Gram UJALA Program: ಕೇವಲ 10 ರೂ.ಗೆ ಎಲ್‌ಇಡಿ ಬಲ್ಬ್, 3 ವರ್ಷದೊಳಗೆ ಹಾಳಾದರೆ ಸಿಗುತ್ತೆ ಹೊಸ ಬಲ್ಬ್

Gram UJALA Program: ಕೇವಲ 10ರೂ.ಗಳಲ್ಲಿ 12 ವ್ಯಾಟ್-7ವ್ಯಾಟ್ ಬಲ್ಬ್: ಇತ್ತೀಚಿನ ದಿನಗಳಲ್ಲಿ ಮನೆಗಳಲ್ಲಿ ಎಲ್‌ಇಡಿ  ಬಲ್ಬ್ (LED Bulb) ಗಳನ್ನು ಹೆಚ್ಚು ಬಳಸುತ್ತಾರೆ. ಇವುಗಳ ಬಳಕೆಯಿಂದ ಸಾಕಷ್ಟು ವಿದ್ಯುತ್ ಉಳಿತಾಯವಾಗುತ್ತದೆ ಎಂಬುದು ಇದಕ್ಕೆ ದೊಡ್ಡ ಕಾರಣ. ಆದರೆ ಮಾರುಕಟ್ಟೆಯಲ್ಲಿ ಉತ್ತಮ ಗುಣಮಟ್ಟದ ಎಲ್‌ಇಡಿ  ಬಲ್ಬ್ ಗಳ ಬೆಲೆ ತುಂಬಾ ಹೆಚ್ಚು. ಆದರೆ, ಕೇವಲ 10 ರೂಪಾಯಿಗೆ 12 ವ್ಯಾಟ್ ಎಲ್‌ಇಡಿ  ಬಲ್ಬ್ ಸಿಗುತ್ತದೆ ಎಂದು ಹೇಳಿದರೆ ನೀವು ನಂಬದೇ ಇರಬಹುದು. ಆದರಕೇವಲ 10 ರೂ.ಗೆ ಎಲ್‌ಇಡಿ ಬಲ್ಬ್, 3 ವರ್ಷದೊಳಗೆ ಹಾಳಾದರೆ ಸಿಗುತ್ತೆ ಹೊಸ ಬಲ್ಬ್ ಇದು ಸಂಪೂರ್ಣ ಸತ್ಯ. ಸರ್ಕಾರ ಅಗ್ಗದ ಎಲ್‌ಇಡಿ ಬಲ್ಬ್‌ಗಳ ಯೋಜನೆಯನ್ನು ಆರಂಭಿಸಿದ್ದು, ಈ ಬಲ್ಬ್‌ಗಳ ಮೇಲೆ 3 ವರ್ಷಗಳ ಗ್ಯಾರಂಟಿಯನ್ನೂ ನೀಡಲಾಗುತ್ತಿದೆ. ಈ ಬಲ್ಬ್‌ಗಳನ್ನು ನೀವು ಹೇಗೆ ಪಡೆಯಬಹುದು ಎಂಬುದರ ಬಗ್ಗೆ ನಾವು ನಿಮಗೆ ಮಾಹಿತಿ ನೀಡಲಿದ್ದೇವೆ.

ಒಂದು ಕುಟುಂಬಕ್ಕೆ ಸಿಗಲಿವೆ 5 ಬಲ್ಬ್‌ಗಳು:
ಈ ಬಲ್ಬ್‌ಗಳನ್ನು ಸರ್ಕಾರಿ ಕಂಪನಿ ಕನ್ವರ್ಜೆನ್ಸ್ ಎನರ್ಜಿ ಸರ್ವಿಸಸ್ ಲಿಮಿಟೆಡ್ (CESL) ನೀಡುತ್ತದೆ. ಒಂದೇ ದರದಲ್ಲಿ ಕುಟುಂಬದಲ್ಲಿ 5 ಬಲ್ಬ್‌ಗಳನ್ನು ಖರೀದಿಸಬಹುದು. ಗ್ರಾಮ ಉಜಾಲಾ ಯೋಜನೆಯಡಿಯಲ್ಲಿ (Gram Ujala Yojana) 7 ರಿಂದ 12 ವ್ಯಾಟ್‌ಗಳ ಬಲ್ಬ್‌ಗಳನ್ನು ಮಾರಾಟ ಮಾಡಲಾಗುತ್ತದೆ.

ಇದನ್ನೂ ಓದಿ- Term Insurance: ಈಗ ಎಲ್ಲರಿಗೂ ಟರ್ಮ್ ಇನ್ಶೂರೆನ್ಸ್ ಸಿಗುವುದಿಲ್ಲ, ಬದಲಾಗಿವೆ ನಿಯಮಗಳು

ಎಲ್ಇಡಿ ಬಲ್ಬ್ಗಳು ಈ ರಾಜ್ಯಗಳಲ್ಲಿ ಲಭ್ಯವಿದೆ:
ಪ್ರಸ್ತುತ ಬಿಹಾರ, ಉತ್ತರ ಪ್ರದೇಶ, ಆಂಧ್ರಪ್ರದೇಶ, ಕರ್ನಾಟಕ (Karnataka) ಮತ್ತು ತೆಲಂಗಾಣದಲ್ಲಿ ಗ್ರಾಮ ಉಜಾಲ ಯೋಜನೆ ಜಾರಿಯಲ್ಲಿದೆ. ಇಲ್ಲಿನ ಗ್ರಾಮೀಣ ಕುಟುಂಬಗಳು ಕಡಿಮೆ ದರದಲ್ಲಿ ಬಲ್ಬ್ ತೆಗೆದುಕೊಳ್ಳಬಹುದು. ಈ ಗ್ರಾಮ ಉಜಾಲಾ ಯೋಜನೆಯು ಮಾರ್ಚ್ 31, 2022 ರವರೆಗೆ ಇರುತ್ತದೆ. ನೀವು ಈ ರಾಜ್ಯಗಳಲ್ಲಿ ವಾಸಿಸುತ್ತಿದ್ದರೆ ನೀವು ಈ ಸೌಲಭ್ಯವನ್ನು ಪಡೆಯಬಹುದು. CESL ಶಿಬಿರಗಳನ್ನು ಸ್ಥಾಪಿಸುವ ಮೂಲಕ ಬಲ್ಬ್ ವಿತರಣೆಯ ಕೆಲಸವನ್ನು ಮಾಡುತ್ತದೆ, ಅಂದರೆ ಬಲ್ಬ್ ಪಡೆಯಲು ಹೆಚ್ಚು ಶ್ರಮಪಡಬೇಕಾಗಿಲ್ಲ. ಕೇವಲ 10 ರೂಪಾಯಿ ನೀಡಿ ನಿಮ್ಮ ಮನೆಗೆ ಬಲ್ಬ್ ತೆಗೆದುಕೊಂಡು ಹೋಗಬಹುದು.

ಭಾರತವನ್ನು ಕತ್ತಲೆಯಿಂದ ದೂರ ಮಾಡುವುದು ಯೋಜನೆಯ ಉದ್ದೇಶವಾಗಿದೆ:
ಈ ಯೋಜನೆಯ ಉದ್ದೇಶವು ಹಳೆಯ ಹಳದಿ ಬಲ್ಬ್‌ಗಳನ್ನು ಎಲ್‌ಇಡಿ ಬಲ್ಬ್‌ಗಳೊಂದಿಗೆ (LED Bulb) ಬದಲಾಯಿಸುವುದು. ಇದರಿಂದ ವಿದ್ಯುತ್ ಉಳಿಸಬಹುದು ಮತ್ತು ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡಬಹುದು. ಎಲ್ಇಡಿ ವಿದ್ಯುತ್ ಬಿಲ್ ಅನ್ನು ಉಳಿಸುತ್ತದೆ ಮತ್ತು ವಿದ್ಯುತ್ ಉಳಿತಾಯವು ಕಲ್ಲಿದ್ದಲು ಅಥವಾ ಅನಿಲದ ಬಳಕೆಯನ್ನು ಕಡಿಮೆ ಮಾಡುತ್ತದೆ. ಈ ಯೋಜನೆಯ ಉತ್ತಮ ಅಂಶವೆಂದರೆ ಬಲ್ಬ್‌ನ ಕಡಿಮೆ ಬೆಲೆಯಿಂದಾಗಿ, ಸರ್ಕಾರವು ಯಾವುದೇ ಸಹಾಯಧನವನ್ನು ಅಂದರೆ ಸಬ್ಸಿಡಿಯನ್ನು ನೀಡುತ್ತಿಲ್ಲ. 

ಬೆಲೆ ಕೇವಲ 10 ರೂ. :
CESL ಈ ವರ್ಷದ ಮಾರ್ಚ್‌ನಲ್ಲಿ ಎಲ್‌ಇಡಿ ಬಲ್ಬ್‌ಗಳನ್ನು ಹಳ್ಳಿಗಳಲ್ಲಿ ಕೈಗೆಟುಕುವ ಬೆಲೆಯಲ್ಲಿ ಅಂದರೆ 10 ರೂ.ಗೆ ವಿತರಿಸಲು ಯೋಜನೆಯನ್ನು ಪ್ರಾರಂಭಿಸಿತ್ತು. ಈ ತಿಂಗಳು, ರಾಷ್ಟ್ರೀಯ ಇಂಧನ ಸಂರಕ್ಷಣಾ ದಿನ, 2021 ರ ಸಂದರ್ಭದಲ್ಲಿ, ಒಂದೇ ದಿನದಲ್ಲಿ 10 ಲಕ್ಷ ಎಲ್‌ಇಡಿ ಬಲ್ಬ್‌ಗಳನ್ನು ವಿತರಿಸುವ ಪ್ರಮುಖ ಗುರಿಯನ್ನು CESL ಸಾಧಿಸಿದೆ. ಈ ಬಲ್ಬ್‌ಗಳನ್ನು ಮುಕ್ತ ಮಾರುಕಟ್ಟೆಯಲ್ಲಿ ಖರೀದಿಸಿದರೆ ಅದರ ಬೆಲೆ ಸುಮಾರು 100 ರೂ. ದೇಶದ ಅನೇಕ ರಾಜ್ಯಗಳ ಜನರು CESL ನ ಈ ಯೋಜನೆಯ ಪ್ರಯೋಜನವನ್ನು ಪಡೆದರು. ಕಾರ್ಯಕ್ರಮದ ಯಶಸ್ಸನ್ನು ನೋಡಿ, CESL ಇದನ್ನು ಇನ್ನೂ ಮುಂದುವರೆಸಿದೆ. ಇದರಿಂದ ದೇಶದ ಲಕ್ಷಾಂತರ ಜನರಿಗೆ ಅನುಕೂಲವಾಗಲಿದೆ.

ಇದನ್ನೂ ಓದಿ- 7th Pay Commission : ಕೇಂದ್ರ ನೌಕರರಿಗೆ ಹಳೆ ಪಿಂಚಣಿ ಯೋಜನೆಯ ಲಾಭ! ಸಿದ್ಧಪಡಿಸಿದ ಸರ್ಕಾರ 

ವಿದ್ಯುತ್ ಉಳಿಸಲು ಉತ್ತಮ ಮಾರ್ಗ:
CESL ಉತ್ತಮ ಗುಣಮಟ್ಟದ 7-ವ್ಯಾಟ್ ಮತ್ತು 12-ವ್ಯಾಟ್ LED ಬಲ್ಬ್‌ಗಳನ್ನು 3 ವರ್ಷಗಳ ಖಾತರಿಯೊಂದಿಗೆ ಪ್ರತಿ ಬಲ್ಬ್‌ಗೆ ರೂ.10 ಕ್ಕೆ ಒದಗಿಸುತ್ತಿದೆ. ಇದರಲ್ಲಿ, ಪ್ರತಿ ಕುಟುಂಬವು ಗರಿಷ್ಠ 5 ಬಲ್ಬ್‌ಗಳನ್ನು ವಿನಿಮಯ ಮಾಡಿಕೊಳ್ಳಬಹುದು. ಕೆಲವು ವರದಿಗಳ ಪ್ರಕಾರ, ಈ ಪ್ರಕ್ರಿಯೆಯು ರಾಜ್ಯಗಳ ಗ್ರಾಮೀಣ ಪ್ರದೇಶಗಳಲ್ಲಿ ವರ್ಷಕ್ಕೆ 71 ಕೋಟಿ ಯೂನಿಟ್ ವಿದ್ಯುತ್ ಉಳಿತಾಯಕ್ಕೆ ಕಾರಣವಾಗಿದೆ ಮತ್ತು ವರ್ಷಕ್ಕೆ 250 ಕೋಟಿ ವೆಚ್ಚ ಉಳಿತಾಯವಾಗಿದೆ. ಬಲ್ಬ್ ಅನ್ನು ಬದಲಾಯಿಸುವ ಈ ಕೊಡುಗೆಯು ಮಾರ್ಚ್ 31, 2022 ರವರೆಗೆ ಮಾನ್ಯವಾಗಿರುತ್ತದೆ.