GST On Hostel Rent: ਹੋਸਟਲਾਂ ਤੇ ਪੀਜੀ 'ਚ ਰਹਿਣ ਵਾਲਿਆਂ ਲਈ ਅਹਿਮ ਖ਼ਬਰ! ਹੁਣ ਕਿਰਾਏ 'ਤੇ ਲੱਗੇਗਾ 12 ਫ਼ੀਸਦ ਜੀਐੱਸਟੀ

GST on Hostel-PG Rent latest News: ਆਪਣੇ ਘਰ ਤੋਂ ਬਾਹਰ ਪੜ੍ਹ ਰਹੇ ਵਿਦਿਆਰਥੀਆਂ ਲਈ ਅੱਜ ਇਕ ਬੁਰੀ ਖਬਰ ਆਈ ਹੈ। ਹੁਣ ਉਨ੍ਹਾਂ ਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਪੈਸਾ ਖਰਚ ਕਰਨਾ ਪੈ ਸਕਦਾ ਹੈ। ਅਥਾਰਟੀ ਫਾਰ ਐਡਵਾਂਸ ਰੂਲਿੰਗਜ਼ (ਏਏਆਰ) ਨੇ ਇਹ ਫੈਸਲਾ ਦੋ ਵੱਖ-ਵੱਖ ਮਾਮਲਿਆਂ ਵਿੱਚ ਦਿੱਤਾ ਹੈ।

GST on Hostel-PG Rent latest News:  ਦੇਸ਼ ਦੇ ਵੱਖ- ਵੱਖ ਸੂਬਿਆਂ ਵਿੱਚ ਘਰ ਤੋਂ ਬਾਹਰ ਪੜ੍ਹ ਰਹੇ ਵਿਦਿਆਰਥੀਆਂ ਲਈ ਅੱਜ ਇਕ ਬੁਰੀ ਖ਼ਬਰ ਆਈ ਹੈ। ਹੁਣ ਉਨ੍ਹਾਂ ਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਪੈਸਾ ਖਰਚ ਕਰਨਾ ਪੈ ਸਕਦਾ ਹੈ। ਦਰਅਸਲ ਹੋਸਟਲਾਂ ਅਤੇ ਪੀਜੀ ਵਿੱਚ ਰਹਿਣ ਵਾਲਿਆਂ ਨੂੰ ਹੁਣ ਆਪਣੀਆਂ ਜੇਬਾਂ ਢਿੱਲੀਆਂ ਕਰਨੀਆਂ ਪੈਣਗੀਆਂ। ਹੋਸਟਲ ਦੇ ਕਿਰਾਏ 'ਤੇ (GST on Hostel-PG Rent) ਹੁਣ 12% ਜੀਐਸਟੀ ਲੱਗੇਗਾ, ਜਿਸ ਕਾਰਨ ਵਿਦਿਆਰਥੀਆਂ ਨੂੰ ਹੁਣ ਜ਼ਿਆਦਾ ਭੁਗਤਾਨ ਕਰਨਾ ਪਵੇਗਾ। ਅਥਾਰਟੀ ਫਾਰ ਐਡਵਾਂਸ ਰੂਲਿੰਗਜ਼ (ਏ.ਏ.ਆਰ.) ਨੇ ਇਹ ਫੈਸਲਾ ਦੋ ਵੱਖ-ਵੱਖ ਮਾਮਲਿਆਂ ਵਿੱਚ ਦਿੱਤਾ ਹੈ।

ਏਏਆਰ ਦੀ ਬੈਂਗਲੁਰੂ ਬੈਂਚ ਨੇ ਕਿਹਾ ਕਿ ਹੋਸਟਲ ਰਿਹਾਇਸ਼ੀ ਇਕਾਈਆਂ ਵਾਂਗ ਨਹੀਂ ਹਨ ਅਤੇ ਇਸ ਲਈ ਉਨ੍ਹਾਂ ਨੂੰ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (ਜੀਐਸਟੀ) ਤੋਂ ਛੋਟ ਨਹੀਂ ਹੈ। ਸ਼੍ਰੀਸਾਈ ਲਗਜ਼ਰੀ ਸਟੇ ਐਲਐਲਪੀ ਦੀ ਅਰਜ਼ੀ 'ਤੇ ਫੈਸਲਾ ਸੁਣਾਉਂਦੇ ਹੋਏ, ਏਏਆਰ ਨੇ ਕਿਹਾ ਕਿ 17 ਜੁਲਾਈ, 2022 ਤੱਕ, ਹੋਟਲਾਂ, ਕਲੱਬਾਂ, ਕੈਂਪ ਸਾਈਟਾਂ ਦੀਆਂ ਰਿਹਾਇਸ਼ ਸੇਵਾਵਾਂ 'ਤੇ ਜੀਐਸਟੀ ਛੋਟ 1,000 ਰੁਪਏ (GST on Hostel-PG Rent) ਪ੍ਰਤੀ ਦਿਨ ਤੱਕ ਲਾਗੂ ਸੀ।

ਇਹ ਵੀ ਪੜ੍ਹੋ: Punjab Flood News: ਭਾਰਤ-ਪਾਕਿ ਬਾਰਡਰ ਦੇ ਨਾਲ ਲੱਗਦੇ 5 ਪਿੰਡ ਅਜੇ ਵੀ ਹੜ੍ਹ ਦੀ ਲਪੇਟ 'ਚ, ਫਸਲਾਂ ਹੋਈਆਂ ਤਬਾਹ

ਬੈਂਗਲੁਰੂ ਬੈਂਚ ਦੇ ਅਨੁਸਾਰ, ਬਿਨੈਕਾਰ ਦੁਆਰਾ ਮਕਾਨ ਮਾਲਕਾਂ ਨੂੰ ਦਿੱਤੇ ਗਏ ਕਿਰਾਏ 'ਤੇ ਰਿਵਰਸ ਚਾਰਜ 'ਤੇ ਜੀਐਸਟੀ ਲਾਗੂ ਹੋਵੇਗਾ ਕਿਉਂਕਿ ਜੀਐਸਟੀ ਬਿਨੈਕਾਰ ਦੀਆਂ ਸੇਵਾਵਾਂ 'ਤੇ ਲਗਾਇਆ ਜਾਂਦਾ ਹੈ ਅਤੇ ਇਸ ਤਰ੍ਹਾਂ ਬਿਨੈਕਾਰ ਨੂੰ ਜੀਐਸਟੀ ਰਜਿਸਟ੍ਰੇਸ਼ਨ ਪ੍ਰਾਪਤ ਕਰਨੀ ਪਵੇਗੀ।

ਨੋਇਡਾ ਸਥਿਤ VS ਇੰਸਟੀਚਿਊਟ ਐਂਡ ਹੋਸਟਲ ਪ੍ਰਾਈਵੇਟ ਲਿਮਟਿਡ ਦੇ ਸਮਾਨ ਸੰਦਰਭ ਵਿੱਚ, AAR ਦੀ ਲਖਨਊ ਬੈਂਚ ਨੇ ਕਿਹਾ ਕਿ 1,000 ਰੁਪਏ ਪ੍ਰਤੀ ਦਿਨ ਤੋਂ ਘੱਟ ਲਾਗਤ ਵਾਲੇ ਹੋਸਟਲ ਰਿਹਾਇਸ਼ 'ਤੇ (GST on Hostel-PG Rent) GST ਲਾਗੂ ਹੋਵੇਗਾ।

ਦੱਸ ਦੇਈਏ ਕਿ ਹਾਲ ਹੀ 'ਚ ਕੇਂਦਰ ਸਰਕਾਰ ਨੇ ਆਨਲਾਈਨ ਗੇਮਿੰਗ 'ਤੇ 28 ਫੀਸਦੀ ਜੀ.ਐੱਸ.ਟੀ. ਅੱਜ 11 ਜੁਲਾਈ ਨੂੰ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੀ ਪ੍ਰਧਾਨਗੀ ਹੇਠ ਹੋਈ ਗੁਡਜ਼ ਐਂਡ ਸਰਵਿਸਿਜ਼ ਟੈਕਸ (ਜੀਐਸਟੀ) ਕੌਂਸਲ ਦੀ 50ਵੀਂ ਮੀਟਿੰਗ ਵਿੱਚ ਆਨਲਾਈਨ ਗੇਮਿੰਗ 'ਤੇ 28 ਫੀਸਦੀ ਟੈਕਸ ਲਗਾਉਣ ਦਾ ਫੈਸਲਾ ਲਿਆ ਗਿਆ ਹੈ। ਔਨਲਾਈਨ ਗੇਮਿੰਗ ਦੇ ਪੂਰੇ ਮੁੱਲ 'ਤੇ 28% GST ਦਰ ਦੀ ਪ੍ਰਭਾਵੀ ਮਿਤੀ GST ਕਾਨੂੰਨ ਵਿੱਚ ਸੋਧ ਤੋਂ ਬਾਅਦ ਲਾਗੂ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ: Punjab News: ਮਨੀਪੁਰ 'ਚ ਹੋ ਰਹੇ ਅੱਤਿਆਚਾਰਾਂ ਦੇ ਵਿਰੋਧ 'ਚ ਈਸਾਈ ਭਾਈਚਾਰੇ ਨੇ ਧਾਰੀਵਾਲ 'ਚ ਜੰਮੂ ਅਮ੍ਰਿਤਸਰ ਨੈਸ਼ਨਲ ਹਾਈਵੇ ਕੀਤਾ ਜਾਮ