Punjab Weather Update: ਫਰਵਰੀ ਮਹੀਨੇ 'ਚ ਹੀ ਮਈ ਵਾਲੀ ਗਰਮੀ! ਪਹਾੜਾਂ 'ਤੇ ਵੀ ਛੁੱਟੇ ਲੋਕਾਂ ਦੇ ਪਸੀਨੇ

Punjab Weather Update: ਫਰਵਰੀ ਮਹੀਨੇ 'ਚ ਹੀ ਗਰਮੀ ਦਾ ਕਹਿਰ ਸ਼ੁਰੂ ਹੋ ਗਿਆ ਹੈ। ਦਿੱਲੀ ਵਿੱਚ ਦੋ ਸਾਲਾਂ ਵਿੱਚ ਫਰਵਰੀ ਵਿੱਚ ਐਤਵਾਰ ਨੂੰ ਸਭ ਤੋਂ ਵੱਧ ਤਾਪਮਾਨ 31.5 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਮੌਸਮ ਵਿਭਾਗ ਨੇ ਕਿਹਾ ਕਿ ਇਸ ਸਾਲ ਤਾਪਮਾਨ 'ਚ 'ਅਸਧਾਰਨ' ਵਾਧੇ ਨਾਲ ਵੱਧ ਤੋਂ ਵੱਧ ਤਾਪਮਾਨ ਸੀਜ਼ਨ ਦੇ ਔਸਤ ਨਾਲੋਂ 7 ਡਿਗਰੀ ਵੱਧ ਰਿਹਾ ਹੈ।

Punjab Weather Update: ਫਰਵਰੀ ਬਸੰਤ ਦਾ ਮਹੀਨਾ ਹੈ। ਇਸ ਵਾਰ ਬਸੰਤ ਪੂਰੀ ਤਰ੍ਹਾਂ ਗਾਇਬ ਹੈ। ਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ 'ਚ ਸਰਦੀ ਤੋਂ ਬਾਅਦ ਗਰਮੀ ਦਾ ਸਿੱਧਾ ਅਸਰ ਹੋਣਾ ਸ਼ੁਰੂ ਹੋ ਗਿਆ ਹੈ। ਭਾਰਤ ਦੇ ਉੱਤਰੀ ਹਿੱਸੇ ਵਿੱਚ ਫਰਵਰੀ ਦਾ ਮਹੀਨਾ ਗੁਲਾਬੀ ਠੰਡ ਲਈ ਜਾਣਿਆ ਜਾਂਦਾ ਹੈ। ਸਰਦੀਆਂ ਦੀ ਰੁੱਤ ਅਲਵਿਦਾ ਕਹਿ ਰਹੀ ਹੈ ਅਤੇ ਗਰਮੀਆਂ ਦੀ ਰੁੱਤ ਆਪਣੇ ਆਗਮਨ ਦੀ ਆਵਾਜ਼ ਦੇ ਰਹੀ ਹੈ। ਫਰਵਰੀ ਵਿੱਚ (Punjab Weather Update) ਇਸ ਵਾਰ ਕੁਦਰਤ ਦਾ ਅਜੀਬ ਖੇਡ ਦੇਖਣ ਨੂੰ ਮਿਲ ਰਿਹਾ ਹੈ। ਲੱਗਦਾ ਹੈ ਕਿ ਠੰਡ ਇਕਦਮ ਗਾਇਬ ਹੋ ਗਈ ਹੈ ਅਤੇ ਬਸੰਤ ਦੀ ਬਜਾਏ ਗਰਮੀ ਨੇ ਸਿੱਧਾ ਦਸਤਕ ਦੇ ਦਿੱਤੀ ਹੈ।

ਇਸ ਵਾਰ ਉੱਤਰੀ ਭਾਰਤ ਵਿੱਚ ਫਰਵਰੀ ਮਹੀਨੇ ਵਿੱਚ ਸਭ ਤੋਂ ਵੱਧ ਤਾਪਮਾਨ ਦਾ (Punjab Weather Update) ਰਿਕਾਰਡ ਬਣ ਰਿਹਾ ਹੈ। ਹਿਮਾਚਲ ਪ੍ਰਦੇਸ਼ ਦੇ ਸ਼ਿਮਲਾ ਵਿੱਚ ਐਤਵਾਰ ਨੂੰ ਔਸਤ ਵੱਧ ਤੋਂ ਵੱਧ ਤਾਪਮਾਨ 29 ਡਿਗਰੀ ਸੈਲਸੀਅਸ ਦੇ ਆਸ-ਪਾਸ ਰਿਹਾ, ਜੋ ਆਮ ਨਾਲੋਂ 11 ਡਿਗਰੀ ਸੈਲਸੀਅਸ ਵੱਧ ਸੀ। ਇਹ ਪਿਛਲੇ 20 ਸਾਲਾਂ ਵਿੱਚ ਫਰਵਰੀ ਮਹੀਨੇ ਵਿੱਚ ਸ਼ਿਮਲਾ ਵਿੱਚ ਸਭ ਤੋਂ ਵੱਧ ਹੈ। ਪੰਜਾਬ, ਹਰਿਆਣਾ, ਦਿੱਲੀ, ਯੂਪੀ, ਬਿਹਾਰ, ਰਾਜਸਥਾਨ, ਮੱਧ ਪ੍ਰਦੇਸ਼ ਅਤੇ ਛੱਤੀਸਗੜ੍ਹ ਦਾ ਇਹੀ ਹਾਲ ਹੈ। ਇਨ੍ਹਾਂ ਸੂਬਿਆਂ 'ਚ ਫਰਵਰੀ 'ਚ ਹੀ ਗਰਮੀ ਮਹਿਸੂਸ ਹੋਣ ਲੱਗੀ ਹੈ।

ਇਹ ਵੀ ਪੜ੍ਹੋ: Punjab Board Class 12th Exams: 12ਵੀਂ ਦੀ ਪ੍ਰੀਖਿਆਵਾਂ ਸ਼ੁਰੂ, ਜਾਣੋ ਕੁਝ ਦਿਸ਼ਾ ਨਿਰਦੇਸ਼; ਗਲਤੀ ਕੀਤੀ 'ਤੇ ਨਹੀਂ ਦੇ ਸਕੋਗੇ ਪੇਪਰ

ਆਈਐਮਡੀ ਅਨੁਸਾਰ 'ਜੰਮੂ ਖੇਤਰ ਵਿੱਚ ਅੱਜ ਤੋਂ ਤਾਪਮਾਨ ਵਿੱਚ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ। ਭਲਕੇ ਤੋਂ (Punjab Weather Update) ਹਿਮਾਚਲ ਪ੍ਰਦੇਸ਼ ਅਤੇ ਉੱਤਰਾਖੰਡ ਵਿੱਚ ਤਾਪਮਾਨ ਵਿੱਚ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ। ਆਉਣ ਵਾਲੇ ਕੁਝ ਦਿਨਾਂ ਵਿੱਚ ਪੰਜਾਬ ਅਤੇ ਹਰਿਆਣਾ ਸਮੇਤ ਉੱਤਰ ਪੱਛਮੀ ਮੈਦਾਨੀ ਇਲਾਕਿਆਂ ਵਿੱਚ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਆਉਣ ਵਾਲੇ ਦਿਨਾਂ 'ਚ ਪੰਜਾਬ, ਹਰਿਆਣਾ, ਰਾਜਸਥਾਨ, ਗੁਜਰਾਤ, ਮੱਧ ਪ੍ਰਦੇਸ਼ ਦਾ ਤਾਪਮਾਨ ਵਧੇਗਾ। ਖੁਸ਼ਕ ਹਵਾਵਾਂ ਕਾਰਨ ਘੱਟੋ-ਘੱਟ ਤਾਪਮਾਨ ਤੇਜ਼ੀ ਨਾਲ ਘਟ ਰਿਹਾ ਹੈ।

ਜੇਕਰ ਅਸੀਂ IMD ਦੇ ਅੰਕੜਿਆਂ 'ਤੇ ਤਰਕ ਨਾਲ ਨਜ਼ਰ ਮਾਰੀਏ, ਤਾਂ ਇਹ ਸਪੱਸ਼ਟ ਹੈ ਕਿ ਇਸ ਵਾਰ ਫਰਵਰੀ, ਮਾਰਚ ਜਿੰਨਾ ਗਰਮ ਹੈ, ਇਸ ਲਈ ਇਹ ਸਪੱਸ਼ਟ ਹੈ ਕਿ ਮਾਰਚ ਦਾ ਮਹੀਨਾ ਆਮ ਨਾਲੋਂ ਕਿਤੇ ਜ਼ਿਆਦਾ ਗਰਮ ਹੋ ਸਕਦਾ ਹੈ।