New Covid Strain: ଶରୀରରେ ଦେଖାଦେଉଛି ଏସବୁ ଲକ୍ଷଣ, ସୁସ୍ଥ ହେବାକୁ ଲାଗୁଛି ବେଶି ଦିନ

ଦେଶରେ ପୁଣିଥରେ କାୟା ବିସ୍ତାର କଲାଣି କୋରୋନା ଭାଇରସ । ଏବେ ବେଶି ଛନକା ପୂରାଇଛି କୋରୋନାର New Covid Strain JN.1 ଭାରିଏଣ୍ଟ । ଏହାକୁ ନେଇ ଡାକ୍ତରଙ୍କ ସହ ବିଶେଷଜ୍ଞ ମାନେ ସଚେତନ ରହିବାକୁ ପରାମର୍ଶ ଦେଇଛନ୍ତି। ସେହିପରି ବିଶେଷଜ୍ଞଙ୍କ କହିବା କଥା ଏହି ନୂଆ ଭାରିଏଣ୍ଟ ଏବେ ଦୀର୍ଘ ଦିନ ପର୍ଯ୍ୟନ୍ତ ଶରୀରରେ ରହୁଛି । ଏବଂ ସୁସ୍ଥ ହେବାକୁ ଅଧିକ ସମୟ ଲାଗୁଛି। JN.1 ଭାରିଏଣ୍ଟ ପ୍ରଥମ ଥର ସେପ୍ଟେମ୍ବର ମାସରେ ସ୍ୱାସ୍ଥ୍ୟ ଅଧିକାରୀଙ୍କ ଦ୍ୱାରା ଚିହ୍ନଟ କରାଯାଇଥିଲା। ଆଉ ଏହି ଭାରିଏଣ୍ଟରେ ଅଧିକ ଗମ୍ଭୀର ରୋଗ ଜନ୍ମ ଦେବାର କ୍ଷମତା ରଖିଛି । କାରଣ ଏହି ଭାରିଏଣ୍ଟ JN.1 BA.2.86 ବଂଶଜ ବୋଲି ବିଶେଷଜ୍ଞ କହିଛନ୍ତି। JN.1 BA.2.86 ଯାହା ପିରୋଲା ଷ୍ଟ୍ରେନ୍ ଭାବରେ ଜଣାଶୁଣା । ଏଥିରୁ ସୁସ୍ଥ ହେବାକୁ ଅଧିକ ସମୟ ଲାଗିପାରେ ଏବଂ ଅଧିକ ଗୁରୁତର ରୋଗ ହୋଇପାରେ । ଯେଉଁମାନଙ୍କର ପୁରୁଣା ରୋଗ ରହିଛି ସେମାନେ ଏଥିରେ ସଚେତନ ରହିବା ଦରକାର। ଏହାର ସଂକ୍ରମଣର କ୍ଷମତା ଏହାର ସ୍ପାଇକ୍ ପ୍ରୋଟିନ୍ ରେ ପରିବର୍ତ୍ତନ ହେତୁ ହୋଇପାରେ । JN.1ର ସାପ୍ତାହିକ ଆନୁମାନିକ ଅଭିବୃଦ୍ଧି ହାର ହେଉଛି ୮୪.୨ ପ୍ରତିଶତ, ଅର୍ଥାତ୍ ଏହି ପ୍ରକାରଟି ଗତ ଆଠ ମାସରେ ଦେଖାଯାଇଥିବା ଅନ୍ୟ ଷ୍ଟ୍ରେନ୍ ଅପେକ୍ଷା ଦ୍ରୁତଗତିରେ ଗତି କରୁଛି । ତେବେ କେମିତି ରହିବେ ସଚେତନ ଆସନ୍ତୁ ଶୁଣିବା କଣ କହୁଛନ୍ତି ବରିଷ୍ଠ ଡାକ୍ତର