ICICI Customers Alert: ಆನ್ಲೈನ್ ವಂಚನೆ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಐಸಿಐಸಿಐ ಬ್ಯಾಂಕ್ ತನ್ನ ಗ್ರಾಹಕರಿಗೆ ಕಾಲಕಾಲಕ್ಕೆ ಎಚ್ಚರಿಕೆಗಳನ್ನು ನೀಡುತ್ತಲೇ ಇರುತ್ತದೆ. ನೀವು ಸಹ ಐಸಿಐಸಿಐ ಬ್ಯಾಂಕಿನಲ್ಲಿ ಖಾತೆಯನ್ನು ಹೊಂದಿದ್ದರೆ ಬ್ಯಾಂಕ್ ನೀಡಿರುವ ಈ ಸಲಹೆಯನ್ನು ಎಂದಿಗೂ ನಿರ್ಲಕ್ಷಿಸಬೇಡಿ. ದೇಶದಲ್ಲಿ ಜನರನ್ನು ವಂಚಿಸುವ ಪ್ರಯತ್ನಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಐಸಿಐಸಿಐ ಬ್ಯಾಂಕ್ ವಿಶೇಷ ಎಚ್ಚರಿಕೆಯನ್ನು (ICICI Customers Alert) ನೀಡಿದೆ. ಟ್ವೀಟ್ ಮೂಲಕ ಈ ಕುರಿತಂತೆ ಮಾಹಿತಿ ಹಂಚಿಕೊಂಡಿರುವ ಬ್ಯಾಂಕ್, ಗ್ರಾಹಕರು ಬ್ಯಾಂಕ್ ವಂಚನೆಯನ್ನು ತಪ್ಪಿಸುವುದು ಹೇಗೆ ಎಂಬ ಸಲಹೆ ನೀಡಿದೆ. ಬ್ಯಾಂಕಿನ ಪ್ರಕಾರ, ನೀವು ನಿಮ್ಮ ವೈಯಕ್ತಿಕ ಬ್ಯಾಂಕಿಂಗ್ ಸಂಬಂಧಿತ ಕ್ರೆಡಿಟ್-ಡೆಬಿಟ್ ಕಾರ್ಡ್ ವಿವರಗಳನ್ನು ಮತ್ತು ಒಟಿಪಿಯನ್ನು ಯಾರೊಂದಿಗೂ ಹಂಚಿಕೊಳ್ಳಬಾರದು.


COMMERCIAL BREAK
SCROLL TO CONTINUE READING

ವಾಸ್ತವವಾಗಿ, ಕರೋನಾ ಅವಧಿಯಲ್ಲಿ ಸೈಬರ್ ವಂಚನೆ (Cyber Fraud) ಪ್ರಕರಣಗಳು ಹೆಚ್ಚಾಗಿವೆ. ಅದೇ ಸಮಯದಲ್ಲಿ ಜನಸಾಮಾನ್ಯರು ಇಂತಹ ಬಲೆಗೆ ಬೀಳುತ್ತಾರೆ. ನಂತರ ಅವರ ಬ್ಯಾಂಕ್ ಬ್ಯಾಲೆನ್ಸ್ ಖಾಲಿಯಾಗುತ್ತದೆ. ಬ್ಯಾಂಕಿನಲ್ಲಿ ಗ್ರಾಹಕರ ವಿಶ್ವಾಸವನ್ನು ಕಾಪಾಡಿಕೊಳ್ಳಲು, ಬ್ಯಾಂಕ್ ಕೂಡ ಕಾಲಕಾಲಕ್ಕೆ ಜನರಿಗೆ ಅರಿವು ಮೂಡಿಸುತ್ತಲೇ ಇರುತ್ತದೆ. ಹೆಚ್ಚುತ್ತಿರುವ ಬ್ಯಾಂಕಿಂಗ್ ವಂಚನೆಗಳ ದೃಷ್ಟಿಯಿಂದ, ಐಸಿಐಸಿಐ ಬ್ಯಾಂಕ್ (ICICI Bank) ಗ್ರಾಹಕರನ್ನು ಎಚ್ಚರಿಸುವ ಟ್ವೀಟ್ ಅನ್ನು ಹಂಚಿಕೊಂಡಿದೆ.


ಇದನ್ನೂ ಓದಿ- Ration Card: ಮನೆಯಲ್ಲಿಯೇ ಕುಳಿತು ನಿಮ್ಮ ಪಡಿತರ ಚೀಟಿಯಲ್ಲಿ ಮೊಬೈಲ್ ಸಂಖ್ಯೆಯನ್ನು ಈ ರೀತಿ ಬದಲಾಯಿಸಿ


ನಿಮ್ಮ ವೈಯಕ್ತಿಕ ಬ್ಯಾಂಕಿಂಗ್ ವಿವರಗಳನ್ನು ಎಂದಿಗೂ ಹಂಚಿಕೊಳ್ಳಬೇಡಿ:
ಬ್ಯಾಂಕಿಂಗ್ ವಂಚನೆ (Banking Fraud) ಪ್ರಕರಣಗಳ ಕುರಿತಂತೆ ಜನರಲ್ಲಿ ಜಾಗೃತಿ ಮೂಡಿಸಲು ಟ್ವೀಟ್ ಮಾಡಿರುವ ಐಸಿಐಸಿಐ ಬ್ಯಾಂಕ್, 'ನಿಮ್ಮ ವೈಯಕ್ತಿಕ ಬ್ಯಾಂಕಿಂಗ್ ವಿವರಗಳಾದ ಒಟಿಪಿ, ಕ್ರೆಡಿಟ್/ಡೆಬಿಟ್ ಕಾರ್ಡ್ (Credit/Debit Card) ಪಿನ್ ಅನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ' ಎಂದು ಹೇಳಿದೆ. ಇದರೊಂದಿಗೆ ಇದನ್ನು ತಪ್ಪಿಸಲು ಕ್ರಮಗಳನ್ನು ನೀಡುತ್ತಾ, ಬ್ಯಾಂಕ್ ಇದರೊಂದಿಗೆ ನೀವು ಹೇಗೆ ಎಚ್ಚರದಿಂದಿರಬಹುದು ಮತ್ತು ಸೈಬರ್ ವಂಚನೆಯ ಚಟುವಟಿಕೆಗಳನ್ನು ಹೇಗೆ ಮೇಲ್ವಿಚಾರಣೆ ಮಾಡಬಹುದು ಎಂದು ತಿಳಿಸಿದೆ.


ಬ್ಯಾಂಕ್ ಎರಡು ಚಿತ್ರಗಳನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದೆ. ಈ ಚಿತ್ರಗಳ ಮೂಲಕ, 'ನಿಮ್ಮ ಪಿನ್ ಅನ್ನು ಹಣ ಪಡೆಯಲು ಎಂದಿಗೂ ಕೇಳುವುದಿಲ್ಲ' ಎಂದು ಬ್ಯಾಂಕ್ ಎಚ್ಚರಿಸಿದೆ. ಇದಲ್ಲದೇ, ಸೈಬರ್ ವಂಚಕರಿಂದ ಕಳುಹಿಸಲಾಗುವ ಈ 3 ವಿನಂತಿ ಚಟುವಟಿಕೆಗಳನ್ನು ಸ್ವೀಕರಿಸದಂತೆ ಬ್ಯಾಂಕ್ ಗ್ರಾಹಕರಿಗೆ ಸೂಚಿಸಿದೆ.


Banking Alert: SBI, PNB, ICICI ಬ್ಯಾಂಕ್ ಗ್ರಾಹಕರೇ ಗಮನಿಸಿ, ಅಪ್ಪಿ-ತಪ್ಪಿಯೂ ಕೂಡ ಈ ತಪ್ಪು ಮಾಡಬೇಡಿ


ಈ 3 ವಿಶೇಷ ವಿಷಯಗಳನ್ನು ನೋಡಿಕೊಳ್ಳಿ:
* ನಿಲ್ಲಿಸಿ (Stop): ಪಿನ್ ನಮೂದಿಸುವ ಮುನ್ನ ಯೋಚಿಸಿ
* ಯೋಚಿಸಿ (Think): ಸ್ವೀಕರಿಸಲು ಪಿನ್ ಏಕೆ ಬೇಕು? ಎಂದು ಯೋಚಿಸಿ
* ಆಕ್ಟ್ (Act): ನೀವು ಆ ವಂಚನೆಯನ್ನು ಕಂಡುಕೊಂಡರೆ, ತಕ್ಷಣವೇ ಆ ವಿನಂತಿಯನ್ನು ಡಿಕ್ಲೈನ್ ಮಾಡಿ.


ಈ ರೀತಿಯಾಗಿ ಸಾಮಾನ್ಯ ಜನರು ವಂಚಕರ ಬಲೆಗೆ ಸಿಲುಕುತ್ತಾರೆ:
ಜನರ ಖಾತೆಯಿಂದ ಸುಲಭವಾಗಿ ಹಣ ತೆಗೆಯಲು ಒನ್ ಟೈಮ್ ಪಾಸ್‌ವರ್ಡ್ (ಒಟಿಪಿ), ವಿಶಿಷ್ಟ ನೋಂದಣಿ ಸಂಖ್ಯೆ (ಯುಆರ್‌ಎನ್), 3 ಡಿ ಸುರಕ್ಷಿತ ಕೋಡ್ ಅನ್ನು ಬಳಸಲಾಗುತ್ತದೆ. ಈ ವಿಧಾನಗಳಿಂದ ವಂಚಕರು ಸುಲಭವಾಗಿ ಖಾತೆಯನ್ನು ಖಾಲಿ ಮಾಡುತ್ತಾರೆ. ಈ ರೀತಿಯ ವಂಚನೆಯು ಬ್ಯಾಂಕಿನ ಚಿತ್ರದ ಮೇಲೆ ಗಾಢವಾದ ಪರಿಣಾಮವನ್ನು ಬೀರುತ್ತದೆ. ಯಾವುದೇ ಗ್ರಾಹಕರು ಹ್ಯಾಕರ್‌ಗಳ ಬಲೆಗೆ ಬೀಳದಂತೆ ಈ ಸಂದೇಶವನ್ನು ಎಲ್ಲರಿಗೂ ರವಾನಿಸಲು ಬ್ಯಾಂಕ್ ಸೂಚಿಸಿದೆ.


ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.