Google Payನಿಂದ ಹಣ ವರ್ಗಾವಣೆಗೆ ಶುಲ್ಕ ವಿಧಿಸಲಾಗುತ್ತದೆಯೇ? ಇದು ಎಷ್ಟು ಸತ್ಯ..!

ನವದೆಹಲಿ: ಗೂಗಲ್ ಪೇ ಬಳಸುವ ಬಳಕೆದಾರರಲ್ಲಿ ಇತ್ತೀಚಿನ ದಿನಗಳಲ್ಲಿ 2021 ರಿಂದ ಹಣ ವರ್ಗಾವಣೆಗೆ ಶುಲ್ಕವನ್ನು ಪಾವತಿಸಬೇಕಾಗಿದೆ ಎಂಬ ಸುದ್ದಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಈ ಸುದ್ದಿಯಂತೂ ನಿಜ. ಆದರೆ ನೀವು ಶುಲ್ಕ ಪಾವತಿಸಬೇಕಾಗಿಲ್ಲ.

ಹೌದು ಗೂಗಲ್ ಪೇನಲ್ಲಿ ಹಣ ವರ್ಗಾವಣೆಗಾಗಿ ಗ್ರಾಹಕರು 2021 ರಿಂದ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಆದರೆ ಅಮೆರಿಕದ ಬಳಕೆದಾರರಿಗೆ ಮಾತ್ರ ಈ ನಿಯಮ ಅನ್ವಯಿಸುತ್ತದೆ. ಭಾರತದ ಬಳಕೆದಾರರಿಗೆ ಅಲ್ಲ. ಭಾರತದಲ್ಲಿ ಬಳಕೆದಾರರು ಹಣ ವರ್ಗಾವಣೆಗೆ ಯಾವುದೇ ಶುಲ್ಕವನ್ನು ಪಾವತಿಸಬೇಕಾಗಿಲ್ಲ, ಇದು ಯುಎಸ್ ಪ್ಲಾಟ್‌ಫಾರ್ಮ್‌ನಲ್ಲಿ ಹಣ ವರ್ಗಾವಣೆಗೆ ಮಾತ್ರ ಎಂದು ಗೂಗಲ್ (Google) ಕೆಲವು ದಿನಗಳ ಹಿಂದೆ ನೀಡಿದ ವರದಿಯಲ್ಲಿ ಸ್ಪಷ್ಟಪಡಿಸಿದೆ.

Google Pay) ಅಪ್ಲಿಕೇಶನ್ ಅನ್ನು ಪ್ರಾರಂಭಿಸುವುದಾಗಿ ಘೋಷಿಸಿದೆ, ಹೀಗಾಗಿ ಬಳಕೆದಾರರು ಇನ್ನು ಮುಂದೆ ವೆಬ್ ಬ್ರೌಸರ್ನಲ್ಲಿ ಸೇವೆಯನ್ನು ಬಳಸಲು ಸಾಧ್ಯವಾಗುವುದಿಲ್ಲ.

ಶುಲ್ಕ 1.5% ವರೆಗೆ ಇರುತ್ತದೆ:
ನಿಮ್ಮ ಬ್ಯಾಂಕ್ ಖಾತೆಯಿಂದ ನೀವು ಹಣವನ್ನು ವರ್ಗಾಯಿಸಿದಾಗ ಹಣ ಸಂದಾಯವಾಗಲು 1-3 ದಿನಗಳನ್ನು ತೆಗೆದುಕೊಳ್ಳುತ್ತದೆ, ಡೆಬಿಟ್ ಕಾರ್ಡ್‌ನೊಂದಿಗೆ ತಕ್ಷಣವೇ ಪಾವತಿ ಮಾಡಲಾಗುತ್ತದೆ ಎಂದು ಕಂಪನಿ ಹೇಳಿದೆ. ಡೆಬಿಟ್ ಕಾರ್ಡ್‌ (Debit Card)ನೊಂದಿಗೆ ಹಣವನ್ನು ವರ್ಗಾಯಿಸಲು ಇದು 1.5% ನಿಂದ  3.1 % ವರೆಗೆ ಶುಲ್ಕ ವಿಧಿಸುತ್ತದೆ ಎಂದು ಹೇಳಲಾಗಿದೆ. ತ್ವರಿತ ಹಣ ವರ್ಗಾವಣೆಗೆ ಗೂಗಲ್ ಪೇ ಸಹ ಶುಲ್ಕ ವಿಧಿಸುತ್ತದೆ ಎಂದು ವರದಿಗಳು ತಿಳಿಸಿವೆ. 

ಸೆಪ್ಟೆಂಬರ್ 2019 ರ ಹೊತ್ತಿಗೆ ಗೂಗಲ್ ಪೇ ಭಾರತದಲ್ಲಿ 67 ಮಿಲಿಯನ್ ಬಳಕೆದಾರರನ್ನು ಹೊಂದಿದ್ದು ವಾರ್ಷಿಕ ಒಟ್ಟು ಪಾವತಿ ಮೌಲ್ಯ $ 110 ಬಿಲಿಯನ್. ಜೂನ್ 2020 ರಲ್ಲಿ ಗೂಗಲ್ ಪೇ ಫಾರ್ ಬಿಸಿನೆಸ್ 3 ದಶಲಕ್ಷಕ್ಕೂ ಹೆಚ್ಚು ವ್ಯಾಪಾರಿಗಳನ್ನು ಘೋಷಿಸಿತು.