ಸರ್ಕಾರಿ ನೌಕರರಿಗಾಗಿ ಬ್ಯಾಂಕ್ ಪರಿಚಯಿಸಿದೆ ಹೊಸ Salary Plus Account Scheme, ಉಚಿತವಾಗಿ ಸಿಗಲಿದೆ ಒಂದು ಕೋಟಿವರೆಗಿನ ಪ್ರಯೋಜನಗಳು

ನವದೆಹಲಿ : ಇದು ಸರ್ಕಾರಿ ನೌಕರರಿಗೆ ಅಗತ್ಯ ಮಾಹಿತಿ. ಬ್ಯಾಂಕ್ ಆಫ್ ಇಂಡಿಯಾ (BOI) ಸರ್ಕಾರಿ ಉದ್ಯೋಗಿಗಳಿಗಾಗಿ ವಿಶೇಷ ಯೋಜನೆಯನ್ನು ಆರಂಭಿಸಿದೆ. ಬ್ಯಾಂಕ್ ಸರ್ಕಾರಿ ಉದ್ಯೋಗಿಗಳಿಗಾಗಿ Salary Plus Account Scheme ಪರಿಚಯಿಸಿದೆ.  ಇದರ ಅಡಿಯಲ್ಲಿ, ಉದ್ಯೋಗಿಗಳು ಉಚಿತವಾಗಿ 1 ಕೋಟಿ ರೂಪಾಯಿಗಳವರೆಗೆ ಪ್ರಯೋಜನಗಳನ್ನು ಪಡೆಯಬಹುದು. ಬ್ಯಾಂಕ್ ಆಫ್ ಇಂಡಿಯಾ ತನ್ನ ಅಧಿಕೃತ ಟ್ವೀಟ್ ಮೂಲಕ ಈ ಮಾಹಿತಿಯನ್ನು ನೀಡಿದೆ. 

ಸ್ಯಾಲರಿ ಪ್ಲಸ್ ಅಕೌಂಟ್ ಸ್ಕೀಮ್ : 
ಬ್ಯಾಂಕ್ ಆಫ್ ಇಂಡಿಯಾ (BOI) ತನ್ನ ವೆಬ್‌ಸೈಟ್‌ನಲ್ಲಿ ನೀಡಿರುವ ಮಾಹಿತಿಯ ಪ್ರಕಾರ, ಬ್ಯಾಂಕ್ BOI ಸ್ಯಾಲರಿ ಪ್ಲಸ್ ಅಕೌಂಟ್ ಸ್ಕೀಮ್ (Salary Plus Account Scheme) ಅಡಿಯಲ್ಲಿ ಮೂರು ವಿಧದ ವೇತನ ಖಾತೆಯ  ಸೌಲಭ್ಯವನ್ನು ನೀಡುತ್ತದೆ. ಈ ಯೋಜನೆಯ ಲಾಭವನ್ನು ಪ್ಯಾರಾ ಮಿಲಿಟರಿ ಪಡೆ, ಕೇಂದ್ರ ಮತ್ತು ರಾಜ್ಯ ಸರ್ಕಾರಿ ನೌಕರರು, ವಿಶ್ವವಿದ್ಯಾಲಯ, ಕಾಲೇಜು ಮತ್ತು ಸಾರ್ವಜನಿಕ ವಲಯದ ಉದ್ಯೋಗಿಗಳು ಮತ್ತು ಖಾಸಗಿ ವಲಯದ ಉದ್ಯೋಗಿಗಲು ಕೂಡಾ ಪಡೆಯಬಹುದು.   ಈ ಸೌಲಭ್ಯವು ಸ್ಯಾಲರಿ ಅಕೌಂಟ್ ನಲ್ಲಿ ಮಾತ್ರ ಲಭ್ಯವಿದೆ.  

ಇದನ್ನೂ ಓದಿ: Atal Pension Yojana: ವಿವಾಹಿತರಿಗೆ ಭಾರೀ ಲಾಭವಾಗಲಿದೆ ಈ ಸರ್ಕಾರಿ ಯೋಜನೆ , ಪ್ರತಿ ತಿಂಗಳು ಸಿಗಲಿದೆ 10,000 ಪಿಂಚಣಿ

1 ಕೋಟಿ ರೂಮೌಲ್ಯದ ಉಚಿತ ಆಕ್ಸಿಡೆಂಟಲ್ ಇನ್ಶ್ಯುರೆನ್ಸ್ :
BOI ಸ್ಯಾಲರಿ ಪ್ಲಸ್ ಅಕೌಂಟ್ ಸ್ಕೀಮ್ ಅಡಿಯಲ್ಲಿ ಗ್ರಾಹಕರು 1 ಕೋಟಿ ರೂ.ವರೆಗೆ ಉಚಿತ ಆಕಸ್ಮಿಕ ವಿಮೆಯ (Insurance) ಸೌಲಭ್ಯವನ್ನು ಪಡೆಯುತ್ತಾರೆ. ಈ ಯೋಜನೆಯಡಿ, ವೇತನ ಖಾತೆಯನ್ನು ಹೊಂದಿರುವ ಗ್ರಾಹಕರಿಗೆ  30 ಲಕ್ಷ ರೂ.ಗಳವರೆಗೆ ಆಕ್ಸಿಡೆಂಟಲ್ ಡೆತ್ ಕವರ್ ಸಿಗುತ್ತದೆ. ಬ್ಯಾಂಕಿನ ಟ್ವೀಟ್ ಪ್ರಕಾರ, ವೇತನ ಖಾತೆದಾರರಿಗೆ 1 ಕೋಟಿ ಮೌಲ್ಯದ ಉಚಿತ ಏರ್ ಆಕ್ಸಿಡೆಂಟಲ್ ಇನ್ಶ್ಯುರೆನ್ಸ್ (Air accidental insurance) ಕೂಡಾ ನೀಡಲಾಗುತ್ತದೆ. 

ಸಿಗಲಿದೆ ಇನ್ನೂ ಅನೇಕ ಸೌಲಭ್ಯ : 
1. BOI ಸ್ಯಾಲರಿ ಪ್ಲಸ್ ಅಕೌಂಟ್ ಸ್ಕೀಮ್ ಅಡಿ,  2 ಲಕ್ಷದವರೆಗೆ ಓವರ್ ಡ್ರಾಫ್ಟ್ ಸೌಲಭ್ಯವು ಲಭ್ಯವಿರಲಿದೆ.
2. ಓವರ್‌ಡ್ರಾಫ್ಟ್ ಸೌಲಭ್ಯದ ಅಡಿಯಲ್ಲಿ, ನಿಮ್ಮ ಬ್ಯಾಂಕ್ ಖಾತೆಯಲ್ಲಿ ಯಾವುದೇ ಬ್ಯಾಲೆನ್ಸ್ ಇಲ್ಲದಿದ್ದರೂ ಸಹ,  2 ಲಕ್ಷ ರೂ.ಗಳವರೆಗೆ ಹಣವನ್ನು ಪಡೆಯಬಹುದು. .
2. BOI ಗೋಲ್ಡ್ ಇಂಟರ್ನ್ಯಾಷನಲ್ ಕ್ರೆಡಿಟ್ ಕಾರ್ಡ್ (credit card) ಅನ್ನು ವೇತನ ಖಾತೆದಾರರಿಗೆ ಉಚಿತವಾಗಿ ನೀಡುತ್ತಿದೆ.
3. ಇದರ ಹೊರತಾಗಿ, ಗ್ರಾಹಕರು ವಾರ್ಷಿಕವಾಗಿ 100 ಚೆಕ್‌ಗಳನ್ನು ಉಚಿತವಾಗಿ ಪಡೆಯುತ್ತಾರೆ. ಅಲ್ಲದೆ, ಡಿಮ್ಯಾಟ್ ಖಾತೆಗಳ ಮೇಲೆ ಎಎಂಸಿ ಶುಲ್ಕವನ್ನು ವಿಧಿಸುವುದಿಲ್ಲ. 

ಇದನ್ನೂ ಓದಿ: ಇನ್ನು ಆಧಾರ್ ಕಾರ್ಡ್ ನಂತೆಯೇ ಪ್ರತಿಯೊಬ್ಬರಿಗೂ ಸಿಗಲಿದೆ ಹೆಲ್ತ್ ಕಾರ್ಡ್, ಯಾಕೆಬೇಕು ಈ ಕಾರ್ಡ್

ಖಾಸಗಿ ವಲಯದ ಸ್ಯಾಲರಿ ಅಕೌಂಟ್ : 
ಎಲ್ಲಕ್ಕಿಂತ ಮುಖ್ಯವಾಗಿ, ಖಾಸಗಿ ವಲಯದ ಉದ್ಯೋಗಿಗಳು ಬ್ಯಾಂಕ್ ಆಫ್ ಇಂಡಿಯಾದ (Bank of India) ಸ್ಯಾಲರಿ ಅಕೌಂಟ್ ಲಾಭವನ್ನು ಪಡೆಯಬಹುದು. ತಿಂಗಳಿಗೆ 10,000 ರೂ ಗಳಿಸುವವರು ಈ ಯೋಜನೆಯಡಿ ಸ್ಯಾಲರಿ ಅಕೌಂಟ್  ತೆರೆಯಬಹುದು. ಕನಿಷ್ಠ ಬ್ಯಾಲೆನ್ಸ್ ಅವಶ್ಯಕತೆ ಇರುವುದಿಲ್ಲ. ಸ್ಯಾಲರಿ ಅಕೌಂಟ್ ದಾರರಿಗೆ  5 ಲಕ್ಷ ರೂ.ಗಳ ಗುಂಪು ವೈಯಕ್ತಿಕ ಅಪಘಾತ ಮರಣ ವಿಮಾ ರಕ್ಷಣೆ ಸಿಗುತ್ತದೆ. ಇದರಲ್ಲಿ, ಎಲ್ಲರಿಗೂ ಉಚಿತ ಗ್ಲೋಬಲ್ ಡೆಬಿಟ್ ಕಮ್ (Global debit card) ಎಟಿಎಂ ಕೂಡ ಸಿಗುತ್ತದೆ.