Odisha- Andhra border conflict: ଜାଗା ନେଲା ଏବେ ପାଠ ବି ନେଲା, ସରକାର ତୁମେ ନିରବ କାହିଁକି?

Odisha- Andhra border conflict: ଦଶମ ଶ୍ରେଣୀ ବହିରେ ମାଛକୁଣ୍ଡ ପ୍ରକଳ୍ପ ଆନ୍ଧ୍ରର ବୋଲି ଲେଖାଯିବାକୁ ନେଇ, ବର୍ତ୍ତମାନ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଯାହାକୁ ନେଇ ରାଜନୈତିକ ବୟାନ ବାଜି ଆରମ୍ଭ ହୋଇଛି ।

Odisha- Andhra border conflict: ଓଡ଼ିଶାର ସୀମା ବର୍ତ୍ତମାନ ବିପଦରେ । ଆନ୍ଧ୍ରଠୁ ଆରମ୍ଭ କରି ଅନ୍ୟ ସୀମା ଅଞ୍ଚଳରେ ପଡୋଶୀ ରାଜ୍ୟ ପଶି ଦଖଲ କରୁଥିବା ବେଳେ ଏବେ ପାଠ୍ୟପୁସ୍ତକରେ ବି ଓଡ଼ିଶାର କିଛି ସ୍ଥାନ ଅନ୍ୟ ପ୍ରଦେଶର ବୋଲି ସ୍ଥାନ ପାଇଥିବା ଦେଖିବାକୁ ମିଳିଛି । ଦଶମ ଶ୍ରେଣୀ ବହିରେ ମାଛକୁଣ୍ଡ ପ୍ରକଳ୍ପ ଆନ୍ଧ୍ରର ବୋଲି ଲେଖାଯିବାକୁ ନେଇ, ବର୍ତ୍ତମାନ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଯାହାକୁ ନେଇ ରାଜନୈତିକ ବୟାନ ବାଜି ଆରମ୍ଭ ହୋଇଛି ।

କୋଟିଆର ଅବସ୍ଥା ପ୍ରାୟ ସମସ୍ତ ଓଡ଼ିଶା ବାସି ଉଣା ଅଧିକ ଜାଣନ୍ତି । ସେଠାରେ ଆନ୍ଧ୍ରର ନିର୍ମାଣ କାର୍ଯ୍ୟ, ଲୋକଙ୍କୁ ସରକାରୀ ସହାୟତା ଏପରିକି ନିର୍ବାଚନରେ ସାମିଲ କରିବାକୁ ନେଇ ମଧ୍ୟ ଦୁଇ ଦେଶ ମଧ୍ୟରେ ଲଢେଇ ଚାଲିଛି । ଖାଲି କୋଟିଆ ନୁହେଁ ରାଜ୍ୟର ବହୁ ସୀମାନ୍ତ ଅଞ୍ଚଳରେ ଏଭଳି ସମାନ ଅବସ୍ଥା ଦେଖିବାକୁ ମିଳିଛି । ବର୍ତ୍ତମାନ ସମୟରେ ଏପରି ଆଉ ଏକ ପ୍ରସଙ୍ଗ ସାମ୍ନାକୁ ଆସିଛି । ଖୋଦ ଓଡ଼ିଶାରେ ଦଶମ ଶ୍ରେଣୀ ବହିରେ ରାଜ୍ୟର ମାଛକୁଣ୍ଡ ପ୍ରକଳ୍ପକୁ ଆନ୍ଧ୍ରର ବୋଲି ଲେଖାଯିବା ନେଇ ବର୍ତ୍ତମନ ରାଜ୍ୟ ରାଜନୀତିକୁ ତୀବ୍ର କରିଛି ।

କଂଗ୍ରେସର କହିଛି ଯେ  ଏହା ବହୁତ ଦୁର୍ଭାଗ୍ୟର କଥା, ହେଲେ ଓଡ଼ିଶାରେ ଯେଉଁ ପ୍ରଶାସନିକ ଅଧିକାରୀ ମାନେ ଅଛନ୍ତି ତାଙ୍କ କାଗଜପତ୍ରରେ ମାନଚିତ୍ର ଦେଓମାଳି ନାହିଁ ମାଛକୁଣ୍ଡ ନାହିଁ । ମାଛକୁଣ୍ଡ ଓଡିଶାର ଗର୍ବ ଗୌରବ । ଏପରି କର୍ମଚାରୀ ମାନଙ୍କ ଉପରେ ଦୃଢ଼ କାର୍ଯ୍ୟନୁଷ୍ଠାନ ହେବା ଦରକାର ବୋଲି କଂଗ୍ରେସ କହିଛି ।

ସେପଟେ ବିଜେପି ମଧ୍ୟ ପ୍ରସଙ୍ଗକୁ କଡ଼ା ସମାଲୋଚନା କରିଛି । ଏଭଳି ତ୍ରୁଟି ଗ୍ରହଣୀୟ ନୁହେଁ ବୋଲି ବିଜେପି କହିଛି । ଏପରିକି ସୀମା ସୁରକ୍ଷା ଦିଗରେ ବିଜେଡିର ଆନ୍ତରିକତା ନେଇ ବିଜେପି ପ୍ରଶ୍ନ ଉଠାଇଛି । ସେପଟେ ବିଜେଡି ତ୍ରୁଟିକୁ ସ୍ୱୀକାର କରିବା ସହ ଏହାର ସମାଧାନ ହେବା ଦରକାର ବୋଲି ବିଜେଡି କହିଛି ।

ସୀମା ବିବାଦ ପ୍ରସଙ୍ଗକୁ ନେଇ ସବୁବେଳେ ରାଜନୀତି ହୋଇଆସିଛି । ଏଭଳି ସ୍ଥିତିରେ ପାଠ୍ୟପୁସ୍ତକରେ ଏଭଳି ତ୍ରୁଟିକୁ ନେଇ ଏବେ ସବୁ ମହଲରେ ଚର୍ଚ୍ଚା ।