Ola E Scooter: ಓಲಾ ಇ ಸ್ಕೂಟರ್‌ನ ಮುಂದಿನ ಬುಕಿಂಗ್ ಯಾವಾಗ ಪ್ರಾರಂಭವಾಗುತ್ತೆ! ಇಲ್ಲಿದೆ ಮಾಹಿತಿ

Ola E-Scooter- ಓಲಾ ಇ-ಸ್ಕೂಟರ್ ಅನ್ನು ಬುಕ್ ಮಾಡಲು ಗ್ರಾಹಕರು ಹೆಚ್ಚು ಸಮಯ ಕಾಯಬೇಕಾಗುತ್ತದೆ. ಎಲೆಕ್ಟ್ರಿಕ್ ಸ್ಕೂಟರ್ ತಯಾರಕ ತನ್ನ ಓಲಾ ಇ-ಸ್ಕೂಟರ್‌ಗಳಾದ ಎಸ್ 1 ಮತ್ತು ಎಸ್ 1 ಪ್ರೊಗಾಗಿ ಸ್ವೀಕರಿಸಿದ ಮೊದಲ ಆರ್ಡರ್‌ಗಳ ತಯಾರಿಯಲ್ಲಿ ಪ್ರಸ್ತುತ ನಿರತವಾಗಿದೆ ಎಂದು ಹೇಳಿಕೆಯಲ್ಲಿ ತಿಳಿಸಿದೆ. ಇಂತಹ ಪರಿಸ್ಥಿತಿಯಲ್ಲಿ, ನವೆಂಬರ್ 1, 2021 ರಿಂದ ಪ್ರಾರಂಭವಾಗಬೇಕಿದ್ದ ಮುಂದಿನ ಸುತ್ತಿನ ಬುಕಿಂಗ್ ಅನ್ನು ಮುಂದೂಡಲಾಗಿದೆ ಎಂದು ಕಂಪನಿ ಮಾಹಿತಿ ನೀಡಿದೆ.

ಓಲಾ ಇ-ಸ್ಕೂಟರ್ (Ola E-Scooter) S1 ಮತ್ತು S1 Pro ಗಾಗಿ ಮುಂದಿನ ಸುತ್ತಿನ ಬುಕಿಂಗ್‌ಗಳು ಗ್ರಾಹಕರಿಗೆ ಡಿಸೆಂಬರ್ 16 ರಿಂದ ಪ್ರಾರಂಭವಾಗಲಿದೆ ಎಂದು Ola ತಿಳಿಸಿದೆ. ಈ ಮೊದಲು ಈ ಬುಕಿಂಗ್ ದೀಪಾವಳಿಯ ಮೊದಲು ನವೆಂಬರ್ 1 ರಿಂದ ಪ್ರಾರಂಭವಾಗಬೇಕಿತ್ತು.

ಇದನ್ನೂ ಓದಿ- Dhanatrayodashi 2021: ಈ ಬಾರಿಯ ಧನತ್ರಯೋದಶಿಯ ದಿನದಂದು ಶೇ.20 ಡಿಸ್ಕೌಂಟ್ ನಲ್ಲಿ ಚಿನ್ನದ ನಾಣ್ಯ ಖರೀದಿಗೆ ಅವಕಾಶ

ಈಗಾಗಲೇ ಬುಕ್ ಮಾಡಿರುವ ಗ್ರಾಹಕರಿಗೆ ಸಮಯಕ್ಕೆ ಸರಿಯಾಗಿ ಓಲ್ ಇ ಸ್ಕೂಟರ್ ಡೆಲಿವರಿ (Ola E-Scooter Delivery) ಮಾಡಲಾಗುವುದು ಎಂದು ಕಂಪನಿ ತಿಳಿಸಿದೆ. ಇದಕ್ಕೂ ಮೊದಲು, ಓಲಾ ಕಂಪನಿಯು ನವೆಂಬರ್ 10 ರಿಂದ ಓಲಾ ಇ-ಸ್ಕೂಟರ್‌ಗಳ ಉಚಿತ ಟೆಸ್ಟ್ ರೈಡ್ ಅನ್ನು ಪ್ರಾರಂಭಿಸಲಿದೆ ಎಂದು ಹೇಳಿಕೆಯಲ್ಲಿ ತಿಳಿಸಿತ್ತು. 

OLA ನ ಇ-ಸ್ಕೂಟರ್‌ಗೆ ಸಾಕಷ್ಟು ಕ್ರೇಜ್ ಇದೆ:
Ola Electric ತನ್ನ ಎರಡು ಎಲೆಕ್ಟ್ರಿಕ್ ಸ್ಕೂಟರ್ S1 ಮತ್ತು S1 Pro ಅನ್ನು ಆಗಸ್ಟ್ 15 ರಂದು ಭಾರತೀಯ ಮಾರುಕಟ್ಟೆಯಲ್ಲಿ  1 ಲಕ್ಷ ರೂ.ಗಳ ಆರಂಭಿಕ ಬೆಲೆಯೊಂದಿಗೆ ಬಿಡುಗಡೆ ಮಾಡಿತು. ಸ್ಕೂಟರ್ ಬಿಡುಗಡೆಯಾದ 1 ತಿಂಗಳ ನಂತರ ಅದರ ಬುಕಿಂಗ್ (Ola Electric Scooter Booking Date)  ಅನ್ನು ಎರಡು ದಿನಗಳವರೆಗೆ ತೆರೆಯಲಾಗಿದೆ. ಕಂಪನಿಯ ಪ್ರಕಾರ ಕೇವಲ ಎರಡು ದಿನಗಳಲ್ಲಿ 1100 ಕೋಟಿ ರೂ.ಗೂ ಹೆಚ್ಚು ಆನ್ ಲೈನ್ ವ್ಯವಹಾರ ನಡೆದಿದೆ. 

ಇದನ್ನೂ ಓದಿ- Bank Holidays : ನಾಳೆಯಿಂದ 5 ದಿನಗಳವರೆಗೆ ಬ್ಯಾಂಕ್ ರಜೆ, ಇಂದೇ ಪೂರೈಸಿಕೊಳ್ಳಿ ನಿಮ್ಮೆಲ್ಲಾ ಕೆಲಸ

ನವೆಂಬರ್ 10 ರಿಂದ ಟೆಸ್ಟ್ ಡ್ರೈವ್ ಆರಂಭ:
ಓಲಾ ಎಲೆಕ್ಟ್ರಿಕ್ ನಿರ್ದಿಷ್ಟ ಡೆಲಿವರಿ ವಿಂಡೋದಲ್ಲಿ ಸ್ಕೂಟರ್‌ಗಳನ್ನು ಹಸ್ತಾಂತರಿಸಲು ಸಿದ್ಧವಾಗಿದೆ ಮತ್ತು ಗ್ರಾಹಕರಿಗೆ ಓಲಾ ಇ-ಸ್ಕೂಟರ್‌ನ ಟೆಸ್ಟ್ ಡ್ರೈವ್ ಅನ್ನು ನವೆಂಬರ್ 10 ರಿಂದ ನೀಡಲು ಯೋಜಿಸಿದೆ. ಇ-ಸ್ಕೂಟರ್ ಎಸ್ 1 ಗಾಗಿ ಬುಕ್ ಮಾಡಿದ ಗ್ರಾಹಕರು ಟೆಸ್ಟ್ ಡ್ರೈವ್ ನಂತರವೇ ಪೂರ್ಣ ಪಾವತಿಯನ್ನು ಮಾಡಲು ಕಂಪನಿಯು ಕೇಳುತ್ತದೆ ಎಂದು ಓಲಾ ಹೇಳಿದೆ. 

ವಿತರಣೆ:
ಸ್ಕೂಟರ್‌ಗಾಗಿ ಕಾಯ್ದಿರಿಸಿದ ನಮ್ಮ ಎಲ್ಲಾ ಗ್ರಾಹಕರಿಗೆ ನಿರ್ದಿಷ್ಟ ಡೆಲಿವರಿ ವಿಂಡೋವನ್ನು ನೀಡಲಾಗಿದೆ ಮತ್ತು ಆ ವಿಂಡೋದಲ್ಲಿಯೇ ಅವರಿಗೆ ವಾಹನವನ್ನು  ವಿತರಿಸಲು ಸಿದ್ದರಿದ್ದೇವೆ ಎಂದು ಓಲಾ ಎಲೆಕ್ಟ್ರಿಕ್ ಹೇಳಿಕೆಯಲ್ಲಿ ತಿಳಿಸಿದೆ.