ಈ ಐದು ಬ್ಯಾಂಕ್ ಗಳಲ್ಲಿ SB Account ಮೇಲೆಯೇ ಸಿಗುತ್ತಿದೆ ಶೇ.7.5 ರಷ್ಟು ಬಡ್ಡಿ!

High Interest On SB Account: ಎಲ್ಲಾ ಬ್ಯಾಂಕ್‌ಗಳು ಉಳಿತಾಯ ಖಾತೆಗೆ ಶೇ.2-3ರಷ್ಟು ಬಡ್ಡಿ ನೀಡುತ್ತಿದ್ದರೆ, ಸಣ್ಣ ಹಣಕಾಸು ಬ್ಯಾಂಕ್‌ಗಳು ಶೇ.7-7.5ರಷ್ಟು ಬಡ್ಡಿ ನೀಡುತ್ತಿವೆ. ಬನ್ನಿ ಆ ಬ್ಯಾಂಕ್ ಗಳು ಯಾವುವು ತಿಳಿದುಕೊಳ್ಳೋಣ,

ಬೆಂಗಳೂರು: ಇಂದಿನ ಕಾಲದಲ್ಲಿ ಪ್ರತಿಯೊಬ್ಬರ ಬಳಿಯೂ ಬ್ಯಾಂಕ್‌ ಖಾತೆ ಇದ್ದು, ಜನರು ಅವುಗಳಲ್ಲಿ ತಮ್ಮ ಹಣವನ್ನು ಉಳಿತಾಯ ಮಾಡುತ್ತಾರೆ. ಈ ಖಾತೆಗಳನ್ನು ಉಳಿತಾಯ ಖಾತೆಗಳು ಎಂದು ಕರೆಯಲಾಗುತ್ತದೆ, ಈ ಖಾತೆಗಳ ಮೇಲೆ ಪ್ರಸ್ತುತ 2-3% ಬಡ್ಡಿಯನ್ನು ಬ್ಯಾಂಕ್‌ನಿಂದ ಪಾವತಿಸಲಾಗುತ್ತದೆ. ಮತ್ತೊಂದೆಡೆ, ನಾವು ಎಫ್‌ಡಿ ಕುರಿತು ಹೇಳುವುದಾದರೆ, ಅವುಗಳ ಮೇಲೆ ಶೇಕಡಾ 7-8 ರಷ್ಟು ಬಡ್ಡಿ ಲಭ್ಯವಿದೆ. ಎಲ್ಲಾ ಬ್ಯಾಂಕ್‌ಗಳು ಉಳಿತಾಯ ಖಾತೆಗೆ ಶೇ.2-3ರಷ್ಟು ಬಡ್ಡಿ ನೀಡುತ್ತಿದ್ದರೆ, ಸಣ್ಣ ಹಣಕಾಸು ಬ್ಯಾಂಕ್‌ಗಳು ಮಾತ್ರ ಶೇ.7-7.5ರಷ್ಟು ಬಡ್ಡಿ ನೀಡುತ್ತಿವೆ. ಅಂದರೆ, ನೀವು ಉಳಿತಾಯ ಖಾತೆಯಲ್ಲಿಯೇ ಎಫ್‌ಡಿ ರೀತಿಯ ಬಡ್ಡಿಯನ್ನು ಪಡೆಯುತ್ತೀರಿ ಎಂದರ್ಥ. ಉಳಿತಾಯ ಖಾತೆಗೆ 7-7.5% ವರೆಗೆ ಬಡ್ಡಿ ನೀಡುತ್ತಿರುವ 5 ಸಣ್ಣ ಹಣಕಾಸು  ಬ್ಯಾಂಕುಗಳು ಯಾವುವು ತಿಳಿದುಕೊಳ್ಳೋಣ ಬನ್ನಿ, 

1- ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್
ಉಳಿತಾಯ ಖಾತೆಗಳ ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್‌ ನಿಂದ ಶೇಕಡಾ 3.5 ರಿಂದ ಶೇಕಡಾ 7.5 ರವರೆಗಿನ ಬಡ್ಡಿಯನ್ನು ಪಾವತಿಸಲಾಗುತ್ತಿದೆ. ಆದಾಗ್ಯೂ, ಉಳಿತಾಯ ಖಾತೆಯ ಮೇಲಿನ ಈ ಬಡ್ಡಿಯು ಠೇವಣಿ ಮಾಡಿದ ಮೊತ್ತವನ್ನು ಅವಲಂಬಿಸಿ ಬದಲಾಗುತ್ತದೆ. ನೀವು ಉಳಿತಾಯ ಖಾತೆಯಲ್ಲಿ 25 ಕೋಟಿ ರೂ.ಗಳನ್ನು ಠೇವಣಿ ಮಾಡಿದಾಗ ನಿಮಗೆ ಬ್ಯಾಂಕ್‌ನಿಂದ ಶೇಕಡಾ 7.5 ಬಡ್ಡಿ ಸಿಗುತ್ತದೆ. ಈ ಹೊಸ ದರಗಳು 1 ಜೂನ್ 2023 ರಿಂದ ಜಾರಿಗೆ ಬಂದಿವೆ.

2- ಜನ ಸ್ಮಾಲ್ ಫೈನಾನ್ಸ್ ಬ್ಯಾಂಕ್
ಜನ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಕೂಡ ಉಳಿತಾಯ ಬ್ಯಾಂಕ್ ಖಾತೆಗೆ 3.5% ರಿಂದ 7.5% ವರೆಗೆ ಬಡ್ಡಿಯನ್ನು ನೀಡುತ್ತಿದೆ. ಆದಾಗ್ಯೂ, ಉಳಿತಾಯ ಖಾತೆಯಲ್ಲಿ 7.5% ಬಡ್ಡಿಯನ್ನು ಪಡೆಯಲು, ನೀವು ನಿಮ್ಮ ಖಾತೆಯಲ್ಲಿ 10 ರಿಂದ 50 ಕೋಟಿ ರೂಪಾಯಿಗಳ ನಡುವಿನ ಮೊತ್ತವನ್ನು ಠೇವಣಿ ಮಾಡಬೇಕು.

3- ಯೂನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್
ಯೂನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್‌ನಿಂದ ಶೇಕಡಾ 6-7 ರಷ್ಟು ಬಡ್ಡಿಯನ್ನು ನೀಡಲಾಗುತ್ತಿದೆ. ಉಳಿತಾಯ ಖಾತೆಯಲ್ಲಿ ಅಂತಹ ಬಲವಾದ ಬಡ್ಡಿಯನ್ನು ಪಡೆಯಲು, ನೀವು ರೂ 1 ಲಕ್ಷಕ್ಕಿಂತ ಹೆಚ್ಚು ಠೇವಣಿ ಮಾಡಬೇಕು. ಮತ್ತೊಂದೆಡೆ, ನೀವು ರೂ 1 ಲಕ್ಷದವರೆಗಿನ ಮೊತ್ತವನ್ನು ಠೇವಣಿ ಮಾಡಿದರೆ, ನೀವು ಶೇ. 6ರಷ್ಟು ಬಡ್ಡಿಯನ್ನು ಪಡೆಯುತ್ತೀರಿ.

ಇದನ್ನೂ ಓದಿ-ಆದಾಯ ತೆರಿಗೆ ಪಾವತಿದಾರರಿಗೊಂದು ಗುಡ್ ನ್ಯೂಸ್!

4- ಈಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕುಗಳು
ಈಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ 1 ಲಕ್ಷದವರೆಗಿನ ಠೇವಣಿಗಳ ಮೇಲೆ 3.5% ಬಡ್ಡಿಯನ್ನು ನೀಡುತ್ತಿದೆ. ಅದೇ ಸಮಯದಲ್ಲಿ, ಈ ಬ್ಯಾಂಕ್ 1-5 ಲಕ್ಷದವರೆಗಿನ ಮೊತ್ತದ ಮೇಲೆ ಶೇಕಡಾ 5.25 ಬಡ್ಡಿಯನ್ನು ನೀಡುತ್ತಿದೆ. 5 ಲಕ್ಷಕ್ಕಿಂತ ಹೆಚ್ಚಿನ ಮೊತ್ತದ ಮೇಲೆ ನೀವು ಶೇಕಡಾ 7 ರಷ್ಟು ಬಡ್ಡಿಯನ್ನು ಪಡೆಯುತ್ತೀರಿ ಮತ್ತು 50 ಕೋಟಿ ರೂಪಾಯಿಗಿಂತ ಹೆಚ್ಚಿನ ಮೊತ್ತವನ್ನು ಠೇವಣಿ ಮಾಡಲು ನೀವು ಶೇಕಡಾ 7.5 ರಷ್ಟು ಬಡ್ಡಿಯನ್ನು ಪಡೆಯುತ್ತೀರಿ. ಈ ನಿಯಮವು 12 ಜುಲೈ 2023 ರಿಂದ ಜಾರಿಗೆ ಬಂದಿದೆ.

ಇದನ್ನೂ ಓದಿ-ಸರ್ಕಾರಿ ನೌಕರರ ವೇತನದಲ್ಲಿ 15144 ಹೆಚ್ಚಳ... ಡಿಟೇಲ್ಸ್ ಇಲ್ಲಿದೆ!

5- ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್
ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್‌ನಿಂದ ಶೇಕಡಾ 3.5 ರಿಂದ ಶೇಕಡಾ 7 ರವರೆಗಿನ ಬಡ್ಡಿಯನ್ನು ನೀಡಲಾಗುತ್ತಿದೆ. ಅದೂ ಕೂಡ ಬೇರೆ ಬೇರೆ ಹೂಡಿಕೆಯ ಮೊತ್ತದ ಹೂಡಿಕೆಯಲ್ಲಿ ಸಿಗುತ್ತದೆ. ಉಳಿತಾಯ ಖಾತೆಯಲ್ಲಿ 5 ಲಕ್ಷದಿಂದ 2 ಕೋಟಿ ರೂ.ವರೆಗೆ ಠೇವಣಿ ಇಟ್ಟರೆ ಶೇ.7 ಬಡ್ಡಿ ಸಿಗುತ್ತದೆ. ಈ ಹೊಸ ದರಗಳು 1 ಮಾರ್ಚ್ 2023 ರಿಂದ ಜಾರಿಗೆ ಬಂದಿವೆ.

ಇದನ್ನೂ ನೋಡಿ-