ತುಟ್ಟಿ ಭತ್ಯೆ ನಿಯಮದಲ್ಲಿ ಬದಲಾವಣೆ ! ಸರ್ಕಾರಿ ನೌಕರರ ವೇತನದ ಮೇಲೆ ಪರಿಣಾಮ ಏನು ?

7th Pay Commission Latest Update :  ಜನವರಿ 1 ರಿಂದ ಜಾರಿಗೆ ಬರಲಿರುವ ತುಟ್ಟಿಭತ್ಯೆಯನ್ನು ಸರ್ಕಾರ ಮಾರ್ಚ್‌ನಲ್ಲಿ ಘೋಷಿಸಿದೆ. ಇದಾದ ನಂತರ ಮುಂದಿನ ತುಟ್ಟಿಭತ್ಯೆಯನ್ನು ಮೋದಿ ಸರ್ಕಾರ ಜುಲೈನಿಂದ ಜಾರಿಗೆ ತರಲಿದೆ. ಸೆಪ್ಟೆಂಬರ್‌ನಲ್ಲಿ ಸರ್ಕಾರದಿಂದ ಈ ಕುರಿತು ಘೋಷಣೆಯಾಗುವ ಸಾಧ್ಯತೆ ಇದೆ.

ಜನವರಿಯಿಂದ ಮೇವರೆಗೆ ಎಐಸಿಪಿಐ ಸೂಚ್ಯಂಕ ದತ್ತಾಂಶದ ಆಧಾರದ ಮೇಲೆ ಸರ್ಕಾರ ಡಿಎ ಘೋಷಿಸುತ್ತದೆ. ಈ ಬಾರಿಯೂ ಸರ್ಕಾರದ ಕಡೆಯಿಂದ ಶೇ.4ರಷ್ಟು ಡಿಎ ಹೆಚ್ಚಿಸಬಹುದು ಎಂದು ಅಂದಾಜಿಸಲಾಗಿದೆ. ಈ ಬಾರಿ ಡಿಎ ಹೆಚ್ಚಿಸುವ ಹೊಸ ಸೂತ್ರವನ್ನು ಸರ್ಕಾರ ಜಾರಿಗೆ ತರಬಹುದು ಎಂದು ಹೇಳಲಾಗುತ್ತಿದೆ.  7ನೇ ಕೇಂದ್ರ ವೇತನ ಆಯೋಗದ ಅಡಿಯಲ್ಲಿ ಜನವರಿ ಡಿಎ ಹೆಚ್ಚಳದ ನಂತರ, ಉದ್ಯೋಗಿಗಳ ಡಿಎ 42% ಕ್ಕೆ ಏರಿದೆ.

ಇದನ್ನೂ ಓದಿ : ದಿಢೀರ್ ಇಳಿಕೆ ಕಂಡ ಚಿನ್ನದ ಬೆಲೆ ! ಬಂಗಾರ ಕೊಳ್ಳುವವರಿಗೆ ಸುವರ್ಣ ಕಾಲ

ತುಟ್ಟಿಭತ್ಯೆ ಲೆಕ್ಕಾಚಾರ ವಿಧಾನದಲ್ಲಿ ಬದಲಾವಣೆ!
ಈ ಬಾರಿ ಕಾರ್ಮಿಕ ಸಚಿವಾಲಯವು ತುಟ್ಟಿಭತ್ಯೆಯ ಲೆಕ್ಕಾಚಾರವನ್ನು ಬದಲಾಯಿಸಿದೆ ಎಂದು ಮೂಲಗಳು ಹೇಳುತ್ತವೆ. ಸಚಿವಾಲಯವು 2016 ರಲ್ಲಿ ತುಟ್ಟಿ ಭತ್ಯೆಯ ಮೂಲ ವರ್ಷವನ್ನು ಬದಲಾಯಿಸಿದ್ದು,  ವೇತನ ದರ ಸೂಚ್ಯಂಕದ ಹೊಸ ಸರಣಿಯನ್ನು ಬಿಡುಗಡೆ ಮಾಡಿದೆ. 2016=100 ರ ಮೂಲ ವರ್ಷದೊಂದಿಗೆ WRI ಯ ಹೊಸ ಸರಣಿಯು 1963-65 ರ ಮೂಲ ವರ್ಷದ ಹಳೆಯ ಸರಣಿಯನ್ನು ಬದಲಿಸಿದೆ ಎಂದು ಕಾರ್ಮಿಕ ಸಚಿವಾಲಯ ಹೇಳಿದೆ.

ಈಗ  ಹೇಗೆ  ಲೆಕ್ಕ ಹಾಕಲಾಗುತ್ತದೆ ? :
7ನೇ ವೇತನ ಆಯೋಗದ ತುಟ್ಟಿಭತ್ಯೆಯನ್ನು ಮೂಲ ವೇತನದೊಂದಿಗೆ ಪ್ರಸ್ತುತ ದರವನ್ನು ಗುಣಿಸಿ ಲೆಕ್ಕ ಹಾಕಲಾಗುತ್ತದೆ. ನಿಮ್ಮ ಮೂಲ ವೇತನ 56,900 ರೂ. ಆಗಿದ್ದರೆ, ಡಿಎ (56,900 x12)/100. ಪ್ರಸ್ತುತ ಶೇಕಡಾವಾರು ದರವು 12% ಆಗಿದೆ. ತುಟ್ಟಿಭತ್ಯೆ ಶೇಕಡಾವಾರು = ಕಳೆದ 12 ತಿಂಗಳ CPIನ ಸರಾಸರಿ - 115.76. ಅಂದರೆ ಈಗ  115.76 ಅನ್ನು ವಿಭಜಿಸಲಾಗುತ್ತದೆ. ಬರುವ ಸಂಖ್ಯೆಯನ್ನು 100 ರಿಂದ ಗುಣಿಸಲಾಗುತ್ತದೆ.

ಇದನ್ನೂ ಓದಿ : ಪಡಿತರ ಚೀಟಿದಾರರಿಗೆ ಹೊಸ ಸೌಲಭ್ಯ ಆರಂಭಿಸಿದ ಸರ್ಕಾರ ! 2024 ರವರೆಗೆ ಸಿಗಲಿದೆ ಈ ಪ್ರಯೋಜನ

ತುಟ್ಟಿಭತ್ಯೆಯ ಮೇಲೆ ತೆರಿಗೆ ಇರುತ್ತದೆಯೇ? :
ತುಟ್ಟಿಭತ್ಯೆ ಸಂಪೂರ್ಣ ತೆರಿಗೆಗೆ ಒಳಪಡುವ ಆದಾಯವಾಗಿದೆ. ದೇಶದಲ್ಲಿ ಆದಾಯ ತೆರಿಗೆ ನಿಯಮಗಳ ಅಡಿಯಲ್ಲಿ, ಆದಾಯ ತೆರಿಗೆ ರಿಟರ್ನ್ (ITR) ನಲ್ಲಿ ತುಟ್ಟಿಭತ್ಯೆಯ ಬಗ್ಗೆ ಪ್ರತ್ಯೇಕ ಮಾಹಿತಿಯನ್ನು ನೀಡಬೇಕು.

ತುಟ್ಟಿಭತ್ಯೆ ಎಂದರೇನು? :
ತುಟ್ಟಿ ಭತ್ಯೆಯು ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರು ಸಂಬಳವಾಗಿ ಪಡೆಯುವ ಹಣದ ಒಂದು ಭಾಗವಾಗಿದೆ. ಏರುತ್ತಿರುವ ಹಣದುಬ್ಬರದಿಂದ ಹೆಚ್ಚುತ್ತಿರುವ ವೆಚ್ಚವನ್ನು ಸರಿದೂಗಿಸುವ ಉದ್ದೇಶದಿಂದ ಇದನ್ನೂ ನೀಡಲಾಗುತ್ತದೆ. ಕೇಂದ್ರ ನೌಕರರ ತುಟ್ಟಿಭತ್ಯೆಯನ್ನು ವರ್ಷಕ್ಕೆ ಎರಡು ಬಾರಿ (ಜನವರಿ ಮತ್ತು ಜುಲೈ) ಹೆಚ್ಚಿಸಲು ಸರ್ಕಾರವು ಒಂದು ನಿಬಂಧನೆಯನ್ನು ಹೊಂದಿದೆ. ಸರ್ಕಾರಿ ನೌಕರರ ಡಿಎ ದೇಶಾದ್ಯಂತ ಒಂದೇ ರೀತಿ ಇರುವುದಿಲ್ಲ. ಇದು ಕೆಲಸದ ಸ್ಥಳ, ಇಲಾಖೆ ಮತ್ತು ಹಿರಿತನದ ಆಧಾರದ ಮೇಲೆ ಬದಲಾಗಬಹುದು.