G20 Summit 2023: 9 ਸਤੰਬਰ ਤੋਂ ਸ਼ੁਰੂ ਹੋ ਰਹੇ ਦੋ ਦਿਨਾਂ ਜੀ-20 ਸਿਖਰ ਸੰਮੇਲਨ ਵਿੱਚ ਅਮਰੀਕੀ ਰਾਸ਼ਟਰਪਤੀ ਜੋਅ ਬਿਡੇਨ, ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਸਣੇ ਕਈ ਦੇਸ਼ਾਂ ਦੇ ਮੁਖੀ ਸ਼ਾਮਲ ਹੋਣ ਵਾਲੇ ਹਨ।
Trending Photos
5
5
6
6 "G20 Summit in Delhi 2023: ਦਿੱਲੀ 'ਚ ਵਧਾਈ ਗਈ ਸੁਰੱਖਿਆ, 39 ਮੈਟਰੋ ਸਟੇਸ਼ਨਾਂ ਦੇ 69 ਗੇਟ ਰਹਿਣਗੇ ਬੰਦ")
Delhi Metro news: ਦਿੱਲੀ ਵਿੱਚ 9 ਤੋਂ 10 ਸਤੰਬਰ ਤੱਕ ਹੋਣ ਵਾਲੇ ਜੀ-20 ਸੰਮੇਲਨ ਦੇ ਮੱਦੇਨਜ਼ਰ ਸੁਰੱਖਿਆ ਦੇ ਪੁਖਤਾ ਪ੍ਰਬੰਧ ਰੱਖਣ ਲਈ, ਦਿੱਲੀ ਪੁਲਿਸ ਦੀ ਮੈਟਰੋ ਯੂਨਿਟ ਵੱਲੋਂ ਕੁਝ ਮੇਟ੍ਰੋਨ ਸਟੇਸ਼ਨਾਂ 'ਤੇ ਸੁਰੱਖਿਆ ਵਧਾਉਣ ਅਤੇ ਉਨ੍ਹਾਂ ਦੇ ਗੇਟ ਬੰਦ ਰੱਖਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ। ਇਸਦੇ ਤਹਿਤ ਜਿਹੜੇ ਮੈਟਰੋ ਸਟੇਸ਼ਨਾਂ ਦੇ ਗੇਟ ਜੀ-20 ਸੰਮੇਲਨ ਦੇ ਸਥਾਨ ਜਾਂ VVIPS ਦੇ ਰੂਟ ਵੱਲ ਖੁੱਲ੍ਹਦੇ ਹਨ, ਉਨ੍ਹਾਂ ਨੂੰ ਬੰਦ ਕੀਤਾ ਜਾਵੇਗਾ।
ਇਸਦੇ ਨਾਲ ਹੀ ਪੱਤਰ ਵਿੱਚ ਡੀਸੀਪੀ ਮੈਟਰੋ ਜੀ ਰਾਮ ਗੋਪਾਲ ਨਾਇਕ ਨੇ ਕਿਹਾ ਕਿ 39 ਸਟੇਸ਼ਨਾਂ ਦੇ ਗੇਟ ਬੰਦ ਕਰਨ ਦੀ ਲੋੜ ਹੈ ਜਦਕਿ ਸੁਪਰੀਮ ਕੋਰਟ, ਜਨਪਥ, ਭੀਕਾਜੀ ਕਾਮਾ ਪਲੇਸ, ਖਾਨ ਮਾਰਕੀਟ ਅਤੇ ਧੌਲਾ ਕੁਆਂ ਨੂੰ 'ਸੰਵੇਦਨਸ਼ੀਲ' ਸਟੇਸ਼ਨਾਂ ਵਜੋਂ 'ਸੰਵੇਦਨਸ਼ੀਲ' ਸਟੇਸ਼ਨ ਦੱਸਿਆ ਗਿਆ ਹੈ। ਪੱਤਰ ਦੇ ਮੁਤਾਬਕ ਦਿੱਲੀ ਮੈਟਰੋ ਦੇ ਸੁਪਰੀਮ ਕੋਰਟ ਸਟੇਸ਼ਨ ਦੇ ਸਾਰੇ ਗੇਟ 8 ਤੋਂ 10 ਸਤੰਬਰ ਤੱਕ ਬੰਦ ਰਹਿਣਗੇ ਜਦਕਿ ਖਾਨ ਮਾਰਕੀਟ ਦੇ ਗੇਟ ਨੰਬਰ 1,2 ਅਤੇ 3 ਨੂੰ ਬੰਦ ਕਰਨ ਅਤੇ ਗੇਟ ਨੰਬਰ 4 ਨੂੰ ਦਾਖਲੇ ਅਤੇ ਬਾਹਰ ਜਾਣ ਲਈ ਖੋਲ੍ਹਣ ਲਈ ਕਿਹਾ ਗਿਆ ਹੈ।
ਇਸੇ ਤਰ੍ਹਾਂ ਕੈਲਾਸ਼ ਕਲੋਨੀ ਸਟੇਸ਼ਨ ਦੇ ਗੇਟ ਨੰਬਰ 2 ਨੂੰ ਬੰਦ ਕਰਨ ਅਤੇ ਗੇਟ ਨੰਬਰ 5 ਨੂੰ ਛੱਡ ਕੇ ਲਾਜਪਤ ਨਗਰ ਮੈਟਰੋ ਸਟੇਸ਼ਨ ਦੇ ਸਾਰੇ ਗੇਟ ਬੰਦ ਕਰਨ ਲਈ ਵੀ ਕਿਹਾ ਗਿਆ ਹੈ। ਜਨਪਥ ਸਟੇਸ਼ਨ, ਜਿਸ ਨੂੰ ਸੰਵੇਦਨਸ਼ੀਲ ਵਜੋਂ ਮਾਰਕ ਕੀਤਾ ਗਿਆ ਹੈ, ਉੱਥੇ ਸਿਰਫ ਗੇਟ ਨੰਬਰ 2 ਹੀ ਖੁੱਲ੍ਹਾ ਰਹੇਗਾ।
ਡੀਸੀਪੀ ਮੈਟਰੋ ਵੱਲੋਂ ਦਿੱਤੇ ਗਏ ਪੱਤਰ ਦੇ ਮੁਤਾਬਕ, ਭੀਕਾਜੀ ਕਾਮਾ ਪਲੇਸ, ਜੋ ਕਿ ਇੱਕ ਹੋਰ ਸੰਵੇਦਨਸ਼ੀਲ ਸਟੇਸ਼ਨ ਦੱਸਿਆ ਗਿਆ ਹੈ, ਉੱਥੇ ਸਾਰੇ ਗੇਟਾਂ ਨੂੰ ਬੰਦ ਕਰਨ ਲਈ ਕਿਹਾ ਗਿਆ ਹੈ। ਇਸ ਦੌਰਾਨ ਏਅਰੋ ਸਿਟੀ, ਧੌਲਾ ਕੁਆਂ, ਸਾਊਥ ਕੈਂਪਸ, ਦਵਾਰਕਾ ਸੈਕਟਰ-21, ਪੰਚਸ਼ੀਲ ਪਾਰਕ, ਚਿਰਾਗ ਦਿੱਲੀ, ਗ੍ਰੇਟਰ ਕੈਲਾਸ਼, ਨਹਿਰੂ ਐਨਕਲੇਵ, ਕਾਲਕਾਜੀ ਮੰਦਰ, ਰਾਜੀਵ ਚੌਕ, ਚਾਵੜੀ ਬਾਜ਼ਾਰ ਅਤੇ ਚਾਂਦਨੀ ਚੌਕ ਵਰਗੇ ਸਟੇਸ਼ਨਾਂ 'ਤੇ ਯਾਤਰੀਆਂ ਲਈ ਆਮ ਵਾਂਗ ਹੀ ਗੇਟ ਖੁੱਲ੍ਹੇ ਰਹਿਣਗੇ।
ਦੱਸ ਦਈਏ ਕਿ 9 ਸਤੰਬਰ ਤੋਂ ਸ਼ੁਰੂ ਹੋ ਰਹੇ ਦੋ ਦਿਨਾਂ ਜੀ-20 ਸਿਖਰ ਸੰਮੇਲਨ ਵਿੱਚ ਅਮਰੀਕੀ ਰਾਸ਼ਟਰਪਤੀ ਜੋਅ ਬਿਡੇਨ, ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਸਣੇ ਕਈ ਦੇਸ਼ਾਂ ਦੇ ਮੁਖੀ ਸ਼ਾਮਲ ਹੋਣ ਵਾਲੇ ਹਨ। ਇਸ ਦੌਰਾਨ ਸੰਯੁਕਤ ਰਾਸ਼ਟਰ, ਅੰਤਰਰਾਸ਼ਟਰੀ ਮੁਦਰਾ ਫੰਡ, ਵਿਸ਼ਵ ਬੈਂਕ, ਵਿਸ਼ਵ ਵਪਾਰ ਸੰਗਠਨ ਅਤੇ ਵਿਸ਼ਵ ਸਿਹਤ ਸੰਗਠਨ ਦੇ ਮੁਖੀ ਵੀ ਮੌਜੂਦ ਰਹਿਣਗੇ।
ਇਹ ਵੀ ਪੜ੍ਹੋ: Agriculture News: ਪਰਾਲੀ ਦੇ ਨਿਪਟਾਰੇ ਲਈ ਸਰਫੇਸ ਸੀਡਰ 'ਤੇ ਸਬਸਿਡੀ ਲੈਣ ਲਈ 10 ਸਤੰਬਰ ਤੱਕ ਅਪਲਾਈ ਕਰ ਸਕਦੇ ਹਨ ਕਿਸਾਨ
