍ଟେସନରେ ତିନୋଟି ପ୍ଲାଟଫର୍ମ ରହିଛି । ସମଗ୍ର ରାଜ୍ୟରେ କେବଳ ଗୋଟିଏ ରେଳ ଷ୍ଟେସନ ଥିବାରୁ ଲୋକମାନେ ଯାତ୍ରା କରିବା ଲାଗି ବହୁ ଅସୁବିଧାର ସମ୍ମୁଖୀନ ହୋଇଥାଆନ୍ତି । ଦୀର୍ଘ ଦିନ ଧରି ଏଠିକାର ବାସିନ୍ଦା ଆଉ ଏକ ଷ୍ଟେସନ ନିର୍ମାଣ ନେଇ ଦାବି କରିଆସୁଛନ୍ତି।

ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, ରେଳବାଇ ପକ୍ଷରୁ ରାଜ୍ୟରେ ଆଉ ଏକ ଷ୍ଟେସନ ନିର୍ମାଣ ପାଇଁ ପ୍ରସ୍ତାବ ଦିଆଯାଇଛି। ଏହା ସହ ଏହି ଷ୍ଟେସନରୁ ରେଳ ସଂଯୋଗକୁ ଆହୁରି ଉନ୍ନତ କରିବାକୁ ଯୋଜନା କରାଯାଉଛି । ତେବେ ଏହା ଦେଖିବାକୁ ବାକି ରହିଲା କି, ଏହି ରାଜ୍ୟରେ ଆଉ ଏକ ରେଳ ଷ୍ଟେସନ ନିର୍ମାଣର ସ୍ୱପ୍ନ କେବେ ସଫଳ ହେଉଛି ।