KYC Update ಹೆಸರಿನಲ್ಲಿ ವಂಚನೆ ಬಗ್ಗೆ ಆರ್‌ಬಿಐ ಎಚ್ಚರಿಕೆ, ಕೇವಲ 1 ತಪ್ಪಿನಿಂದ ಖಾಲಿಯಾಗುತ್ತೆ ಖಾತೆ

RBI KYC Update Alerts : ಕೆವೈಸಿ ಅಪ್‌ಡೇಟ್ ಮಾಡುವುದಾಗಿ ತಿಳಿಸಿ ಯಾರಾದರೂ ಬ್ಯಾಂಕ್ ಖಾತೆ ಮಾಹಿತಿ, ಲಾಗಿನ್ ಐಡಿ, ಕಾರ್ಡ್ ವಿವರಗಳು, ಪಿನ್, ಒಟಿಪಿ (ಪಿನ್ / ಒಟಿಪಿ) ನಂತಹ ಗೌಪ್ಯ ಮತ್ತು ವೈಯಕ್ತಿಕ ಮಾಹಿತಿಗಳನ್ನು ಕೇಳಿದರೆ ತಕ್ಷಣವೇ ಎಚ್ಚೆತ್ತುಕೊಳ್ಳಿ ಎಂದು ಗ್ರಾಹಕರಿಗೆ ರಿಸರ್ವ್ ಬ್ಯಾಂಕ್ ಎಚ್ಚರಿಕೆ ನೀಡಿದೆ.   

Written by - Yashaswini V | Last Updated : Sep 14, 2021, 10:52 AM IST
  • ಬ್ಯಾಂಕ್ ಗ್ರಾಹಕರಿಗೆ ಆರ್‌ಬಿಐ ಎಚ್ಚರಿಕೆ ನೀಡಿದೆ
  • ಕೆವೈಸಿ ನವೀಕರಣದ ಹೆಸರಿನಲ್ಲಿ ವಂಚನೆ ಬಗ್ಗೆ ಗ್ರಾಹಕರಿಗೆ ಎಚ್ಚರಿಕೆ ನೀಡಿರುವ ರಿಸರ್ವ್ ಬ್ಯಾಂಕ್
  • ನೀವು ಮಾಡುವ ಒಂದು ಸಣ್ಣ ತಪ್ಪಿನಿಂದ ನಿಮ್ಮ ಬ್ಯಾಂಕ್ ಖಾತೆ ಖಾಲಿಯಾಗಿರಬಹುದು
KYC Update ಹೆಸರಿನಲ್ಲಿ ವಂಚನೆ ಬಗ್ಗೆ ಆರ್‌ಬಿಐ ಎಚ್ಚರಿಕೆ, ಕೇವಲ 1 ತಪ್ಪಿನಿಂದ ಖಾಲಿಯಾಗುತ್ತೆ ಖಾತೆ

ನವದೆಹಲಿ: RBI KYC Update Alerts- ಆನ್‌ಲೈನ್ ವಂಚನೆಯ ಕುರಿತು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಗ್ರಾಹಕರಿಗೆ ಪದೇ ಪದೇ ಎಚ್ಚರಿಕೆ ನೀಡುತ್ತಲೇ ಇದೆ. ಇದೀಗ ಕೆವೈಸಿ ನವೀಕರಣದ ಹೆಸರಿನಲ್ಲಿ ನಡೆಯುತ್ತಿರುವ ವಂಚನೆಗಳ ಕುರಿತು ಆರ್‌ಬಿಐ ಬ್ಯಾಂಕ್ ಗ್ರಾಹಕರಿಗೆ ಎಚ್ಚರಿಕೆ ನೀಡಿದೆ. ಬ್ಯಾಂಕ್ ಗ್ರಾಹಕರು ಯಾವುದೇ ಸಂದರ್ಭದಲ್ಲಿ ನಿಮ್ಮ ವೈಯಕ್ತಿಕ ವಿವರ ಮತ್ತು ಗೌಪ್ಯ ಮಾಹಿತಿಯನ್ನು ಯಾರೊಂದಿಗೂ ಹಂಚಿಕೊಳ್ಳದಂತೆ ಆರ್‌ಬಿಐ ಸೂಚನೆ ನೀಡಿದ್ದು, ನೀವು ಮಾಡುವ ಈ ತಪ್ಪಿನಿಂದ ನಿಮ್ಮ ಬ್ಯಾಂಕ್ ಖಾತೆ ಖಾಲಿಯಾಗಬಹುದು ಎಂದು ಎಚ್ಚರಿಕೆಯ ಸಂದೇಶವನ್ನೂ ನೀಡಿದೆ.

ಕೆವೈಸಿ ನವೀಕರಣದ ಹೆಸರಿನಲ್ಲಿ ವಂಚನೆ : 
ವಾಸ್ತವವಾಗಿ, ಕಳೆದ ಹಲವು ದಿನಗಳಿಂದ ಕೆವೈಸಿ ನವೀಕರಣದ (KYC Update) ಹೆಸರಿನಲ್ಲಿ ವಂಚನೆಯ ದೂರುಗಳು ಬಹಳ ವೇಗವಾಗಿ ಹೆಚ್ಚಾಗಿದೆ ಎಂದು ರಿಸರ್ವ್ ಬ್ಯಾಂಕ್ (Reserve Bank)  ಹೇಳಿದೆ. ಇದಕ್ಕಾಗಿ, ಹ್ಯಾಕರ್‌ಗಳು ಮೊದಲು ಗ್ರಾಹಕರಿಗೆ ಫೋನ್ ಕರೆಗಳು, SMS ಅಥವಾ ಇ-ಮೇಲ್‌ಗಳ ಮೂಲಕ KYC ಅನ್ನು ಅಪ್‌ಡೇಟ್ ಮಾಡಲು ಕೇಳುತ್ತಾರೆ. ಅವರು ಗ್ರಾಹಕರಿಗೆ ತಮ್ಮ ಬ್ಯಾಂಕ್ ಖಾತೆಗಳು ಮತ್ತು ವೈಯಕ್ತಿಕ ಮಾಹಿತಿಯನ್ನು ನೀಡುವಂತೆ ಕೇಳುತ್ತಾರೆ. ಒಂದೊಮ್ಮೆ ಗ್ರಾಹಕರು ಇಂತಹ ವಂಚನೆಗಳ (Online Fraud) ಬಲೆಗೆ ಬಿದ್ದರೆ, ಅವರ ಖಾತೆಗಳಿಂದ ಹಣ ಮಾಯವಾಗುವಂತೆ ಮಾಡುತ್ತಾರೆ ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ- SBI ಎಚ್ಚರಿಕೆಯನ್ನು ನಿರ್ಲಕ್ಷಿಸಬೇಡಿ, ಇನ್‌ಬಾಕ್ಸ್‌ನಲ್ಲಿ ಬರುವ ಈ ಲಿಂಕ್‌ಗಳ ಬಗ್ಗೆ ಹುಷಾರಾಗಿರಿ

ಆರ್‌ಬಿಐ ಎಚ್ಚರಿಕೆ:
ಯಾರಾದರೂ ಬ್ಯಾಂಕ್ ಖಾತೆ ಮಾಹಿತಿ, ಲಾಗಿನ್ ಐಡಿ, ಕಾರ್ಡ್ ವಿವರಗಳು, ಪಿನ್, ಒಟಿಪಿ (ಪಿನ್ / ಒಟಿಪಿ) ನಂತಹ ಗೌಪ್ಯ ಮತ್ತು ವೈಯಕ್ತಿಕ ಮಾಹಿತಿಗಳನ್ನು ಕೇಳಿದರೆ, ತಕ್ಷಣವೇ ಅಲರ್ಟ್ ಆಗಿ. ನೀವು ಈ ಮಾಹಿತಿಯನ್ನು ಅವರೊಂದಿಗೆ ಹಂಚಿಕೊಂಡರೆ ನೀವು ದೊಡ್ಡ ನಷ್ಟವನ್ನು ಅನುಭವಿಸಬಹುದು. ಪ್ರಸ್ತುತ, KYC ಅಪ್‌ಡೇಟ್‌ಗಾಗಿ ಅನಧಿಕೃತ ಮತ್ತು ಪರಿಶೀಲಿಸದ ಅಪ್ಲಿಕೇಶನ್‌ಗಳಿಗೆ ಲಿಂಕ್‌ಗಳನ್ನು ಕಳುಹಿಸುವ ಮೂಲಕ ಮೋಸದ ಬ್ಯಾಂಕ್‌ಗಳು ಗ್ರಾಹಕರನ್ನು ಗುರಿಯಾಗಿಸಿಕೊಳ್ಳುತ್ತಿವೆ. ಗ್ರಾಹಕರು ಅಂತಹ ಆಪ್‌ಗಳನ್ನು ಎಂದಿಗೂ ಸ್ಥಾಪಿಸಬಾರದು ಎಂದು ರಿಸರ್ವ್ ಬ್ಯಾಂಕ್ (Reserve Bank) ಗ್ರಾಹಕರಿಗೆ ಎಚ್ಚರಿಕೆ ನೀಡಿದೆ.

KYC ನವೀಕರಣದಿಂದ ಸುತ್ತೋಲೆ ಬರುತ್ತದೆ:
ರಿಸರ್ವ್ ಬ್ಯಾಂಕ್ ಪ್ರಕಾರ, ಯಾವುದೇ ನಿಯಂತ್ರಕ ಸಂಸ್ಥೆಯು ಕೆವೈಸಿ ನವೀಕರಣವನ್ನು ಮಾಡಬೇಕಾದರೆ, ಅದನ್ನು ಏಕಕಾಲದಲ್ಲಿ ದೊಡ್ಡ ಪ್ರಮಾಣದಲ್ಲಿ ಮಾಡಲಾಗುತ್ತದೆ. ಅಲ್ಲದೆ, ಪ್ರಕ್ರಿಯೆ ಆರಂಭಿಸುವ ಮುನ್ನ ಸುತ್ತೋಲೆ ಹೊರಡಿಸಲಾಗುತ್ತದೆ. ಇತ್ತೀಚೆಗೆ ಇಂತಹ ಸುತ್ತೋಲೆಯನ್ನು 10 ಮೇ 2021 ರಂದು ಹೊರಡಿಸಲಾಯಿತು. ಅದೇ ಸಮಯದಲ್ಲಿ, 5 ಮೇ 2021 ರಂದು ಹೊರಡಿಸಿದ ಸುತ್ತೋಲೆಯಲ್ಲಿ ಕೆವೈಸಿ ನವೀಕರಣದ ಪ್ರಕ್ರಿಯೆಯಲ್ಲಿ, ಗ್ರಾಹಕರ ಬ್ಯಾಂಕ್ ಖಾತೆಗಳು 31 ಡಿಸೆಂಬರ್ 2021 ರವರೆಗೆ ಸಕ್ರಿಯವಾಗಿರುತ್ತವೆ ಎಂದು ಸ್ಪಷ್ಟಪಡಿಸಲಾಗಿದೆ. ಇದನ್ನು ಹೊರತುಪಡಿಸಿ, ನಿಯಂತ್ರಕರು, ಜಾರಿಗೊಳಿಸುವ ಏಜೆನ್ಸಿಗಳು ಅಥವಾ ನ್ಯಾಯಾಲಯ ಮಾತ್ರ ಯಾವುದೇ ಸಮಯದಲ್ಲಿ KYC ಅಪ್‌ಡೇಟ್‌ಗೆ ಆದೇಶಿಸಬಹುದು.

ಇದನ್ನೂ ಓದಿ- WhatsAppನಲ್ಲಿನ ಹೊಸ ಹಗರಣವು ನಿಮ್ಮ ಬ್ಯಾಂಕ್ ಖಾತೆಯನ್ನೇ ಖಾಲಿ ಮಾಡುತ್ತೆ ಹುಷಾರ್!

ವಂಚನೆಯನ್ನು ತಪ್ಪಿಸಲು ಗ್ರಾಹಕರು ಏನು ಮಾಡಬೇಕು?
ಅನಧಿಕೃತ ಆಪ್‌ಗಳ ಬಳಕೆಯಿಂದ ನಿಮ್ಮ ಬ್ಯಾಂಕ್ ಖಾತೆಯನ್ನು ರಿಸರ್ವ್ ಬ್ಯಾಂಕ್ ಫ್ರೀಜ್ ಮಾಡಬಹುದು, ನಿರ್ಬಂಧಿಸಬಹುದು ಅಥವಾ ಮುಚ್ಚಬಹುದು. ಗ್ರಾಹಕರು ತಮ್ಮ ವೈಯಕ್ತಿಕ ಮಾಹಿತಿಯನ್ನು ಹ್ಯಾಕರ್‌ಗಳೊಂದಿಗೆ ಹಂಚಿಕೊಂಡ ತಕ್ಷಣ, ಅವರು ನಿಮ್ಮ ಬ್ಯಾಂಕ್ ಖಾತೆಗೆ ಸಂಪೂರ್ಣ ಪ್ರವೇಶವನ್ನು ಪಡೆಯುತ್ತಾರೆ. ನಿಮಗೆ ಅಂತಹ ಯಾವುದೇ ಕರೆ ಅಥವಾ ಎಸ್‌ಎಂಎಸ್ ಬಂದರೆ, ನೀವು ಆರ್‌ಬಿಐ ನಿಗದಿಪಡಿಸಿದ ವಿಧಾನವನ್ನು ಅನುಸರಿಸಬೇಕು. ರಿಸರ್ವ್ ಬ್ಯಾಂಕ್ ಹೇಳುವಂತೆ ಅಂತಹ ಯಾವುದೇ ಸಂವಹನದ ಬಗ್ಗೆ  ಗ್ರಾಹಕರು ತಕ್ಷಣವೇ ಬ್ಯಾಂಕ್ ಅಥವಾ ಅದರ ಶಾಖೆಯನ್ನು ಸಂಪರ್ಕಿಸಬೇಕು.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು TwitterFacebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.

More Stories

Trending News