ನೌಕರಿಯಿಂದ ಬೇಸತ್ತು ಹೋಗಿದ್ದೀರಾ? ಇಂದೇ ಕಪ್ಪು ಅರಿಶಿನದ ಬಿಸ್ನೆಸ್ ಆರಂಭಿಸಿ ಕೈತುಂಬಾ ಸಂಪಾದಿಸಿ!

Black Turmeric Farming And Business: ನೌಕರಿ ಮಾಡಿ ನೀವೂ ಕೂಡ ಬೇಸತ್ತು ಹೋಗಿದ್ದು ಅಥವಾ ನಿಮ್ಮ ಸ್ವಂತ ವ್ಯವಹಾರವನ್ನು ಪ್ರಾರಂಭಿಸಲು ಬಯಸುತ್ತಿದ್ದರೇ, ಕೈತುಂಬಾ ಸಂಪಾದನೆ ಕೊಡುವ ಒಂದು ವ್ಯಾಪಾರ ಪರಿಕಲ್ಪನೆಯ ಕುರಿತು ಇಂದು ನಾವು ನಿಮಗೆ ಮಾಹಿತಿಯನ್ನು ನೀಡುತ್ತಿದ್ದೇವೆ, ಈ ಕಡಿಮೆ ವೆಚ್ಚ ತಗಲುವ ಈ ವ್ಯವಸಾಯದ ಬಗ್ಗೆ ಕೇಳಿ ನೀವೂ ಕೂಡ ಸಂತಸಪಡುವಿರಿ. ಅರ್ಥಾತ್ ಇದು ಕಪ್ಪು ಅರಿಶಿನ ವ್ಯವಸಾಯದ ಪರಿಕಲ್ಪನೆ. ಕಪ್ಪು ಅರಿಶಿನದಲ್ಲಿ ಹಲವಾರು ರೀತಿಯ ಔಷಧೀಯ ಗುಣಗಳಿವೆ ಅಷ್ಟೇ ಅಲ್ಲ, ಹಳದಿ ಅರಿಶಿನಕ್ಕೆ ಹೋಲಿಸಿದರೆ 1 ಕೆಜಿ ಕಪ್ಪು ಅರಿಶಿನವನ್ನು 5000 ರೂ.ವರೆಗೆ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲಾಗುತ್ತದೆ. ಕಪ್ಪು ಅರಿಶಿನದ ಈ ಬೆಲೆ ಅದರ ವೈವಿಧ್ಯತೆ ಮತ್ತು ಗುಣಮಟ್ಟವನ್ನು ಅವಲಂಬಿಸಿರುತ್ತದೆ. ನೀವು ಕಪ್ಪು ಅರಿಶಿನ ವ್ಯವಹಾರವನ್ನು ಹೇಗೆ ಪ್ರಾರಂಭಿಸಬಹುದು ಮತ್ತು ಈ ವ್ಯವಸಾಯಕ್ಕೆ ಬೇಕಾಗುವ ವಸ್ತುಗಳು  ಯಾವುವು ತಿಳಿದುಕೊಳ್ಳೋಣ ಬನ್ನಿ.

ಕಪ್ಪು ಅರಿಶಿನದ ಕೃಷಿ ಆರಂಭಿಸುವುದು ಹೇಗೆ? 
ಸಾಮಾನ್ಯವಾಗಿ ಜೂನ್ ತಿಂಗಳಲ್ಲಿ ಕಪ್ಪು ಅರಿಶಿನವನ್ನು ಬೆಳೆಸಲಾಗುತ್ತದೆ. ಫ್ರೈಬಲ್ ಲೋಮಿ ಮಣ್ಣನ್ನು ಅದರ ಕೃಷಿಗೆ ಉತ್ತಮವೆಂದು ಪರಿಗಣಿಸಲಾಗುತ್ತದೆ. ಕಪ್ಪು ಅರಿಶಿಣ ಕೃಷಿ ಮಾಡುವಾಗ ಮಳೆ ನೀರು ಜಮೀನಿನಲ್ಲಿ ನಿಲ್ಲದಂತೆ ನೋಡಿಕೊಳ್ಳಬೇಕು. ನೀವು ಒಂದು ಹೆಕ್ಟೇರ್‌ನಲ್ಲಿ ಸುಮಾರು 2 ಕ್ವಿಂಟಾಲ್ ಕಪ್ಪು ಅರಿಶಿನ ಬೀಜಗಳನ್ನು ನೆಡಬಹುದು. ಇದರ ಬೆಳೆಗೆ ಹೆಚ್ಚು ನೀರಾವರಿ ಅಗತ್ಯವಿಲ್ಲ. ಅಷ್ಟೇ ಅಲ್ಲ ಯಾವುದೇ ರೀತಿಯ ಕೀಟನಾಶಕ ಅಥವಾ ಇತರೆ ಗೊಬ್ಬರ ಹಾಕುವ ಅಗತ್ಯವೂ ಇರುವುದಿಲ್ಲ. ಏಕೆಂದರೆ ಕಪ್ಪು ಅರಿಶಿನದ ಔಷಧೀಯ ಗುಣಗಳಿಂದಾಗಿ ಇದು ಕೀಟಗಳು ಮತ್ತು ಪತಂಗಗಳನ್ನು ಆಕರ್ಷಿಸುವುದಿಲ್ಲ. ನೀವು ಸ್ವಲ್ಪ ಹಸುವಿನ ಗೊಬ್ಬರವನ್ನು ಮಣ್ಣಿನಲ್ಲಿ ಬೆರೆಸಿದರೆ, ಅದು ಅರಿಶಿನದ ಇಳುವರಿಯನ್ನು ಶೇ. 70-80 ರಷ್ಟು ಹೆಚ್ಚಿಸುತ್ತದೆ.

ಹಳದಿ ಅರಿಶಿನಕ್ಕಿಂತ ಕಪ್ಪು ಅರಿಶಿನ ಏಕೆ ದುಬಾರಿಯಾಗಿದೆ?
ಕಪ್ಪು ಅರಿಶಿನದ ಔಷಧೀಯ ಗುಣಗಳು ಇದನ್ನು ಬಹಳ ವಿಶೇಷವಾಗಿಸುತ್ತದೆ. ಕಪ್ಪು ಅರಿಶಿನವು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಬಹಳ ಸಹಾಯಕವಾಗಿದೆ. ಇಷ್ಟು ಮಾತ್ರವಲ್ಲದೆ, ಆಯುರ್ವೇದ, ಹೋಮಿಯೋಪತಿ ಮತ್ತು ಇತರ ಅನೇಕ ಅಗತ್ಯ ಔಷಧಿಗಳ ತಯಾರಿಕೆಯಲ್ಲಿ ಕಪ್ಪು ಅರಿಶಿನವನ್ನು ಬಳಸಲಾಗುತ್ತದೆ.

ಇದನ್ನೂ ಓದಿ-ಸರ್ಕಾರಿ ನೌಕರರಿಗೆ ಹೊಡೆಯಲಿದೆ ಲಾಟರಿ, ಶೀಘ್ರದಲ್ಲೇ ಮೋದಿ ಸರ್ಕಾರ ಕೈಗೊಳ್ಳಲಿದೆ ಈ ನಿರ್ಧಾರ!

ಎಷ್ಟು ಗಳಿಸಬಹುದು?
ಮಾರುಕಟ್ಟೆಯಲ್ಲಿ ಹಳದಿ ಅರಿಶಿನ ಕೆ.ಜಿ.ಗೆ 70 ರಿಂದ 100 ರೂ.ಗೆ ಮಾರಾಟವಾಗುತ್ತಿದ್ದು, ಕರಿ ಅರಿಶಿನ ಬೆಲೆ ಕೆಜಿಗೆ 500 ರಿಂದ 5000 ರೂ.ಗೆ ಮಾರಾಟವಾಗುತ್ತದೆ. ಕಪ್ಪು ಅರಿಶಿನದ ಬೆಲೆ ಅದರ ವೈವಿಧ್ಯತೆ ಮತ್ತು ಗುಣಮಟ್ಟವನ್ನು ಅವಲಂಬಿಸಿರುತ್ತದೆ. ನಿಮ್ಮ ಕಪ್ಪು ಅರಿಶಿನವು ಉತ್ತಮವಾಗಿದ್ದರೆ, ನೀವು ಉತ್ತಮ ಬೆಲೆಯನ್ನು ಪಡೆಯುತ್ತೀರಿ. ಉದಾಹರಣೆಗೆ, 1 ಎಕರೆ ಭೂಮಿಯಲ್ಲಿ, ನೀವು ಸುಮಾರು 12 ರಿಂದ 15 ಕ್ವಿಂಟಾಲ್ ಕಪ್ಪು ಅರಿಶಿನ ಉತ್ಪಾದನೆ ಮಾಡಬಹುದು. ಮತ್ತೊಂದೆಡೆ, ನೀವು ಕಪ್ಪು ಅರಿಶಿನವನ್ನು ಕನಿಷ್ಠ 500 ರಿಂದ ಗುಣಿಸಿದರೆ, ನೀವು 15 ಕ್ವಿಂಟಾಲ್‌ಗೆ 7.5 ಲಕ್ಷ ರೂ.ವರೆಗೆ ಗಳಿಸಬಹುದು. ನೀವು ಹೆಚ್ಚು ಭೂಮಿ ಹೊಂದಿದ್ದರೆ ನಿಮ್ಮ ಆದಾಯವು ಬಹುಪಟ್ಟು ಹೆಚ್ಚಾಗಬಹುದು. ಮೂರು ಎಕರೆ ಜಮೀನಿನಲ್ಲಿ ಎಕರೆಗೆ ರೂ 7.5 ಲಕ್ಷ ರೂ.ಗಳಂತೆ, ನೀವು 22.5 ಲಕ್ಷದವರೆಗೆ ಗಳಿಸಬಹುದು. ಕಪ್ಪು ಅರಿಶಿನ ಬೆಳೆ 8-9 ತಿಂಗಳಲ್ಲಿ ಸಿದ್ಧವಾಗುತ್ತದೆ.

ಇದನ್ನೂ ಓದಿ-ಕೇವಲ 25 ಸಾವಿರ ಹೂಡಿಕೆ ಮಾಡಿದ್ರೆ 70 ಲಕ್ಷಕ್ಕೂ ಅಧಿಕ ಲಾಭ ಕೊಡುತ್ತೇ ಈ ಉದ್ಯಮ!

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ. ಅನುಸರಿಸುವ ಮುನ್ನ ವಿಷಯ ತಜ್ಞರ ಸಲಹೆ ಪಡೆದುಕೊಳ್ಳಲು ಮರೆಯಬೇಡಿ)

ಇದನ್ನೂ ನೋಡಿ-