Nobel Prize 2021 In Chemistry: ಬೆಂಜಮಿನ್ ಲಿಸ್ಟ್ ಹಾಗೂ ಡೇವಿಡ್ ಡಬ್ಲ್ಯೂಸಿ ಮ್ಯಾಕ್ ಮಿಲನ್ ಗೆ ರಸಾಯನ ಶಾಸ್ತ್ರದ ನೊಬೆಲ್ ಗರಿ

2021 Nobel Prize in Chemistry: 2021 ರ ರಸಾಯನಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು ಬುಧವಾರ ಬೆಂಜಮಿನ್ ಲಿಸ್ಟ್ ಹಾಗೂ ಡೇವಿಡ್ ಡಬ್ಲ್ಯೂಸಿ ಮ್ಯಾಕ್‌ಮಿಲನ್‌ಗೆ ನೀಡಲಾಗಿದೆ.

2021 Nobel Prize in Chemistry (Photo Courtesy - The Nobel Prize)

Nobel Prize 2021 In Chemistry - ರಸಾಯನಶಾಸ್ತ್ರ (Chemistry) ಕ್ಷೇತ್ರದಲ್ಲಿ ಅತ್ಯುತ್ತಮ ಕೊಡುಗೆಗಾಗಿ ಈ ವರ್ಷದ ಪ್ರತಿಷ್ಠಿತ ನೊಬೆಲ್ ಪ್ರಶಸ್ತಿಯನ್ನು ಬೆಂಜಮಿನ್ ಲಿಸ್ಟ್ ( Benjamin List)ಮತ್ತು ಡೇವಿಡ್ ಡಬ್ಲ್ಯೂಸಿ ಮ್ಯಾಕ್‌ಮಿಲನ್‌ಗೆ (David W.C. MacMillan) ನೀಡುವುದಾಗಿ ಘೋಷಿಸಲಾಗಿದೆ. ಈ ಇಬ್ಬರು ವಿಜ್ಞಾನಿಗಳಿಗೆ ಅಣುಗಳ ತಯಾರಿಕೆಗಾಗಿ ಉಪಕರಣಗಳನ್ನು ತಯಾರಿಸಿದ್ದಕ್ಕಾಗಿ ರಸಾಯನಶಾಸ್ತ್ರದಲ್ಲಿ ಈ ನೊಬೆಲ್ ಪ್ರಶಸ್ತಿಯನ್ನು ನೀಡಲಾಗಿದೆ. ಆರ್ಗನೊಕಟಾಲಿಸಿಸ್ ವಿಸ್ಮಯಕಾರಿ ದರದಲ್ಲಿ ವಿಕಾಸಗೊಂಡಿದೆ. ಈ ಪ್ರತಿಕ್ರಿಯೆಗಳನ್ನು ಬಳಸಿ, ಸಂಶೋಧಕರು ಇದೀಗ ಹೆಚ್ಚು ಪರಿಣಾಮಕಾರಿಯಾಗಿ ಹೊಸ ಔಷಧಿಗಳಿಂದ ಹಿಡಿದು ಅಣುಗಳವರೆಗೆ ಸೌರ ಕೋಶಗಳಲ್ಲಿ ಬೆಳಕನ್ನು ಸುಲಭವಾಗಿ ಸೆರೆಹಿಡಿಯಬಲ್ಲರು.

ಅಸಿಮೆಟ್ರಿಕ್ ಆರ್ಗನೊಕಟಾಲಿಸಿಸ್ನ ಆವಿಷ್ಕಾರಕ್ಕೆ ರಸಾಯನಶಾಸ್ತ್ರದಲ್ಲಿ 2021 ರ ನೊಬೆಲ್ ಪ್ರಶಸ್ತಿಯನ್ನು ನೀಡಲಾಗಿದೆ. ಇದು ಆಣ್ವಿಕ ನಿರ್ಮಾಣವನ್ನು ಸಂಪೂರ್ಣವಾಗಿ ಹೊಸ ಮಟ್ಟಕ್ಕೆ ತೆಗೆದುಕೊಂಡು ಹೋಗಿದ್ದು, ಇದು ರಸಾಯನಶಾಸ್ತ್ರವನ್ನು ಹಸಿರನ್ನಾಗಿಸುವುದಲ್ಲದೆ, ಅನಂತ ಅಣುಗಳನ್ನು ಉತ್ಪಾದಿಸುವುದನ್ನು ಹೆಚ್ಚು ಸುಲಭವಾಗಿಸಿದೆ. ಮಂಗಳವಾರ, ಈ ವರ್ಷದ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು (Nobel Prize 2021 Physics) ಸೌಕುರೊ ಮಾನೆಬೆ, ಕ್ಲಾಸ್ ಹ್ಯಾಸೆಲ್ಮನ್ ಮತ್ತು ಜಾರ್ಜಿಯೊ ಪೆರಿಸಿಕ್ ಅವರಿಗೆ ನೀಡಲಾಗಿದೆ. ರಾಯಲ್ ಸ್ವೀಡಿಷ್ ಅಕಾಡೆಮಿ ಆಫ್ ಸೈನ್ಸ್ ಹವಾಮಾನ ಮತ್ತು ಸಂಕೀರ್ಣ ಭೌತಿಕ ವ್ಯವಸ್ಥೆಯಲ್ಲಿನ ಸಂಶೋಧನೆಗಳಿಗಾಗಿ ಮೂವರು ವಿಜ್ಞಾನಿಗಳಿಗೆ ಈ ಪ್ರಶಸ್ತಿಯನ್ನು ನೀಡಿದೆ.

BREAKING NEWS:
The 2021 #NobelPrize in Chemistry has been awarded to Benjamin List and David W.C. MacMillan “for the development of asymmetric organocatalysis.” pic.twitter.com/SzTJ2Chtge

— The Nobel Prize (@NobelPrize) October 6, 2021

ಇದನ್ನೂ ಓದಿ-Britain's Home Secretary Priti Patel: 'ಸೇವೆಯ' ಬಗ್ಗೆ ಬ್ರಿಟನ್‌ನ ಗೃಹ ಕಾರ್ಯದರ್ಶಿ ಪ್ರೀತಿ ಪಟೇಲ್ ಹೇಳಿಕೆ ಕೇಳಿದರೆ ನೀವೂ ಹೆಮ್ಮೆ ಪಡುತ್ತೀರಿ

ಹವಾಮಾನ ವ್ಯವಸ್ಥೆಯಲ್ಲಿನ ತಿಳುವಳಿಕೆಯನ್ನು ಹೆಚ್ಚಿಸುವುದು ಸೇರಿದಂತೆ ಸಂಕೀರ್ಣ ವ್ಯವಸ್ಥೆಗಳಿಗೆ ನೆಡಿದ ಕೊಡುಗೆಗಾಗಿ  ಜಪಾನ್, ಜರ್ಮನಿ ಮತ್ತು ಇಟಲಿಯ ಮೂವರು ವಿಜ್ಞಾನಿಗಳನ್ನು ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿಗಾಗಿ ಈ ವರ್ಷ  ಆಯ್ಕೆ ಮಾಡಲಾಗಿದೆ. ಜಾಗತಿಕ ತಾಪಮಾನದ ಮುನ್ಸೂಚನೆಗಳ ವ್ಯತ್ಯಾಸ ಮತ್ತು ನಿಖರತೆಯನ್ನು ಅಳೆಯುವ ಭೂಮಿಯ ಹವಾಮಾನದ 'ಭೌತಿಕ' ಮಾಡೆಲಿಂಗ್ 'ಕ್ಷೇತ್ರದಲ್ಲಿ ಮಾಡಿರುವ ಕೆಲಸಕ್ಕಾಗಿ, ಜಪಾನ್‌ನ ಸುಕುರೊ ಮನಾಬೆ (90) ಮತ್ತು ಜರ್ಮನಿಯ ಕ್ಲಾಸ್ ಹ್ಯಾಸೆಲ್‌ಮನ್ (89) ಅವರನ್ನು ಆಯ್ಕೆ ಮಾಡಲಾಗಿದೆ.

ಇದನ್ನೂ ಓದಿ-ಭಾರತದ ವಿರುದ್ಧದ ಚಟುವಟಿಕೆಗೆ ಶ್ರೀಲಂಕಾವನ್ನು ಬಳಸಲಾಗುವುದಿಲ್ಲ-ಶ್ರೀಲಂಕಾ ಅಧ್ಯಕ್ಷ ರಾಜಪಕ್ಸೆ

ಇಟಲಿಯ 73 ವರ್ಷದ ಜಾರ್ಜಿಯೊ ಪ್ಯಾರಿಸಿಯನ್ನು ಪ್ರಶಸ್ತಿಯ ಎರಡನೇ ಭಾಗಕ್ಕೆ ಆಯ್ಕೆ ಮಾಡಲಾಗಿದೆ. 'ಪರಮಾಣುಗಳಿಂದ ಗ್ರಹಗಳ ನಿಯತಾಂಕಗಳವರೆಗೆ ಭೌತಿಕ ವ್ಯವಸ್ಥೆಯಲ್ಲಿನ ಅಸ್ವಸ್ಥತೆ ಮತ್ತು ಏರಿಳಿತಗಳ ಪರಸ್ಪರ ಕ್ರಿಯೆಯ ಆವಿಷ್ಕಾರಕ್ಕಾಗಿ' ಅವರನ್ನು ಆಯ್ಕೆ ಮಾಡಲಾಗಿದೆ. ಮೂವರೂ 'ಸಂಕೀರ್ಣ ವ್ಯವಸ್ಥೆಗಳ' ಮೇಲೆ ಕೆಲಸ ಮಾಡಿದ್ದಾರೆ, ಇದಕ್ಕೆ ಜಲವಾಯು ಒಂದು ಉದಾಹರಣೆಯಾಗಿದೆ.