7th Pay Commission: ಸರ್ಕಾರಿ ಉದ್ಯೋಗಿಗಳಿಗೆ ಸಿಹಿ ಸುದ್ದಿ ! 11% ಡಿಎ ಹೆಚ್ಚಳ ವೇತನದಲ್ಲಿ ಸಿಗಲಿದೆ 2 ತಿಂಗಳ ಅರಿಯರ್ಸ್

ನವದೆಹಲಿ : 7th Pay Commission : ಸರ್ಕಾರಿ ಉದ್ಯೋಗಿಗಳಿಗೆ ಒಳ್ಳೆಯ ಸುದ್ದಿ ಇದೆ.  ಕೇಂದ್ರ ಸರ್ಕಾರಿ ನೌಕರರ ಡಿಎ (DA) ಹೆಚ್ಚಿಸಿದ ನಂತರ, ಈಗ ರಾಜ್ಯ ಸರ್ಕಾರಿ ನೌಕರರು ಕೂಡ ಅದರ ಲಾಭವನ್ನು ಪಡೆಯಲು ಆರಂಭಿಸಿದ್ದಾರೆ. ಈ ಅನುಕ್ರಮದಲ್ಲಿ, ಈಗ ಗುಜರಾತ್ ಸರ್ಕಾರವು (Gujrat Government) ತನ್ನ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರಿಗೆ 11% ರಷ್ಟು ಭತ್ಯೆಯನ್ನು ಹೆಚ್ಚಿಸುವ ಬಗ್ಗೆ ಘೋಷಿಸಿದೆ.

ಗುಜರಾತಿನ ಸರ್ಕಾರಿ ನೌಕರರ ಡಿಎ ಹೆಚ್ಚಳ : 
ಹೆಚ್ಚಳವಾದ ತುಟ್ಟಿ ಭತ್ಯೆ ಜುಲೈ 1 ರಿಂದ ಅನ್ವಯವಾಗಲಿದೆ.  ಈ ಹೆಚ್ಚಳದ ನಂತರ,  ಗುಜರಾತ್ ಸರ್ಕಾರಿ ನೌಕರರು (Government employee) ಮತ್ತು ಪಿಂಚಣಿದಾರರ ತುಟ್ಟಿ  ಭತ್ಯೆ (DA) 17% ದಿಂದ 28% ಕ್ಕೆ ಏರಿಕೆಯಾಗಲಿದೆ. ಇದರರ್ಥ ಕೇಂದ್ರ ಸರ್ಕಾರಿ ನೌಕರರು ಮತ್ತು ಗುಜರಾತ್ ರಾಜ್ಯ ಸರ್ಕಾರಿ ನೌಕರರ ತುಟ್ಟಿ ಭತ್ಯೆ ಒಂದೇ ಆಗಲಿದೆ. 

ಇದನ್ನೂ ಓದಿ : UAN ಅನ್ನು ಆಧಾರ್‌ನೊಂದಿಗೆ ಲಿಂಕ್ ಮಾಡುವ ದಿನಾಂಕ ಡಿಸೆಂಬರ್ 31 ರವರೆಗೆ ವಿಸ್ತರಣೆ , ನಿಯಮ ಮತ್ತು ಷರತ್ತುಗಳೇನು ತಿಳಿಯಿರಿ

9.61 ಲಕ್ಷ ಉದ್ಯೋಗಿಗಳು, 4.5 ಲಕ್ಷ ಪಿಂಚಣಿದಾರರಿಗೆ ಪ್ರಯೋಜನ: 
ತುಟ್ಟಿ ಭತ್ಯೆಯ  (DA) ಈ ಹೆಚ್ಚಳದ ಲಾಭ ರಾಜ್ಯ ಸರ್ಕಾರದ ಅಧಿಕಾರಿಗಳು, ಉದ್ಯೋಗಿಗಳು, ಪಂಚಾಯತ್ ಅಧಿಕಾರಿಗಳು, ಉದ್ಯೋಗಿಗಳು ಮತ್ತು ಪಿಂಚಣಿದಾರರಿಗೆ ಸಿಗಲಿದೆ. ಗುಜರಾತ್ ಉಪ ಮುಖ್ಯಮಂತ್ರಿ ಸಿಎಂ ನಿತಿನ್ ಪಟೇಲ್ (Nitin Patel)ಮಾಧ್ಯಮಗಳೊಂದಿಗೆ ಮಾತನಾಡುತ್ತಾ ಈ ವಿಷಯವನ್ನು ಘೋಷಿಸಿದ್ದಾರೆ. ಸೆಪ್ಟೆಂಬರ್ ತಿಂಗಳ ವೇತನದಲ್ಲಿ ಹೆಚ್ಚಳವಾದ ತುಟ್ಟಿ ಭತ್ಯೆಯ ಲಾಭ ಸಿಗಲಿದೆ. 9.61 ಲಕ್ಷ ರಾಜ್ಯ ಸರ್ಕಾರ ಮತ್ತು ಪಂಚಾಯತ್ ನೌಕರರು ಡಿನ್ಯಾರ್ಸ್ ಭತ್ಯೆಯ ಹೆಚ್ಚಳದಿಂದ ಪ್ರಯೋಜನ ಪಡೆಯಲಿದ್ದಾರೆ.  

ಇದಷ್ಟೇ ಅಲ್ಲ, ಗುಜರಾತ್ ಸರ್ಕಾರವು ಸರ್ಕಾರಿ ಆಸ್ಪತ್ರೆಗಳಲ್ಲಿ ಕೆಲಸ ಮಾಡುವ ವೈದ್ಯರು ಮತ್ತು ಗುಜರಾತ್ ವೈದ್ಯಕೀಯ ಶಿಕ್ಷಣ ಮತ್ತು ಸಂಶೋಧನಾ ಸೊಸೈಟಿ (GMERS) ವೈದ್ಯಕೀಯ ಕಾಲೇಜುಗಳ ಶಿಕ್ಷಕರಿಗೆ ಏಳನೇ ವೇತನ ಆಯೋಗದ ಶಿಫಾರಸಿನಂತೆ ನಾನ್ ಪ್ರಾಕ್ಟೀಸ್ ಅಲ್ಲೋವೆನ್ಸ್ ಅನ್ನು ಅನುಮೋದಿಸಿದೆ. 

ಇದನ್ನೂ ಓದಿ : ನೀವು ಬಳಸುವ ಅಡುಗೆ ಎಣ್ಣೆ ಶುದ್ದ ತೈಲವೋ ಕಲಬೆರಕೆಯೋ ಮನೆಯಲ್ಲಿಯೇ ಸುಲಭವಾಗಿ ಪರೀಕ್ಷಿಸಿಕೊಳ್ಳಿ

ಎರಡು ತಿಂಗಳ ಬಾಕಿ ಕೂಡ ಲಭ್ಯ : 
ಡಿಎಯಲ್ಲಿ 11% ಹೆಚ್ಚಳದೊಂದಿಗೆ, ಖಜಾನೆಯ ವೆಚ್ಚವು ಪ್ರತಿ ತಿಂಗಳು 378 ಕೋಟಿ ರೂಪಾಯಿಗಳಷ್ಟು ಹೆಚ್ಚಾಗುತ್ತದೆ. ಸೆಪ್ಟೆಂಬರ್ ತಿಂಗಳ ಸಂಬಳದೊಂದಿಗೆ (Salary) ಡಿಎ ಕೂಡ ನೌಕರರಿಗೆ ಸಿಗಲಿದೆ ಎಂದು ಗುಜರಾತ್ ಉಪ ಸಿಎಂ ಪಟೇಲ್ ಹೇಳಿದ್ದಾರೆ. ಜುಲೈ ತಿಂಗಳ ಬಾಕಿಯು ಅಕ್ಟೋಬರ್ ಸಂಬಳದ ಜೊತೆಗೆ ಬರಲಿದೆ ಮತ್ತು ಆಗಸ್ಟ್ ತಿಂಗಳ ಬಾಕಿ ಮುಂದಿನ ವರ್ಷ ಜನವರಿಯಲ್ಲಿ ಸಿಗಲಿದೆ. ಸೆಪ್ಟೆಂಬರ್‌ನ ಹೆಚ್ಚಿದ ಡಿಎ ಈ ತಿಂಗಳ ಸಂಬಳದೊಂದಿಗೆ ಲಭ್ಯವಿರುತ್ತದೆ.