ಅಮೆಜಾನ್‌ನಿಂದ 48ಗಂಟೆಗಳ ವಿಶೇಷ ಸೇಲ್: ಈ ಸ್ಪೆಷಲ್ ಜನರಿಗೆ ಭಾರೀ ರಿಯಾಯಿತಿ

ಅಮೆಜಾನ್ ಪ್ರೈಮ್ ಡೇ ಸೇಲ್ - ಆನ್‌ಲೈನ್ ಶಾಪಿಂಗ್ ಕಂಪನಿಗಳು ಸಮ್ಮರ್ ಸೇಲ್, ವಿಂಟರ್ ಸೇಲ್, ಮಾನ್ಸೂನ್ ಸೇಲ್, ಫೆಸ್ಟಿವಲ್ ಸೇಲ್ ಎಂದು ಆಗಾಗ್ಗೆ ವಿವಿಧ ರೀತಿಯ ಸೇಲ್ ಗಳನ್ನು ಪರಿಚಯಿಸುತ್ತಲೇ ಇರುತ್ತವೆ. ಇದೀಗ ಪ್ರಸಿದ್ದ ಇ-ಕಾಮರ್ಸ್ ಕಂಪನಿ ಅಮೆಜಾನ್ 48ಗಂಟೆಗಳ ವಿಶೇಷ ಸೇಲ್ ಅನ್ನು ಪರಿಚಯಿಸುತ್ತಿದೆ. ಆದರೆ, ಈ  ಆಫರ್‌ಗಳ ಲಾಭವನ್ನು ಕೆಲವು ವಿಶೇಷ ಜನರಷ್ಟೇ ಪಡೆಯಲು ಸಾಧ್ಯವಾಗುತ್ತದೆ. ಹಾಗಿದ್ದರೆ, ಇದು ಯಾವ ಸೇಲ್, ಈ ಕೊಡುಗೆ ಯಾರಿಗೆ ಲಭ್ಯವಿದೆ ಎಂದು ತಿಳಿಯೋಣ.

ವಾಸ್ತವವಾಗಿ, ಅಮೆಜಾನ್ ಪ್ರೈಮ್ ಡೇ ಸೇಲ್ ಅನ್ನು ತರುತ್ತಿದೆ. ಜುಲೈ ತಿಂಗಳ  23 ಮತ್ತು  24 ರಂದು ಅಮೆಜಾನ್‌ನ  ಈ ವಿಶೇಷ ಮಾರಾಟ ನಡೆಯಲಿದೆ. ಗಮನಾರ್ಹವಾಗಿ,  ಅಮೆಜಾನ್‌ನ ಅತಿದೊಡ್ಡ ವಾರ್ಷಿಕ ಮಾರಾಟದಲ್ಲಿ ಅಮೆಜಾನ್ ಪ್ರೈಮ್ ಸದಸ್ಯರಿಗೆ ಮಾತ್ರ ಬಂಪರ್ ರಿಯಾಯಿತಿ ಪ್ರಯೋಜನಗಳು ಲಭ್ಯವಾಗಲಿದೆ. ಈ ಅಮೆಜಾನ್ ಮಾರಾಟದ ಸಮಯದಲ್ಲಿ, ಪ್ರೈಮ್ ಸದಸ್ಯರು ಉತ್ತಮ ಡೀಲ್‌ಗಳು ಮತ್ತು ಉಳಿತಾಯಗಳನ್ನು ಆನಂದಿಸಬಹುದು. ಮಾರಾಟವು ಸ್ಮಾರ್ಟ್‌ಫೋನ್‌ಗಳು, ಎಲೆಕ್ಟ್ರಾನಿಕ್ಸ್, ಟಿವಿಗಳು, ಫ್ಯಾಷನ್, ದಿನಸಿ ಮತ್ತು ಹೆಚ್ಚಿನದನ್ನು ಒಳಗೊಂಡಿದೆ. 

ಅಮೆಜಾನ್ ಪ್ರೈಮ್ ಡೇ ಸೇಲ್ ದಿನಾಂಕ-ಸಮಯ:
ಈ ಅಮೆಜಾನ್ ಮಾರಾಟವು ಜುಲೈ 23 ರಂದು 12:00 ರಿಂದ ಪ್ರಾರಂಭವಾಗುತ್ತದೆ ಮತ್ತು ಜುಲೈ 24 ರಂದು ರಾತ್ರಿ 11:59 ರವರೆಗೆ ಇರುತ್ತದೆ. ಈ ಸೇಲ್‌ನಲ್ಲಿ ಸುಮಾರು 400 ಬ್ರಾಂಡ್‌ಗಳ 30,000 ಹೊಸ ಉತ್ಪನ್ನಗಳನ್ನು ಬಿಡುಗಡೆ ಮಾಡಲಾಗುವುದು. ಇದಲ್ಲದೆ, ಕಂಪನಿಯು ಎಲೆಕ್ಟ್ರಾನಿಕ್ಸ್, ಫ್ಯಾಷನ್, ಗ್ರೂಮಿಂಗ್ ಮತ್ತು ಆಭರಣ ಸೇರಿದಂತೆ ಹಲವು ವಿಭಾಗಗಳಲ್ಲಿ 120 ಸಣ್ಣ ಮತ್ತು ಮಧ್ಯಮ ವ್ಯವಹಾರಗಳ (SMBs)  2,000 ಹೊಸ ಉತ್ಪನ್ನಗಳನ್ನು ಬಿಡುಗಡೆ ಮಾಡಲಿದೆ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ- ವಾಟ್ಸಾಪ್‌ನಲ್ಲಿ ಬರಲಿದೆ ಅದ್ಭುತ ಫೀಚರ್

ಅಮೆಜಾನ್ ಪ್ರೈಮ್ ಸೇಲ್ ಡೀಲ್‌ಗಳು:
ಪ್ರೈಮ್ ಡೇ ಸಮಯದಲ್ಲಿ, ಜುಲೈ 7 ರಂದು 12:00 ರಿಂದ ಜುಲೈ 22 ರಾತ್ರಿ 23:59 ವರೆಗೆ, ಸದಸ್ಯರು SMB ಗಳು ನೀಡುವ ಲಕ್ಷಾಂತರ ಅನನ್ಯ ಉತ್ಪನ್ನಗಳಿಂದ ಶಾಪಿಂಗ್ ಮಾಡಬಹುದು ಮತ್ತು 10% ಕ್ಯಾಶ್‌ಬ್ಯಾಕ್‌ನಂತಹ ಆಫರ್‌ಗಳ ಲಾಭವನ್ನು ರೂ.100 ವರೆಗೆ ಪಡೆಯಬಹುದು. ಪ್ರೈಮ್ ಡೇ ಖರೀದಿಗಳಲ್ಲಿ ಇದನ್ನು ರಿಡೀಮ್ ಮಾಡಬಹುದು.

ಕಾರ್ಡ್/ಬ್ಯಾಂಕ್ ಕೊಡುಗೆಗಳು:
ಪ್ರೈಮ್ ಸದಸ್ಯರು ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್/ಡೆಬಿಟ್ ಕಾರ್ಡ್,  ಎಸ್ಬಿಐ ಕ್ರೆಡಿಟ್  ಕಾರ್ಡ್‌ನಲ್ಲಿ ಇಎಂಐ ವಹಿವಾಟುಗಳನ್ನು ಬಳಸಿಕೊಂಡು ಮಾಡಿದ ಎಲ್ಲಾ ಖರೀದಿಗಳಲ್ಲಿ 10% ಉಳಿಸಬಹುದು.

ಇದನ್ನೂ ಓದಿ- ರೈಲು ಯಾತ್ರಿಗಳಿಗೆ ಮಹತ್ವದ ಘೋಷಣೆ ಮಾಡಿದ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್