GRE Exam: ਅਮਰੀਕਾ ਦੀ ਯੂਨੀਵਰਸਿਟੀਜ਼ 'ਚ ਦਾਖ਼ਲਾ ਲੈਣ ਇਹ ਟੈਸਟ ਜ਼ਰੂਰੀ; ਜਾਣੋ ਕੀ ਹੈ GRE

GRE Exam: ਅਮਰੀਕਾ ਵਿੱਚ ਦੁਨੀਆ ਦੀ ਟਾਪ ਯੂਨੀਵਰਸਿਟੀਜ਼ ਮੌਜੂਦ ਹਨ ਜਿਥੇ 10 ਲੱਖ ਤੋਂ ਜ਼ਿਆਦਾ ਅੰਤਰਰਾਸ਼ਟਰੀ ਪੜ੍ਹਾਈ ਕਰ ਰਹੇ ਹਨ। ਲੱਖਾਂ ਦੀ ਗਿਣਤੀ ਵਿੱਚ ਭਾਰਤੀ ਵਿਦਿਆਰਥੀ ਵੀ ਪੜ੍ਹਾਈ ਹਾਸਲ ਕਰ ਰਹੇ ਹਨ। ਅਮਰੀਕੀ ਵਿਦਿਅਕ ਸੰਸਥਾਵਾਂ ਵਿੱਚ ਦਾਖਲਾ ਮਿਲਣਾ ਬਹੁਤ ਔਖਾ ਹੁੰਦਾ ਹੈ ਕਿਉਂਕਿ ਉਨ੍ਹਾਂ ਦੀ ਸਵੀਕ੍ਰਿਤੀ ਦਰ ਬਹੁਤ ਘੱਟ ਹੈ।

ਜੇਕਰ ਟਾਪ ਯੂਨੀਵਰਸਿਟੀ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੀ ਸਵੀਕ੍ਰਿਤੀ ਦਰ ਤਾਂ 10 ਫ਼ੀਸਦੀ ਤੋਂ ਵੀ ਘੱਟ ਹੁੰਦੀ ਹੈ। ਯੂਨੀਵਰਸਿਟੀ ਵਿੱਚ ਦਾਖਲਾ ਲੈਣਾ ਇੰਨਾ ਚੁਣੌਤੀਪੂਰਨ ਇਸ ਲਈ ਹੁੰਦਾ ਹੈ ਕਿਉਂਕਿ ਵਿਦਿਆਰਥੀਆਂ ਨੂੰ ਕਈ ਤਰ੍ਹਾਂ ਦੇ ਟੈਸਟ ਸਕੋਰ ਦਿਖਾਉਣੇ ਪੈਂਦੇ ਹਨ। ਹਰ ਯੂਨੀਵਰਸਿਟੀ ਵਿੱਚ ਸਵੀਕਾਰ ਕੀਤਾ ਜਾਣ ਵਾਲਾ ਟੈਸਟ ਸਕੋਰ ਅਲੱਗ-ਅਲੱਗ ਹੁੰਦਾ ਹੈ।

ਅਮਰੀਕਾ ਵਿੱਚ ਪੜ੍ਹਨ ਲਈ ਸਭ ਤੋਂ ਜ਼ਰੂਰੀ ਟੈਸਟ IELTS ਜਾਂ TOEFL ਹੁੰਦਾ ਹੈ। ਇਸ ਰਾਹੀਂ ਵਿਦਿਆਰਥੀਆਂ ਦੀ ਅੰਗਰੇਜ਼ੀ ਭਾਸ਼ਾ ਵਿੱਚ ਪਕੜ ਨੂੰ ਜਾਣਾ ਜਾਂਦਾ ਹੈ। ਹਾਲਾਂਕਿ ਅੰਗਰੇਜ਼ੀ ਦੇ ਟੈਸਟ ਤੋਂ ਇਲਾਵਾ ਵੀ ਇੱਕ ਹੋਰ ਪ੍ਰੀਖਿਆ। ਜਿਸ ਦੇ ਸਕੋਰ ਦੇ ਆਧਾਰ ਉਤੇ ਯੂਨੀਵਰਸਿਟੀ ਦਾਖ਼ਲਾ ਦਿੰਦੀ ਹੈ। ਇਹ ਟੈਸਟ GRE ਹੈ।

GRE ਟੈਸਟ ਕੀ ਹੈ?
'ਗ੍ਰੈਜੂਏਟ ਰਿਕਾਰਡ ਐਗਜ਼ਾਮੀਨੇਸ਼ਨ' (GRE) ਐਜੂਕੇਸ਼ਨਲ ਟੈਸਟਿੰਗ ਸਰਵਿਸ (ETS) ਵੱਲੋਂ ਕਰਵਾਈ ਜਾਂਦੀ ਇੱਕ ਮਿਆਰੀ ਪ੍ਰੀਖਿਆ ਹੈ। ਇਸ ਰਾਹੀਂ ਇਹ ਸਮਝਿਆ ਜਾਂਦਾ ਹੈ ਕਿ ਇੱਕ ਵਿਦਿਆਰਥੀ ਪੋਸਟ ਗ੍ਰੈਜੂਏਸ਼ਨ ਦੀ ਪੜ੍ਹਾਈ ਲਈ ਕਿੰਨਾ ਤਿਆਰ ਹੈ। ਅਮਰੀਕਾ ਵਿੱਚ ਪੋਸਟ ਗ੍ਰੈਜੂਏਸ਼ਨ ਕੋਰਸਾਂ ਅਤੇ ਐਮਬੀਏ ਵਿੱਚ ਦਾਖ਼ਲੇ ਲਈ GRE ਟੈਸਟ ਜ਼ਰੂਰੀ ਹੈ। ਕੁਝ ਕੋਰਸਾਂ ਵਿੱਚ ਦਾਖਲੇ ਲਈ ਵਿਦਿਆਰਥੀਆਂ ਨੂੰ ਜੀਆਰਈ ਟੈਸਟ ਦੇ ਨਾਲ-ਨਾਲ GRE ਵਿਸ਼ੇ ਦਾ ਟੈਸਟ ਦੇਣਾ ਪੈਂਦਾ ਹੈ। 

ਵਿਦਿਆਰਥੀਆਂ ਨੂੰ ਭੌਤਿਕ ਵਿਗਿਆਨ, ਮਨੋਵਿਗਿਆਨ ਅਤੇ ਗਣਿਤ ਵਰਗੇ ਕੋਰਸਾਂ ਵਿੱਚ ਪੋਸਟ ਗ੍ਰੈਜੂਏਸ਼ਨ ਦੀ ਡਿਗਰੀ ਹਾਸਲ ਕਰਨ ਲਈ GRE ਵਿਸ਼ੇ ਦੇ ਟੈਸਟ ਸਕੋਰ ਦੀ ਲੋੜ ਹੁੰਦੀ ਹੈ। ਇਹ ਇਨ੍ਹਾਂ ਵਿਸ਼ਿਆਂ ਵਿੱਚ ਉਸਦੀ ਤਕਨੀਕੀ ਜਾਣਕਾਰੀ ਨੂੰ ਦਰਸਾਉਂਦਾ ਹੈ। ਆਮ ਤੌਰ 'ਤੇ ਜੀਆਰਈ ਟੈਸਟ ਦੁਆਰਾ ਇੱਕ ਵਿਦਿਆਰਥੀ ਦੀ ਯੋਗਤਾ ਨੂੰ ਤਿੰਨ ਖੇਤਰਾਂ ਜਿਵੇਂ ਕਿ ਵਰਬਲ, ਕੁਆਂਟੀਟੇਟਿਵ ਰੀਜ਼ਨਿੰਗ ਅਤੇ ਐਨਾਲਿਟੀਕਲ ਰਾਈਟਿੰਗ ਵਿੱਚ ਪਰਖਿਆ ਜਾਂਦਾ ਹੈ। ਪੋਸਟ ਗ੍ਰੈਜੂਏਸ਼ਨ ਅਤੇ MBA ਕੋਰਸਾਂ ਤੋਂ ਇਲਾਵਾ ਅਮਰੀਕਾ ਦੇ ਕੁਝ ਲਾਅ ਸਕੂਲਾਂ ਨੂੰ ਵੀ ਦਾਖਲੇ ਲਈ GRE ਸਕੋਰ ਦੀ ਲੋੜ ਹੁੰਦੀ ਹੈ।

ਅਮਰੀਕੀ ਯੂਨੀਵਰਸਿਟੀਆਂ ਵਿੱਚ ਦਾਖ਼ਲੇ ਦੌਰਾਨ ਦਾਖਲਾ ਕਮੇਟੀ ਤੁਹਾਡੇ GRE ਸਕੋਰ ਦੀ ਜਾਂਚ ਕਰਦੀ ਹੈ। ਇਸ ਸਮੇਂ ਦੌਰਾਨ, ਇਹ ਵੀ ਦੇਖਿਆ ਜਾਂਦਾ ਹੈ ਕਿ ਤੁਸੀਂ ਹੁਣ ਤੱਕ ਆਪਣੀ ਪੜ੍ਹਾਈ ਦੌਰਾਨ ਕਿਸ ਤਰ੍ਹਾਂ ਦੇ ਅੰਕ ਪ੍ਰਾਪਤ ਕੀਤੇ ਹਨ। ਦਾਖ਼ਲਾ GRE ਸਕੋਰ ਅਤੇ ਪੜ੍ਹਾਈ ਵਿੱਚ ਹੁਣ ਤੱਕ ਦੀ ਕਾਰਗੁਜ਼ਾਰੀ 'ਤੇ ਅਧਾਰਤ ਹੈ। GRE ਟੈਸਟ ਗਣਿਤ, ਅਲਜਬਰਾ, ਜਿਓਮੈਟਰੀ ਅਤੇ ਡਾਟਾ ਵਿਸ਼ਲੇਸ਼ਣ ਦੇ ਨਾਲ-ਨਾਲ ਕਾਲਜ-ਪੱਧਰ ਦੀ ਸ਼ਬਦਾਵਲੀ ਦੀ ਜਾਂਚ ਕਰਦਾ ਹੈ। ਇਹ ਤੁਹਾਡੀ ਸੋਚਣ ਦੀ ਸਮਰੱਥਾ ਨੂੰ ਵੀ ਪਰਖਦਾ ਹੈ।