Flood News: ତେଲଙ୍ଗାନା-ଆନ୍ଧ୍ରପ୍ରଦେଶରେ ବର୍ଷା ବିତ୍ପାତ, ଗଲାଣି ୨୦ ଜୀବନ

Flood News: ନୂଆଦିଲ୍ଲୀ: ଦକ୍ଷିଣ ଭାରତର ଦୁଇଟି ରାଜ୍ୟ ଆନ୍ଧ୍ରପ୍ରଦେଶ ଓ ତେଲଙ୍ଗାନାରେ ଦୁଇ ଦିନ ଧରି ଲଗାତାର ଭାବେ ବର୍ଷା ଜାରି ରହିଛି। ଏହି ଦୁଇ ରାଜ୍ୟରେ ବନ୍ୟା କାରଣରୁ ୨୦ ଜଣଙ୍କର ମୃତ୍ୟୁ ହୋଇ ସାରିଲାଣି। ଉଭୟ ରାଜ୍ୟରେ ବନ୍ୟା ସ୍ଥିତି ବେଶ ସଂଗୀନ ରହିଛି। ଜନଜୀବନ ମଧ୍ୟ ଗୁରୁତର ପ୍ରଭାବିତ ହୋଇଥିବା ଦେଖିବାକୁ ମିଳିଛି। ନଦୀନାଳରେ ବନ୍ୟା ଜଳ ଉଛୁଳା ମାରୁଥିବା ଦେଖିବାକୁ ମିଳିଛି। ନଦୀ ଓ ଡ୍ରେନଗୁଡିକ ସ୍ପାଟରେ ଅଛି ଏବଂ ନିମ୍ନମାନର ଅଞ୍ଚଳରେ ଜଳମଗ୍ନ ହୋଇଛି। ଜଳସ୍ତର ଯୋଗୁଁ ଅନେକ ରାସ୍ତା ଓ ରେଳପଥ ଅବରୋଧ କରାଯାଇଥିଲା। ୫୪ଟି ଟ୍ରେନ ଦିଗ ପରିବର୍ତ୍ତନ କରି ଚଳାଚଳ କରୁଥିବାବେଳେ ରେଳବାଇ ୯୯ଟି ଟ୍ରେନକୁ ବାତିଲ କରିଛି। 

ଆନ୍ଧ୍ର ଓ ତେଲଙ୍ଗାନାର ମୁଖ୍ୟମନ୍ତ୍ରୀଙ୍କ ସହିତ ଆଲୋଚନା କଲେ ପ୍ରଧାନମନ୍ତ୍ରୀ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଦିନ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁ ଏବଂ ତେଲେଙ୍ଗାନା ମୁଖ୍ୟମନ୍ତ୍ରୀ ଏ. ରେବନ୍ତ ରେଡ୍ଡୀଙ୍କ ସହ ବନ୍ୟା ସ୍ଥିତି ନେଇ ଆଲୋଚନା କରିଛନ୍ତି। ସମସ୍ତ ପ୍ରକାର ସାହାଯ୍ୟ ଯୋଗାଇ ଦେବା ନେଇ ପ୍ରଧାନମନ୍ତ୍ରୀ ଆଶ୍ୱାସନା ଦେଇଛନ୍ତି। ପରିସ୍ଥିତି ଜାଣିବା ପାଇଁ ଗୃହମନ୍ତ୍ରୀ ଅମିତ ଶାହା ମଧ୍ୟ ଉଭୟ ମୁଖ୍ୟମନ୍ତ୍ରୀଙ୍କ ସହିତ ମଧ୍ୟ ଆଲୋଚନା କରିଥିବା ଜଣାପଡ଼ିଛି। ସେ କହିଛନ୍ତି ଯେ ସହାୟତା ଯୋଗାଇବାରେ କେନ୍ଦ୍ର କୌଣସି ଅବହେଳା କରିବ ନାହିଁ।  ଏହି ସମୟରେ, ୨୬ଟି NDRF ଦଳ ଉଭୟ ରାଜ୍ୟରେ ରିଲିଫ ଏବଂ ଉଦ୍ଧାର କାର୍ଯ୍ୟରେ ନିୟୋଜିତ ଥିବାବେଳେ ଆଉ ୧୪ଟି ଦଳ ପଠାଯିବ।

ଏଠାରେ କହି ରଖୁ କି ହାଇଦ୍ରାବାଦ ସମେତ ତେଲଙ୍ଗାନାର ଅଧିକାଂଶ ଅଞ୍ଚଳରେ ରବିବାର ପ୍ରବଳ ବର୍ଷା ହୋଇଥିଲା। ରାଜ୍ୟର ରାଜସ୍ୱ ମନ୍ତ୍ରୀ ପୋଙ୍ଗୁଲେଟି ଶ୍ରୀନିବାସ ରେଡ୍ଡୀ କହିଥିଲେ କି ରାଜ୍ୟରେ ପ୍ରବଳ ବର୍ଷା କାରଣରୁ ନ ଜଣ ଲୋକଙ୍କ ପ୍ରାଣହାନୀ ଘଟିଛି। ସେହିପରି ଜଣେ ନିଖୋଜ ରହିଛନ୍ତି। ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ମନ୍ତ୍ରୀ ପରିଷଦର, ଅଧିକାରୀ ଓ ଜନପ୍ରତିନିଧିଙ୍କ ସହିତ ବୈଠକ କରି ଆଲର୍ଟ ରହିବାକୁ ସୂଚନା ଦେଇଛନ୍ତି। 

ସେହିପରି ପାଣିପାଗ ବିଭାଗ ପକ୍ଷରୁ ଆହୁରଇ ଅଧିକ ବର୍ଷା ନେଇ ସତର୍କ ସୂଚନା ଜାରି କରିଛନ୍ତି। ପାଣିପାଗ ବିଭାଗ ଅନୁଯାୟୀ ଆଦିଲାବାଦ, ନିଜାମାବାଦ, ରାଜନ୍ନା ସିରସିଲା, ୟାଦାଦ୍ରୀ ଭୁବନଗିରୀ, ବିକାରାବାଦ, ସାଙ୍ଗାରେଡ୍ଡୀ, କାମାରେଡ୍ଡୀ ଓ ମେହବୁବନଗର ଅଞ୍ଚଳରେ ପ୍ରବଳ ବର୍ଷା ନେଇ ରେଡ ଆଲର୍ଟ ଜାରି ହୋଇଛି। ସେହିପରି ଆନ୍ଧ୍ରପ୍ରଦେଶରେ ବିଗତ ଦୁଇ ଦିନ ଧରି ପ୍ରବଳ ବର୍ଷା ଜାରି ରହିଛି। ବିଜୟୱାଡା ଓ ଏହାର ଆଖପାଖ ଅଞ୍ଚଳରେ ପ୍ରବଳ ବର୍ଷା କାରଣରୁ ତଳିଆ ଅଞ୍ଚଳରେ ବନ୍ୟାଜଳ ପ୍ରବେଶ କରିଛି। ଫଳରେ ଜନଜୀବନ ଗୁରୁତର ଭାବେ ପ୍ରଭାବିତ ହୋଇଛି। 

ବିଜୟୱାଡା ଓ ଏହାର ଆଖପାଖ ଅଞ୍ଚଳରୁ ପାଖାପାଖି ୧୭ ହଜାର ଲୋକଙ୍କୁ ଉଦ୍ଧାର କରାଯାଇଛି। ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାୟଡୁଙ୍କ ଅନୁଯାୟୀ ରାଜ୍ୟର ୧୪ ଜିଲ୍ଲା ବନ୍ୟାରେ ପ୍ରଭାବିତ ହୋଇଛନ୍ତି। ଫଳରେ ୯ ଜଣଙ୍କର ଜୀବନ ହାନୀ ହୋଇଥିବା ବେଳେ ଜଣେ ନିଖୋଜ ରହିଥିବା ନେଇ ସେ ସୂଚନା ପ୍ରଦାନ କରିଛନ୍ତି।