LIC Share price: ୩୧ ଡିସେମ୍ବର ୨୦୨୨ ସୁଦ୍ଧା LICର ନିବେଶ ମୂଲ୍ୟ ୮୨,୯୭୦ କୋଟି ଟଙ୍କା ଥିଲା, ଯାହା ୨୩ ଫେବୃଆରୀ ୨୦୨୩ ସୁଦ୍ଧା ୩୩,୨୪୨ କୋଟି ଟଙ୍କାକୁ ଖସି ଆସିଛି । ଏହି ହିସାବ ଅନୁଯାୟୀ, LIC ୫୦ ଦିନ ମଧ୍ୟରେ ୪୯,୭୨୮ କୋଟି ଟଙ୍କା କ୍ଷତି ସହିଛି ।
Trending Photos
5
12
5
12 "ସୌ: ସୋସିଆଲ ମିଡିଆ")
Adani group stocks: ହିନ୍ଦେନବର୍ଗର ଚକ୍ରବ୍ୟୁହରେ ଫସି ଗୌତମ ଆଦାନୀଙ୍କ (Gautam Adani) କମ୍ପାନୀ ଆଦାନୀ ଗ୍ରୁପ୍ ସର୍ବାଧିକ କ୍ଷତି ସହିଥିବା ସମସ୍ତେ ଜାଣିଛନ୍ତି, କିନ୍ତୁ ଆଦାନୀଙ୍କ କମ୍ପାନୀଗୁଡିକରେ ପୁଞ୍ଜି ନିବେଶ କରି LIC (Life Insurance Corporation of India) ମଧ୍ୟ ବହୁତ କ୍ଷତି ସହିଛି । ଆଦାନୀଙ୍କ ସେୟାରରେ (Adani Share) କ୍ରମାଗତ ହ୍ରାସ ପାଉଥିବା ଯୋଗୁଁ ଦେଶର ବୃହତ୍ତମ ବୀମା କମ୍ପାନୀ ମାତ୍ର ୫୦ ଦିନ ମଧ୍ୟରେ ୫୦,୦୦୦ କୋଟିରୁ ଅଧିକ କ୍ଷତି ସହିଛି ।
ବିଜନେସ୍ ଟୁଡେ ଏକ ରିପୋର୍ଟ ଅନୁଯାୟୀ, ଗୌତମ ଆଦାନୀଙ୍କ କମ୍ପାନୀରେ LIC ବିପୁଳ ପୁଞ୍ଜି ବିନିଯୋଗ କରିଛି । ୩୧ ଡିସେମ୍ବର ୨୦୨୨ ସୁଦ୍ଧା ବୀମାଙ୍କର ନିବେଶ ମୂଲ୍ୟ ୮୨,୯୭୦ କୋଟି ଟଙ୍କା ଥିଲା, ଯାହା ୨୩ ଫେବୃଆରୀ ୨୦୨୩ ସୁଦ୍ଧା ୩୩,୨୪୨ କୋଟି ଟଙ୍କାକୁ ଖସି ଆସିଛି । ଏହି ହିସାବ ଅନୁଯାୟୀ, LIC ୫୦ ଦିନରେ ୪୯,୭୨୮ କୋଟି ଟଙ୍କା କ୍ଷତି ସହିଛି । ଗତ ଏକ ମାସ ମଧ୍ୟରେ ହିନ୍ଦନବର୍ଗ ରିପୋର୍ଟ ପ୍ରକାଶ ପାଇବା ପରଠାରୁ ଏହି କ୍ଷତି ଦ୍ରୁତ ଗତିରେ ବୃଦ୍ଧି ପାଇଛି ।
ଆଦାନୀ ଗ୍ରୁପ୍ ର ପ୍ରାୟ ସମସ୍ତ ତାଲିକାଭୁକ୍ତ କମ୍ପାନୀର ସେୟାରରେ LIC ବିନିଯୋଗ ନିବେଶ କରିଛି । ଏଥିମଧ୍ୟରେ ଆଦାନୀ ଏଣ୍ଟରପ୍ରାଇଜେସ୍, ଆଦାନୀ ଗ୍ରୀନ୍ ଏନର୍ଜି, ଆଦାନୀ ବନ୍ଦର, ଆଦାନୀ ଟୋଟାଲ୍ ଗ୍ୟାସ୍, ଆଦାନୀ ଟ୍ରାନ୍ସମିସନ୍, ଆମ୍ବୁଜା ସିମେଣ୍ଟ ଓ ଏସିସି ଅନ୍ତର୍ଭୁକ୍ତ । ବିଜନେସ୍ ଟୁଡେ ଅନୁଯାୟୀ, ଅର୍ଥ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ LIC ର ପୁଞ୍ଜି ନିବେଶ ସମ୍ବନ୍ଧରେ ଏକ୍ସଚେଞ୍ଜରେ ଅଫିସିଆଲ୍ ଦାଖଲ ନହେବା ପର୍ଯ୍ୟନ୍ତ ଆମେ କୌଣସି ମନ୍ତବ୍ୟ ଦେଇ ପାରିବୁ ନାହିଁ । ସେ କହିଛନ୍ତି ଯେ ବଜାରରେ ପୁଞ୍ଜି ନିବେଶର ମୂଲ୍ୟ ବଦଳୁଛି ।
କହିରଖୁଛୁ ଯେ ୨୪ ଜାନୁଆରୀରେ, ହିନ୍ଦେନବର୍ଗ ଆଦାନି ଗ୍ରୁପ୍ ଉପରେ ଏହାର ରିସର୍ଚ୍ଚ ରିପୋର୍ଟ ଉପସ୍ଥାପନ କରିଥିଲା, ଯେଉଁଥିରେ ସେୟାର ଓ ଋଣର ମନିପୁଲେସନ୍ ଉପରେ ବଡ ଦାବି କରାଯାଇଥିଲା । ଏହି ରିପୋର୍ଟ ଆସିବା ପରେ ଆଦାନୀଙ୍କ ସେୟାରରେ ହ୍ରାସ ଯୋଗ ଆଦାନୀ ଗ୍ରୁପର ବଜାର ପୁଞ୍ଜିକରଣ ୧୨ ଲକ୍ଷ କୋଟି ଟଙ୍କା ହ୍ରାସ ପାଇ ୧୦୦ ବିଲିୟନ ଡ଼ଲାରରେ ପହଞ୍ଚିଛି । ୨୫ ଫେବୃଆରୀ ୨୦୨୩ ରୁ ଆରମ୍ଭ ହୋଇଥିବା LIC ନିବେଶର ସମସ୍ତ ଷ୍ଟକ୍ ହ୍ରାସ ହେବା ଜାରି ରହିଛି ।
ଆଦାନି ଗ୍ରୁପର ଅଂଶଧନ ହ୍ରାସ ହେବା ସହିତ ଗୌତମ ଆଦାନୀଙ୍କ ସମ୍ପତ୍ତି ମଧ୍ୟ ଦିନକୁ ଦିନ ହ୍ରାସ ପାଇବାରେ ଲାଗିଛି ଓ ହିନ୍ଦେନବର୍ଗ ଏପରି ଝଟକା ଦେଇଛି ଯେ ଆଦାନି ବିଲିୟନେୟାର ତାଲିକାରେ ଶୀର୍ଷ-୪ ରୁ ୨୯ ତମ ସ୍ଥାନକୁ ଖସିଯାଇଛନ୍ତି । ବିଲିୟନେୟାର ଇଣ୍ଡେକ୍ସ ଅନୁଯାୟୀ ଗୌତମ ଆଦାନୀଙ୍କ ସମ୍ପତ୍ତି ମୂଲ୍ୟ ୪୧.୭ ବିଲିୟନ ଡ଼ଲାରକୁ ଖସି ଆସିଛି ।
ଏହା ବି ପଢ଼ନ୍ତୁ: ଦେଶରେ ଚାକିରି କରୁଥିବା ମହିଳାମାନଙ୍କୁ ମିଳିବ କି ପିରିୟଡ ଛୁଟି? ସୁପ୍ରିମକୋର୍ଟ ଦେଲେ ଏହି ଜବାବ
