Cabinet Approves PM MITRA: Mega Textile Park ಸ್ಥಾಪನೆಗೆ Modi Cabinet ಅನುಮೋದನೆ, 21 ಲಕ್ಷ ಯುವಕರಿಗೆ ಉದ್ಯೋಗಾವಕಾಶ

Cabinet Approves PM MITRA: ಮುಂಬರುವ ಐದು ವರ್ಷಗಳಲ್ಲಿ ಒಟ್ಟು ರೂ 4,445 ಕೋಟಿ ವೆಚ್ಚದಲ್ಲಿ 7 ಮೆಗಾ ಇಂಟಿಗ್ರೇಟೆಡ್ ಟೆಕ್ಸ್‌ಟೈಲ್ ರೀಜನ್ ಮತ್ತು ಅಪಾರೆಲ್ (PM MITRA) ಪಾರ್ಕ್‌ಗಳನ್ನು ಸ್ಥಾಪಿಸಲು ಕೇಂದ್ರ ಕ್ಯಾಬಿನೆಟ್ ಬುಧವಾರ ಅನುಮೋದನೆ ನೀಡಿದೆ.

ಕೇಂದ್ರ ಸಚಿವ ಸಂಪುಟ ಸಭೆಯ (Cabinet Meeting) ಬಳಿಕ ಈ ಕುರಿತು ಮಾಹಿತಿ ನೀಡಿರುವ ಕೇಂದ್ರ ಜವಳಿ ಸಚಿವ (Union Textile Minister) ಪಿಯುಶ್ ಗೋಯೆಲ್ (Piyush Goyal), ಸರ್ಕಾರದ ಈ ಹೆಜ್ಜೆಯಿಂದ 7 ಲಕ್ಷ ಪ್ರತ್ಯಕ್ಷ ಹಾಗೂ 14 ಲಕ್ಷ ಪರೋಕ್ಷ ಉದ್ಯೋಗಾವಕಾಶಗಳು ಸೃಷ್ಟಿಯಾಗಲಿವೆ ಎಂದು ಹೇಳಿದ್ದಾರೆ. ಈ ಗಾಗಲೇ 10 ರಾಜ್ಯಗಳು ಈ ಯೋಜನೆಯಲ್ಲಿ ತಮ್ಮ ಅಭಿರುಚಿಯನ್ನು ವ್ಯಕ್ತಪಡಿಸಿವೆ ಎಂದು ಗೋಯಲ್ ಹೇಳಿದ್ದಾರೆ.

ವರ್ಷ 2025ರವರೆಗೆ 200 ಬಿಲಿಯನ್ ಡಾಲರ್ ವ್ಯಾಪಾರದ ನಿರೀಕ್ಷೆ
ಕೇಂದ್ರ ಸರ್ಕಾರದ ಪ್ರಕಾರ, ದೇಶದಲ್ಲಿ ಜವಳಿ ಉದ್ಯಮದ ವಹಿವಾಟು $ 45 ಬಿಲಿಯನ್ ಆಗಿದ್ದು, 2025 ರ ವೇಳೆಗೆ ಇದು $ 200 ಬಿಲಿಯನ್ ತಲುಪುವ್ ನಿರೀಕ್ಷೆಯಿದೆ. 10 ನೇ ಪಂಚವಾರ್ಷಿಕ ಯೋಜನೆಯಡಿ 2005 ರಲ್ಲಿ ಕೇಂದ್ರ ಸರ್ಕಾರವು ಇಂಟಿಗ್ರೇಟೆಡ್ ಟೆಕ್ಸ್ಟೈಲ್ ಪಾರ್ಕ್ ಸ್ಕೀಮ್ (ITPS) ಅನ್ನು ಆರಂಭಿಸಿತ್ತು ಎಂಬುದು ಇಲ್ಲಿ ಗಮನಾರ್ಹ.

ಇದನ್ನೂ ಓದಿ-Big Verdict:ಅನುಕಂಪದ ಆಧಾರದ ಮೇಲಿನ ನೇಮಕಾತಿಯ ಕುರಿತು ಸುಪ್ರೀಂ ಮಹತ್ವದ ತೀರ್ಪು

ಏನಿದು ಜವಳಿ ಪಾರ್ಕ್? (Textile Park)
ಭಾರತ ಜವಳಿ ಉದ್ಯಮದಲ್ಲಿ  ವಿಶ್ವದ ಆರನೇ ಅತಿದೊಡ್ಡ ರಫ್ತುದಾರ ದೇಶವಾಗಿದೆ. ಟೆಕ್ಸ್ಟೈಲ್ ಪಾರ್ಕ್ ಮೂಲಕ ಈ ವಲಯದಲ್ಲಿ ರಫ್ತು ಶ್ರೇಣಿಯನ್ನು (Export Ranking) ಸುಧಾರಿಸುವ ಗುರಿಯನ್ನು ಹೊಂದಲಾಗಿದೆ ಜವಳಿ ಸಚಿವಾಲಯದ ಸಮಗ್ರ ಜವಳಿ ಪಾರ್ಕ್ ಯೋಜನೆಯಡಿ, ದೇಶದಲ್ಲಿ 59 ಜವಳಿ ಪಾರ್ಕ್‌ಗಳಿಗೆ ಅನುಮೋದನೆ ನೀಡಲಾಗಿದೆ.