India Vs Pakistan Highlights, World Cup 2023, World Cup 2023: ਭਾਰਤ ਨੇ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਦਿੱਤੀ ਮਾਤ; ਵਿਸ਼ਵ ਕੱਪ 'ਚ ਲਗਾਤਾਰ ਤੀਜੀ ਜਿੱਤ

India Vs Pakistan Highlights, World Cup 2023, World Cup 2023: ਭਾਰਤ ਨੇ ਵਿਸ਼ਵ ਕੱਪ ਵਿੱਚ ਆਪਣਾ ਰਿਕਾਰਡ ਬਰਕਰਾਰ ਰੱਖਦੇ ਹੋਏ ਅਹਿਮਾਦਾਬਾਦ ਵਿੱਚ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਮਾਤ ਦਿੱਤੀ। ਭਾਰਤ ਨੇ ਹੁਣ ਤੱਕ ਵਿਸ਼ਵ ਕੱਪ ਵਿੱਚ ਪਾਕਿਸਤਾਨ ਨਾਲ ਖੇਡੇ 8 ਮੈਚਾਂ ਵਿਚੋਂ ਅੱਠ ਵਿੱਚ ਹੀ ਜਿੱਤ ਵਿੱਚ ਦਰਜ ਕੀਤੀ ਹੈ।

India Vs Pakistan Highlights, World Cup 2023, World Cup 2023: ਪਾਕਿਸਤਾਨ ਵਿਸ਼ਵ ਕੱਪ 'ਚ 8ਵੀਂ ਵਾਰ ਵੀ ਭਾਰਤ ਖਿਲਾਫ ਨਹੀਂ ਜਿੱਤ ਸਕਿਆ ਹੈ। ਭਾਰਤ ਨੇ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਹਰਾ ਕੇ ਆਪਣੀ ਜਿੱਤ ਦਾ ਸਿਲਸਿਲਾ ਜਾਰੀ ਰੱਖਿਆ। ਭਾਰਤੀ ਟੀਮ ਨੇ 30.3 ਓਵਰਾਂ ਵਿੱਚ 192 ਦੌੜਾਂ ਦਾ ਟੀਚਾ ਹਾਸਲ ਕਰ ਲਿਆ। 
ਵਿਸ਼ਵ ਕੱਪ ਦੇ 12ਵੇਂ ਮੈਚ ਵਿੱਚ ਭਾਰਤ ਨੇ ਪਾਕਿਸਤਾਨ ਨੂੰ ਸੱਤ ਵਿਕਟਾਂ ਨਾਲ ਹਰਾਇਆ। ਭਾਰਤ ਨੇ ਟੂਰਨਾਮੈਂਟ ਵਿੱਚ ਲਗਾਤਾਰ ਤੀਜੀ ਜਿੱਤ ਹਾਸਲ ਕੀਤੀ ਹੈ। ਹੁਣ ਉਸਨੇ ਆਸਟ੍ਰੇਲੀਆ ਤੇ ਅਫਗਾਨਿਸਤਾਨ ਖਿਲਾਫ਼ ਵੀ ਆਪਣੇ ਕੱਟੜ ਵਿਰੋਧੀਆਂ ਨੂੰ ਹਰਾਇਆ ਹੈ। ਉਸ ਦੇ ਹੁਣ ਤਿੰਨ ਮੈਚਾਂ ਵਿੱਚ ਛੇ ਅੰਕ ਹਨ। ਟੀਮ ਇੰਡੀਆ ਦਾ ਅਗਲਾ ਮੈਚ 19 ਅਕਤੂਬਰ ਨੂੰ ਪੁਣੇ 'ਚ ਬੰਗਲਾਦੇਸ਼ ਨਾਲ ਹੋਵੇਗਾ। ਇਸ ਦੇ ਨਾਲ ਹੀ ਪਾਕਿਸਤਾਨ ਦੀ ਟੀਮ 20 ਤਰੀਕ ਨੂੰ ਬੈਂਗਲੁਰੂ 'ਚ ਆਸਟ੍ਰੇਲੀਆ ਖਿਲਾਫ਼ ਖੇਡੇਗੀ।

ਕਪਤਾਨ ਰੋਹਿਤ ਸ਼ਰਮਾ ਨੇ ਅਰਧ ਸੈਂਕੜਾ ਜੜਿਆ। ਉਸ ਨੇ 86 ਦੌੜਾਂ ਦੀ ਪਾਰੀ ਖੇਡੀ। ਉਸ ਨੇ ਤੀਜੇ ਵਿਕਟ ਲਈ ਸ਼੍ਰੇਅਸ ਅਈਅਰ ਨਾਲ 77 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਪਾਕਿਸਤਾਨ ਲਈ ਬੱਲੇਬਾਜ਼ੀ ਕਰਦੇ ਹੋਏ ਕਪਤਾਨ ਬਾਬਰ ਆਜ਼ਮ ਨੇ ਇਕਲੌਤਾ ਅਰਧ ਸੈਂਕੜਾ ਲਗਾਇਆ। ਮੁਹੰਮਦ ਰਿਜ਼ਵਾਨ 49 ਦੌੜਾਂ ਬਣਾ ਕੇ ਆਊਟ ਹੋਏ। 5 ਭਾਰਤੀ ਗੇਂਦਬਾਜ਼ਾਂ ਨੇ 2-2 ਵਿਕਟਾਂ ਲਈਆਂ। ਭਾਰਤ ਲਈ ਰੋਹਿਤ ਤੋਂ ਇਲਾਵਾ ਸ਼੍ਰੇਅਸ ਅਈਅਰ ਨੇ 53 ਦੌੜਾਂ ਬਣਾਈਆਂ।

ਪਾਕਿਸਤਾਨ ਦੇ ਖਿਲਾਫ ਆਮ ਤੌਰ 'ਤੇ ਵੱਡੀਆਂ ਪਾਰੀਆਂ ਖੇਡਣ ਵਾਲੇ ਵਿਰਾਟ ਇਸ ਮੈਚ 'ਚ ਕੁਝ ਖਾਸ ਨਹੀਂ ਕਰ ਸਕੇ। ਉਹ ਕ੍ਰੀਜ਼ 'ਤੇ ਰਹਿ ਕੇ ਆਊਟ ਹੋ ਗਿਆ। ਕੋਹਲੀ ਨੇ 18 ਗੇਂਦਾਂ ਵਿੱਚ ਤਿੰਨ ਚੌਕਿਆਂ ਦੀ ਮਦਦ ਨਾਲ 16 ਦੌੜਾਂ ਬਣਾਈਆਂ। ਮੁਹੰਮਦ ਨਵਾਜ਼ ਹਸਨ ਅਲੀ ਦੀ ਗੇਂਦ 'ਤੇ ਕੈਚ ਹੋ ਗਏ। ਉਸ ਤੋਂ ਬਾਅਦ ਸ਼੍ਰੇਅਸ ਅਈਅਰ ਕ੍ਰੀਜ਼ 'ਤੇ ਆਏ। ਸ਼੍ਰੇਅਸ ਨੇ ਕਪਤਾਨ ਰੋਹਿਤ ਸ਼ਰਮਾ ਨਾਲ ਮਿਲ ਕੇ ਤੀਜੇ ਵਿਕਟ ਲਈ 77 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।

ਹੀਨ ਸ਼ਾਹ ਅਫਰੀਦੀ ਨੇ ਸਭ ਤੋਂ ਵੱਧ 2 ਵਿਕਟਾਂ ਲਈਆਂ। ਟਾਸ ਜਿੱਤ ਕੇ ਪਾਕਿਸਤਾਨ ਖਿਲਾਫ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਭਾਰਤ ਲਈ ਸਹੀ ਸਾਬਤ ਹੁੰਦਾ ਨਜ਼ਰ ਆ ਰਿਹਾ ਹੈ। ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਸ਼ਨੀਵਾਰ ਨੂੰ ਭਾਰਤ ਨੇ ਪਾਕਿਸਤਾਨ ਨੂੰ 191 ਦੌੜਾਂ 'ਤੇ ਆਲ ਆਊਟ ਕਰ ਦਿੱਤਾ। ਸਿਰਾਜ, ਬੁਮਰਾਹ, ਹਾਰਦਿਕ, ਕੁਲਦੀਪ ਅਤੇ ਰਵਿੰਦਰ ਜਡੇਜਾ ਨੇ 2-2 ਵਿਕਟਾਂ ਲਈਆਂ।

India Vs Pakistan Highlights, World Cup 2023, World Cup 2023:

14 October 2023

20:03 PM

ਭਾਰਤ ਦੀ ਵੱਡੀ ਜਿੱਤ

ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਾਕਿਸਤਾਨ ਦੀ ਟੀਮ 42.5 ਓਵਰਾਂ 'ਚ 191 ਦੌੜਾਂ 'ਤੇ ਸਿਮਟ ਗਈ। ਜਵਾਬ 'ਚ ਭਾਰਤ ਨੇ 30.3 ਓਵਰਾਂ 'ਚ ਤਿੰਨ ਵਿਕਟਾਂ 'ਤੇ 192 ਦੌੜਾਂ ਬਣਾ ਕੇ ਮੈਚ ਜਿੱਤ ਲਿਆ। ਟੀਮ ਇੰਡੀਆ ਨੇ ਵਿਸ਼ਵ ਕੱਪ ਦੇ ਇਤਿਹਾਸ 'ਚ ਪਾਕਿਸਤਾਨ ਖਿਲਾਫ ਆਪਣੀ ਜਿੱਤ ਦਾ ਸਿਲਸਿਲਾ ਜਾਰੀ ਰੱਖਿਆ ਹੈ। ਇਹ ਉਸ ਦੀ ਅੱਠਵੀਂ ਜਿੱਤ ਹੈ। ਹੁਣ ਭਾਰਤ ਇਸ ਟੂਰਨਾਮੈਂਟ ਵਿੱਚ ਉਸ ਤੋਂ ਨਹੀਂ ਹਾਰਿਆ ਹੈ।

19:53 PM

ਭਾਰਤ ਜਿੱਤ ਦੇ ਕਰੀਬ

ਭਾਰਤੀ ਟੀਮ ਪਾਕਿਸਤਾਨ ਖਿਲਾਫ਼ ਜਿੱਤ ਦੇ ਨੇੜੇ ਪਹੁੰਚ ਗਈ ਹੈ। ਟੀਮ ਇੰਡੀਆ ਨੇ 28 ਓਵਰਾਂ 'ਚ ਤਿੰਨ ਵਿਕਟਾਂ 'ਤੇ 176 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਨੂੰ ਜਿੱਤ ਲਈ 16 ਦੌੜਾਂ ਦੀ ਲੋੜ ਹੈ। ਸ਼੍ਰੇਅਸ ਅਈਅਰ 47 ਅਤੇ ਕੇਐਲ ਰਾਹੁਲ ਨੌਂ ਦੌੜਾਂ ਬਣਾ ਕੇ ਨਾਬਾਦ ਹਨ।

19:32 PM

ਭਾਰਤ ਨੂੰ ਵੱਡਾ ਝਟਕਾ ਲੱਗਾ ਹੈ
ਭਾਰਤ ਨੂੰ ਤੀਜਾ ਝਟਕਾ ਰੋਹਿਤ ਸ਼ਰਮਾ ਦੇ ਰੂਪ 'ਚ ਲੱਗਾ। ਉਹ ਲਗਾਤਾਰ ਦੂਜੇ ਮੈਚ ਵਿੱਚ ਸੈਂਕੜਾ ਬਣਾਉਣ ਤੋਂ ਖੁੰਝ ਗਏ। ਰੋਹਿਤ 86 ਦੌੜਾਂ ਬਣਾ ਕੇ ਆਊਟ ਹੋਏ। ਇਫਤਿਖਾਰ ਅਹਿਮਦ ਨੇ ਸ਼ਾਹੀਨ ਅਫਰੀਦੀ ਦੀ ਗੇਂਦ 'ਤੇ ਕੈਚ ਲਿਆ। ਰੋਹਿਤ ਨੇ ਆਪਣੀ ਪਾਰੀ ਵਿੱਚ ਛੇ ਚੌਕੇ ਅਤੇ ਛੇ ਛੱਕੇ ਜੜੇ।

18:43 PM

ਭਾਰਤ ਜਿੱਤ ਦੇ ਨੇੜੇ ਪੁੱਜਾ
ਭਾਰਤੀ ਟੀਮ ਨੇ 21 ਓਵਰਾਂ 'ਚ ਦੋ ਵਿਕਟਾਂ 'ਤੇ 154 ਦੌੜਾਂ ਬਣਾ ਲਈਆਂ ਹਨ। ਕਪਤਾਨ ਰੋਹਿਤ ਸ਼ਰਮਾ 85 ਅਤੇ ਸ਼੍ਰੇਅਸ ਅਈਅਰ 35 ਦੌੜਾਂ ਬਣਾ ਕੇ ਨਾਬਾਦ ਹਨ। ਦੋਵਾਂ ਨੇ ਤੀਜੀ ਵਿਕਟ ਲਈ 75 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਟੀਮ ਇੰਡੀਆ ਨੂੰ ਜਿੱਤ ਲਈ 38 ਦੌੜਾਂ ਦੀ ਲੋੜ ਹੈ।

18:22 PM

ਭਾਰਤ ਨੂੰ ਲੱਗਿਆ ਦੂਜਾ ਝਟਕਾ; ਇਹ ਖਿਡਾਰੀ ਹੋਇਆ ਆਊਟ
ਭਾਰਤ ਨੂੰ ਵਿਰਾਟ ਕੋਹਲੀ ਦੇ ਰੂਪ ਵਿੱਚ ਦੂਜਾ ਝਟਕਾ ਲੱਗਿਆ। ਵਿਰਾਟ ਕੋਹਲੀ 16 ਦੌੜਾਂ ਬਣਾ ਕੇ ਹਸਨ ਅਲੀ ਦਾ ਸ਼ਿਕਾਰ ਬਣੇ। ਹੁਣ ਤੱਕ ਭਾਰਤ ਨੇ ਦੋ ਵਿਕਟਾਂ ਦੇ ਨੁਕਸਾਨ ਉਤੇ 79 ਦੌੜਾ ਬਣਾ ਲਈਆਂ ਹਨ।

17:41 PM

ਭਾਰਤ ਨੂੰ ਲੱਗਾ ਪਹਿਲਾਂ ਝਟਕਾ, ਗਿੱਲ ਆਊਟ

23 ਦੌੜਾਂ ਉਪਰ ਭਾਰਤ ਨੂੰ ਸ਼ੁਭਮਨ ਗਿੱਲ ਦੇ ਰੂਪ ਵਿੱਚ ਪਹਿਲਾਂ ਝਟਕਾ ਲੱਗਾ। ਸ਼ਾਹਿਦ ਅਫਰੀਦੀ ਨੇ ਗਿੱਲ ਨੂੰ 16 ਦੌੜਾਂ ਉਪਰ ਉਪਰ ਸ਼ਾਦਿਬ ਖਾਨ ਦੇ ਹੱਥੋਂ ਕੈਚ ਆਊਟ ਕਰਵਾਇਆ।

17:24 PM

ਪਾਕਿਸਤਾਨ ਦੀ ਟੀਮ 191 ਦੌੜਾਂ 'ਤੇ ਢੇਰ
ਇੱਕ ਰੋਜ਼ਾ ਵਿਸ਼ਵ ਕੱਪ 2023 ਵਿੱਚ ਟੀਮ ਇੰਡੀਆ ਦਾ ਤੀਜਾ ਮੈਚ ਕੱਟੜ ਵਿਰੋਧੀ ਪਾਕਿਸਤਾਨ ਨਾਲ ਹੈ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਭਾਰਤੀ ਗੇਂਦਬਾਜ਼ਾਂ ਨੇ ਪਾਕਿਸਤਾਨ ਨੂੰ 191 ਦੌੜਾਂ 'ਤੇ ਆਊਟ ਕਰ ਦਿੱਤਾ। ਇਸ ਮੈਚ ਵਿੱਚ ਪਾਕਿਸਤਾਨ ਦੀ ਸ਼ੁਰੂਆਤ ਚੰਗੀ ਰਹੀ। ਇਕ ਸਮੇਂ ਪਾਕਿਸਤਾਨ ਦਾ ਸਕੋਰ ਦੋ ਵਿਕਟਾਂ 'ਤੇ 155 ਦੌੜਾਂ ਸੀ। ਇਸ ਤੋਂ ਬਾਅਦ ਸਿਰਾਜ ਨੇ ਬਾਬਰ ਨੂੰ ਆਊਟ ਕਰਕੇ ਸਾਂਝੇਦਾਰੀ ਨੂੰ ਤੋੜਿਆ ਅਤੇ ਕੁਲਦੀਪ ਯਾਦਵ ਨੇ ਇੱਕੋ ਓਵਰ ਵਿੱਚ ਦੋ ਵਿਕਟਾਂ ਲੈ ਕੇ ਭਾਰਤ ਦੀ ਵਾਪਸੀ ਕੀਤੀ। ਮੁਹੰਮਦ ਸਿਰਾਜ ਨੇ ਸ਼ੁਰੂਆਤ 'ਚ ਦੌੜਾਂ ਦੇਣ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕੀਤੀ ਅਤੇ ਦੋ ਵਿਕਟਾਂ ਲਈਆਂ। ਉਸ ਨੇ ਅਹਿਮ ਪਲਾਂ 'ਤੇ ਵਿਕਟਾਂ ਲਈਆਂ ਅਤੇ ਪਾਕਿਸਤਾਨ ਦੀ ਪਾਰੀ ਨੂੰ ਰਫ਼ਤਾਰ ਨਹੀਂ ਲੱਗਣ ਦਿੱਤੀ। ਅੰਤ 'ਚ ਬੁਮਰਾਹ ਤੇ ਜਡੇਜਾ ਨੇ ਵਿਕਟਾਂ ਲਈਆਂ ਅਤੇ ਪਾਕਿਸਤਾਨ ਦੀ ਪਾਰੀ 191 ਦੌੜਾਂ 'ਤੇ ਸਿਮਟ ਗਈ।

16:58 PM

ਪਾਕਿਸਤਾਨ ਦੀਆਂ ਦੋ ਓਵਰਾਂ 'ਚ ਦੋ ਵਿਕਟਾਂ ਡਿੱਗੀਆਂ

ਹਾਰਦਿਕ ਪਾਡਿਆਂ ਨੇ ਭਾਰਤ ਨੂੰ ਅੱਠਵੀਂ ਸਫਲਤਾ ਦਿਵਾਈ। ਉਸ ਨੇ 40ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਮੁਹੰਮਦ ਨਵਾਜ਼ ਨੂੰ ਆਊਟ ਕੀਤਾ। ਨਵਾਜ਼ 14 ਗੇਂਦਾਂ ਵਿੱਚ ਚਾਰ ਦੌੜਾਂ ਬਣਾ ਕੇ ਜਸਪ੍ਰੀਤ ਬੁਮਰਾਹ ਦੇ ਹੱਥੋਂ ਕੈਚ ਆਊਟ ਹੋ ਗਏ। ਇਸ ਤੋਂ ਬਾਅਦ ਅਗਲੇ ਓਵਰ ਦੀ ਪਹਿਲੀ ਗੇਂਦ 'ਤੇ ਰਵਿੰਦਰ ਜਡੇਜਾ ਨੇ ਹਸਨ ਅਲੀ ਨੂੰ ਆਊਟ ਕਰ ਦਿੱਤਾ। ਹਸਨ ਨੇ 19 ਗੇਂਦਾਂ 'ਤੇ 12 ਦੌੜਾਂ ਬਣਾਈਆਂ। ਸ਼ੁਭਮਨ ਗਿੱਲ ਨੇ ਉਸ ਦਾ ਕੈਚ ਫੜਿਆ। ਪਾਕਿਸਤਾਨ ਨੇ 41 ਓਵਰਾਂ 'ਚ ਨੌਂ ਵਿਕਟਾਂ 'ਤੇ 189 ਦੌੜਾਂ ਬਣਾਈਆਂ ਹਨ। ਸ਼ਾਹੀਨ ਅਫਰੀਦੀ ਤੇ ਹੈਰਿਸ ਰਾਊਫ ਕਰੀਜ਼ 'ਤੇ ਹਨ।

16:55 PM

ਪਾਕਿਸਤਾਨ ਨੂੰ ਸੱਤਵਾਂ ਝਟਕਾ ਲੱਗਾ
ਪਾਕਿਸਤਾਨ ਦੇ ਸੱਤ ਬੱਲੇਬਾਜ਼ ਪੈਵੇਲੀਅਨ ਪਰਤ ਗਏ। ਜਸਪ੍ਰੀਤ ਬੁਮਰਾਹ ਨੇ 36ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਸ਼ਾਦਾਬ ਖਾਨ ਨੂੰ ਕਲੀਨ ਬੋਲਡ ਕਰ ਦਿੱਤਾ। ਸ਼ਾਦਾਬ ਪੰਜ ਗੇਂਦਾਂ ਵਿੱਚ ਦੋ ਦੌੜਾਂ ਹੀ ਬਣਾ ਸਕਿਆ। ਹੁਣ ਮੁਹੰਮਦ ਨਵਾਜ਼ ਦੇ ਨਾਲ ਹਸਨ ਅਲੀ ਕ੍ਰੀਜ਼ 'ਤੇ ਹਨ।

16:50 PM

ਭਾਰਤ ਨੂੰ ਮਿਲੀ ਛੇਵੀਂ ਸਫਲਤਾ
ਜਸਪ੍ਰੀਤ ਬੁਮਰਾਹ ਨੇ ਭਾਰਤ ਨੂੰ ਮੈਚ ਵਿੱਚ ਛੇਵੀਂ ਸਫਲਤਾ ਦਿਵਾਈ। ਕੁਲਦੀਪ ਨੇ 33ਵੇਂ ਓਵਰ 'ਚ ਦੋ ਵਿਕਟਾਂ ਲੈਣ ਤੋਂ ਬਾਅਦ ਅਗਲੇ ਹੀ ਓਵਰ 'ਚ ਬੁਮਰਾਹ ਨੇ ਟੀਮ ਇੰਡੀਆ ਨੂੰ ਵੱਡੀ ਸਫਲਤਾ ਦਿਵਾਈ। ਉਸ ਨੇ 34ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਮੁਹੰਮਦ ਰਿਜ਼ਵਾਨ ਨੂੰ ਕਲੀਨ ਬੋਲਡ ਕਰ ਦਿੱਤਾ। ਰਿਜ਼ਵਾਨ ਅਰਧ ਸੈਂਕੜਾ ਬਣਾਉਣ ਤੋਂ ਖੁੰਝ ਗਿਆ। ਉਹ 69 ਗੇਂਦਾਂ 'ਤੇ 49 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਪਾਕਿਸਤਾਨ ਨੇ 34 ਓਵਰਾਂ 'ਚ ਛੇ ਵਿਕਟਾਂ 'ਤੇ 168 ਦੌੜਾਂ ਬਣਾਈਆਂ ਹਨ।

16:48 PM

ਕੁਲਦੀਪ ਨੂੰ ਦੂਜੀ ਸਫਲਤਾ ਮਿਲੀ
ਸਾਊਦ ਸ਼ਕੀਲ ਨੂੰ ਆਊਟ ਕਰਨ ਤੋਂ ਬਾਅਦ ਕੁਲਦੀਪ ਯਾਦਵ ਨੇ ਇਫ਼ਤਿਖਾਰ ਅਹਿਮਦ ਨੂੰ ਵੀ ਪੈਵੇਲੀਅਨ ਭੇਜਿਆ। ਇਫਤਿਖਾਰ ਚਾਰ ਗੇਂਦਾਂ ਵਿੱਚ ਚਾਰ ਦੌੜਾਂ ਬਣਾ ਕੇ ਕਲੀਨ ਬੋਲਡ ਹੋ ਗਏ। ਕੁਲਦੀਪ ਨੂੰ ਮੈਚ ਵਿੱਚ ਦੂਜੀ ਸਫਲਤਾ ਮਿਲੀ।

16:26 PM

ਕੁਲਦੀਪ ਨੂੰ ਪਹਿਲੀ ਸਫਲਤਾ ਮਿਲੀ
ਇਸ ਮੈਚ ਵਿੱਚ ਕੁਲਦੀਪ ਯਾਦਵ ਨੂੰ ਪਹਿਲੀ ਸਫਲਤਾ ਮਿਲੀ। ਉਸ ਨੇ 33ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਖੱਬੇ ਹੱਥ ਦੇ ਬੱਲੇਬਾਜ਼ ਸੌਦ ਸ਼ਕੀਲ ਨੂੰ ਐੱਲਬੀਡਬਲਯੂ ਕੁਲਦੀਪ ਦੀ ਗੇਂਦ ਸ਼ਕੀਲ ਦੇ ਪੈਡ 'ਤੇ ਲੱਗੀ। ਭਾਰਤੀ ਖਿਡਾਰੀਆਂ ਨੇ ਜ਼ੋਰਦਾਰ ਅਪੀਲ ਕੀਤੀ ਪਰ ਅੰਪਾਇਰ ਨੇ ਇਸ ਨੂੰ ਨਾਟ ਆਊਟ ਐਲਾਨ ਦਿੱਤਾ। ਕਪਤਾਨ ਰੋਹਿਤ ਸ਼ਰਮਾ ਨੇ ਕੁਲਦੀਪ ਤੇ ਵਿਕਟਕੀਪਰ ਕੇਐਲ ਰਾਹੁਲ ਤੋਂ ਸਲਾਹ ਲੈ ਕੇ ਸਮੀਖਿਆ ਕੀਤੀ। ਸਮੀਖਿਆ ਤੋਂ ਸਾਫ਼ ਪਤਾ ਚੱਲਿਆ ਕਿ ਕੁਲਦੀਪ ਦੀ ਗੇਂਦ ਸਟੰਪ ਦੇ ਨਾਲ ਮੇਲ ਖਾਂਦੀ ਸੀ। ਸਾਊਦ ਸ਼ਕੀਲ ਬਾਹਰ ਹੈ। ਉਹ 10 ਗੇਂਦਾਂ 'ਤੇ ਸਿਰਫ਼ ਛੇ ਦੌੜਾਂ ਹੀ ਬਣਾ ਸਕਿਆ।

16:19 PM

ਮੁਹੰਮਦ ਸਿਰਾਜ ਨੇ ਬਾਬਰ ਆਜ਼ਮ ਨੂੰ ਪੈਵੇਲੀਅਨ ਭੇਜਿਆ

ਭਾਰਤ ਖਿਲਾਫ਼ ਅਰਧ ਸੈਂਕੜਾ ਲਗਾ ਕੇ ਖੇਡ ਰਹੇ ਬਾਬਰ ਆਜ਼ਮ ਨੂੰ ਮੁਹੰਮਦ ਸਿਰਾਜ ਨੇ 50 ਦੌੜਾਂ ਉਤੇ ਕਲੀਨ ਬੋਲਡ ਕਰ ਦਿੱਤਾ। ਪਾਕਿਸਤਾਨ ਨੇ 31 ਓਵਰਾਂ ਵਿੱਚ ਤਿੰਨ ਵਿਕਟਾਂ ਦੇ ਨੁਕਸਾਨ ਉਤੇ 157 ਦੌੜਾਂ ਬਣਾ ਲਈਆਂ ਹਨ।

15:22 PM

ਰਿਜ਼ਵਾਨ ਦਾ ਵਾਲ ਵਾਲ ਹੋਇਆ ਬਚਾਅ 
ਮੁਹੰਮਦ ਰਿਜ਼ਵਾਨ 14ਵੇਂ ਓਵਰ ਵਿੱਚ ਆਊਟ ਹੋਣ ਤੋਂ ਬਚ ਗਿਆ। ਰਵਿੰਦਰ ਜਡੇਜਾ ਦੀ ਦੂਜੀ ਗੇਂਦ ਸਿੱਧੀ ਉਨ੍ਹਾਂ ਦੇ ਪੈਡ 'ਤੇ ਗਈ। ਅੰਪਾਇਰ ਨੇ ਰਿਜ਼ਵਾਨ ਨੂੰ ਆਊਟ ਐਲਾਨ ਦਿੱਤਾ ਸੀ। ਇਸ 'ਤੇ ਉਨ੍ਹਾਂ ਨੇ ਕਪਤਾਨ ਬਾਬਰ ਆਜ਼ਮ ਦੀ ਸਲਾਹ 'ਤੇ ਸਮੀਖਿਆ ਕੀਤੀ। ਸਮੀਖਿਆ 'ਚ ਜਡੇਜਾ ਦੀ ਗੇਂਦ ਲੈੱਗ ਸਟੰਪ ਤੋਂ ਬਾਹਰ ਜਾਂਦੀ ਦਿਖਾਈ ਦਿੱਤੀ। ਰਿਜ਼ਵਾਨ ਵਾਲ-ਵਾਲ ਬਚ ਗਿਆ। ਪਾਕਿਸਤਾਨ ਨੇ 15.4 ਓਵਰਾਂ 'ਚ ਦੋ ਵਿਕਟਾਂ 'ਤੇ 82 ਦੌੜਾਂ ਬਣਾ ਲਈਆਂ ਹਨ। 

14:51 PM

ਹਾਰਦਿਕ ਪਾਂਡਿਆ ਨੇ ਇਮਾਮ ਹੱਕ ਨੂੰ ਦਿਖਾਇਆ ਬਾਹਰ ਦਾ ਰਸਤਾ

ਹਾਰਦਿਕ ਪਾਂਡਿਆ ਨੇ ਭਾਰਤ ਨੂੰ ਦੂਜੀ ਸਫਲਤਾ ਦਿਵਾਈ। ਉਸ ਨੇ 13ਵੇਂ ਓਵਰ ਦੀ ਤੀਜੀ ਗੇਂਦ 'ਤੇ ਪਾਕਿਸਤਾਨੀ ਸਲਾਮੀ ਬੱਲੇਬਾਜ਼ ਇਮਾਮ ਹੱਕ ਨੂੰ ਆਊਟ ਕੀਤਾ। ਇਮਾਮ 38 ਗੇਂਦਾਂ 'ਤੇ 36 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਹ ਹਾਰਦਿਕ ਦੀ ਆਊਟਗੋਇੰਗ ਗੇਂਦ 'ਤੇ ਪੈਵੇਲੀਅਨ ਪਰਤ ਗਿਆ। ਵਿਕਟਕੀਪਰ ਕੇਐਲ ਰਾਹੁਲ ਨੇ ਉਸ ਦਾ ਕੈਚ ਫੜਿਆ। ਪਾਕਿਸਤਾਨ ਦਾ ਸਕੋਰ 13 ਓਵਰਾਂ 'ਚ ਦੋ ਵਿਕਟਾਂ 'ਤੇ 74 ਦੌੜਾਂ ਹੈ। ਬਾਬਰ ਆਜ਼ਮ 16 ਅਤੇ ਮੁਹੰਮਦ ਰਿਜ਼ਵਾਨ ਇੱਕ ਰਨ ਬਣਾ ਕੇ ਨਾਬਾਦ ਹਨ।

14:10 PM

ਮੁਹੰਮਦ ਸਿਰਾਜ ਨੇ ਭਾਰਤ ਨੂੰ ਪਹਿਲੀ ਸਫਲਤਾ ਦਿਵਾਈ

ਮੁਹੰਮਦ ਸਿਰਾਜ ਨੇ ਭਾਰਤ ਨੂੰ ਪਹਿਲੀ ਸਫਲਤਾ ਦਿਵਾਈ। ਉਸ ਨੇ ਪਾਰੀ ਦੇ ਅੱਠਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਅਬਦੁੱਲਾ ਸ਼ਫੀਕ ਨੂੰ ਆਊਟ ਕੀਤਾ। ਸ਼ਫੀਕ ਆਪਣੀ ਗੇਂਦ ਨੂੰ ਲੈੱਗ ਸਾਈਡ 'ਤੇ ਖੇਡਣਾ ਚਾਹੁੰਦਾ ਸੀ, ਪਰ ਖੁੰਝ ਗਿਆ। ਗੇਂਦ ਸਿੱਧੀ ਉਸ ਦੇ ਪੈਡ 'ਤੇ ਗਈ। ਸ਼ਫੀਕ ਦਾ ਪੈਰ ਸਟੰਪ ਦੇ ਸਾਹਮਣੇ ਸੀ। ਸਿਰਾਜ ਦੀ ਅਪੀਲ 'ਤੇ ਅੰਪਾਇਰ ਨੇ ਸ਼ਫੀਕ ਨੂੰ ਆਊਟ ਐਲਾਨ ਦਿੱਤਾ। ਉਹ 24 ਗੇਂਦਾਂ 'ਤੇ 20 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਸ਼ਫੀਕ ਨੇ ਇਮਾਮ ਉਲ ਹੱਕ ਨਾਲ ਮਿਲ ਕੇ ਪਹਿਲੀ ਵਿਕਟ ਲਈ 41 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਸ਼ਫੀਕ ਦੇ ਆਊਟ ਹੋਣ ਤੋਂ ਬਾਅਦ ਪਾਕਿਸਤਾਨੀ ਕਪਤਾਨ ਬਾਬਰ ਆਜ਼ਮ ਕ੍ਰੀਜ਼ 'ਤੇ ਆਏ ਹਨ। ਪਾਕਿਸਤਾਨ ਦਾ ਸਕੋਰ ਅੱਠ ਓਵਰਾਂ ਵਿੱਚ ਇੱਕ ਵਿਕਟ ’ਤੇ 41 ਦੌੜਾਂ ਹੈ।

13:43 PM

ਪਾਕਿਸਤਾਨ ਨੇ ਦੋ ਓਵਰਾਂ 'ਚ 16 ਦੌੜਾਂ ਬਣਾਈਆਂ

ਅਬਦੁਲ ਸ਼ਕੀਫ ਤੇ ਇਮਾਮ ਉਲ ਹੱਕ ਪਾਕਿਸਤਾਨ ਵੱਲੋਂ ਸਲਾਮੀ ਬੱਲੇਬਾਜ਼ੀ ਵਜੋਂ ਉੱਤਰੇ ਹਨ। ਪਹਿਲੇ ਓਵਰ ਵਿੱਚ ਪਾਕਿਸਤਾਨ ਨੇ 4 ਦੌੜਾਂ ਬਟੋਰੀਆਂ ਜਦਕਿ ਦੂਜੇ ਓਵਰ ਵਿੱਚ 12 ਦੌੜਾਂ ਬਣਾਈਆਂ ਹਨ। ਦੋ ਓਵਰਾਂ ਵਿੱਚ ਬਿਨਾਂ ਕਿਸੇ ਨੁਕਸਾਨ ਦੇ ਪਾਕਿਸਤਾਨ ਦਾ 16 ਸਕੋਰ ਹੋ ਗਿਆ ਹੈ।

13:34 PM

ਪਾਕਿਸਤਾਨ ਕਰੇਗਾ ਪਹਿਲਾਂ ਬੱਲੇਬਾਜ਼ੀ

ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਲਿਆ ਹੈ। ਇਸ ਤਰ੍ਹਾਂ ਹੁਣ ਪਾਕਿਸਤਾਨ ਪਹਿਲਾਂ ਬੱਲੇਬਾਜ਼ੀ ਕਰਨ ਲਈ ਉਤਰੇਗਾ।

13:32 PM

ਭਾਰਤ ਦੀ ਜਿੱਤ ਲਈ ਹਵਨ ਯੱਗ ਕਰਵਾਏ ਜਾ ਰਹੇ

ਵਿਸ਼ਵ ਕੱਪ ਵਿੱਚ ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਮੈਚ ਲਈ ਇੰਡੀਆ ਦੀ ਜਿੱਤ ਲਈ ਹਵਨ ਯੱਗ ਕਰਵਾਏ ਜਾ ਰਹੇ ਹਨ।

#WATCH | Patna, Bihar: Cricket fans perform havan ahead of the India Vs Pakistan World Cup match today pic.twitter.com/c2UGI4nEbW

— ANI (@ANI) October 14, 2023

13:13 PM

ਸ਼ੁਭਮਨ ਗਿੱਲ ਦੇ ਖੇਡਣ ਦੀ ਸੰਭਾਵਨਾ

ਟੀਮ ਇੰਡੀਆ ਦੇ ਨਿਯਮਤ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਦੀ ਇਸ ਮੈਚ 'ਚ ਵਾਪਸੀ ਹੋ ਸਕਦੀ ਹੈ। ਸ਼ੁੱਕਰਵਾਰ ਨੂੰ ਕਰਵਾਈ ਗਈ ਪ੍ਰੈੱਸ ਕਾਨਫਰੰਸ 'ਚ ਕਪਤਾਨ ਰੋਹਿਤ ਸ਼ਰਮਾ ਨੇ ਕਿਹਾ ਕਿ ਸ਼ੁਭਮਨ ਗਿੱਲ 99 ਫੀਸਦੀ ਚੋਣ ਲਈ ਉਪਲਬਧ ਹਨ ਪਰ ਉਨ੍ਹਾਂ ਨੂੰ ਪਲੇਇੰਗ-11 'ਚ ਸ਼ਾਮਲ ਕਰਨ ਦਾ ਫੈਸਲਾ ਮੈਚ ਤੋਂ ਪਹਿਲਾਂ ਲਿਆ ਜਾਵੇਗਾ।