PM Kisan: ನೋಂದಣಿ ನಂತರವೂ ನಿಮ್ಮ ಖಾತೆಗೆ ಹಣ ಬಂದಿಲ್ಲವೇ? ಮುಂದಿನ ಕಂತಿನ ಮೊದಲು ಈ ಕೆಲಸ ಮಾಡಿ

PM Kisan Samman Nidhi: ಪಿಎಂ ಕಿಸಾನ್ ಸಮ್ಮನ್ ನಿಧಿ ಯೋಜನೆ ಅಡಿಯಲ್ಲಿ ಸರ್ಕಾರವು ಪ್ರತಿವರ್ಷ 6000 ರೂ.ಗಳನ್ನು ಅರ್ಹ ರೈತರ ಬ್ಯಾಂಕ್ ಖಾತೆಗಳಿಗೆ 3 ಕಂತುಗಳ ಮೂಲಕ ವರ್ಗಾಯಿಸುತ್ತದೆ. ಇದಕ್ಕಾಗಿ ರೈತರು ಮೊದಲು ಅರ್ಜಿ ಸಲ್ಲಿಸಿ ತಮ್ಮನ್ನು ನೋಂದಾಯಿಸಿಕೊಳ್ಳಬೇಕು. ಫಲಾನುಭವಿಯ ಹೆಸರನ್ನು ರಾಜ್ಯ / ಕೇಂದ್ರಾಡಳಿತ ಸರ್ಕಾರವು ಪಿಎಂ ಕಿಸಾನ್ ಪೋರ್ಟಲ್‌ನಲ್ಲಿ (pmkisan.gov.in) ಅಪ್‌ಲೋಡ್ ಮಾಡಿದೆ. ಆದಾಗ್ಯೂ, ಪೋರ್ಟಲ್‌ನಲ್ಲಿ ಹೆಸರನ್ನು ಅಪ್‌ಲೋಡ್ ಮಾಡಿದ ನಂತರವೂ ಪಿಎಂ ಕಿಸಾನ್ ಯೋಜನೆ ಅಡಿಯಲ್ಲಿ ನೋಂದಣಿ ಮಾಡಿದ್ದರೂ ಕೂಡ ಹಣವು ಅವರ ಖಾತೆಗೆ ತಲುಪಿರುವುದಿಲ್ಲ. ನೋಂದಣಿಯ ನಂತರವೂ ಕೊನೆಯ 1 ಅಥವಾ 2 ಕಂತುಗಳು ನಿಮ್ಮ ಖಾತೆಗೆ ಬರದಿದ್ದರೆ, ಮುಂದೆ ಏನಾಗುತ್ತದೆ ಎಂಬ ಪ್ರಶ್ನೆ ಉದ್ಭವಿಸುತ್ತದೆ. ಈ ಹಣವನ್ನು ಮುಂದಿನ ಕಂತಿನೊಂದಿಗೆ ನಿಮ್ಮ ಖಾತೆಗೆ ಸೇರಿಸಲಾಗುತ್ತದೆಯೇ ಅಥವಾ ಇಲ್ಲವೇ? ಎಂಬ ಬಗ್ಗೆ ನೀವು ಯೋಚಿಸುತ್ತಿದ್ದರೆ ಆ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ. ಮುಂದಿನ ಕಂತು ಬರುವ ಮೊದಲು ನೀವು ಈ ಕೆಲಸ ಮಾಡಿದರೆ ಹಿಂದಿನ ಕಂತುಗಳ ಮೊತ್ತವೂ ಕೂಡ ನಿಮ್ಮ ಖಾತೆಗೆ ಬರಲಿದೆ. 

ಪಿಎಂ ಕಿಸಾನ್ ಸಮ್ಮನ್ ನಿಧಿ (PM Kisan Samman Nidhi) ಯೋಜನೆ ಅಡಿಯಲ್ಲಿ ನೀವು ಎಲ್ಲಾ ಷರತ್ತುಗಳನ್ನು ಪೂರೈಸಿದರೆ, ಪ್ರಯೋಜನಗಳನ್ನು ಪಡೆಯಲು ಅರ್ಹರಾಗಿದ್ದರೆ ಮತ್ತು ನಿಮ್ಮ ಹೆಸರನ್ನು ಪಿಎಂ ಕಿಸಾನ್ ಪೋರ್ಟಲ್‌ನಲ್ಲಿ ಅಪ್‌ಲೋಡ್ ಮಾಡಲಾಗಿದ್ದರೂ ಹಲವು ಸಂದರ್ಭಗಳಲ್ಲಿ ನೀವು ನೀಡಿದ ಅಪ್ಲಿಕೇಶನ್‌ನಲ್ಲಿ ಕೆಲವು ಕೊರತೆ ಇರಬಹುದು, ಇದರಿಂದಾಗಿ ಕಂತು ನಿಮ್ಮ ಖಾತೆಗೆ ಬರದೇ ಇರಬಹುದು. ಅರ್ಜಿ ಸಲ್ಲಿಸುವಾಗ ನಿಮ್ಮ ಹೆಸರಿನಲ್ಲಿ ಏನಾದರೂ ತಪ್ಪು ಇದ್ದರೂ, ತಪ್ಪಾದ ಬ್ಯಾಂಕ್ ಖಾತೆ ಮಾಹಿತಿ, ಐಎಫ್‌ಎಸ್‌ಸಿ ಕೋಡ್, ಹಳ್ಳಿಯ ಹೆಸರು ಅಥವಾ ನಿಮ್ಮ ವಿಳಾಸ ತಪ್ಪಾಗಿದ್ದರೂ ಸಹ, ಈ ಕಂತು ನಿಮ್ಮ ಖಾತೆಗೆ ಬರದಿರಬಹುದು. ಅದಕ್ಕಾಗಿ ಮೊದಲು ನೋಂದಣಿಯಲ್ಲಿ ಏನು ತಪ್ಪಾಗಿದೆ ಎಂದು ನೀವು ನೋಡಬೇಕು.

ಇದನ್ನೂ ಓದಿ- PM Kisan Scheme Mobile App: ಪಿಎಂ ಕಿಸಾನ್ ಸ್ಟೇಟಸ್ ಅನ್ನು ಈ ರೀತಿ ಪರಿಶೀಲಿಸಬಹುದು

ತಪ್ಪನ್ನು ಹೇಗೆ ಸರಿಪಡಿಸುವುದು?
ಇದಕ್ಕಾಗಿ ನೀವು  ಪಿಎಂ ಕಿಸಾನ್ (PM Kisan) ಅವರ ಅಧಿಕೃತ ವೆಬ್‌ಸೈಟ್‌ಗೆ ಹೋಗಬೇಕು, pmkisan.gov.in. ಅಲ್ಲಿ ರೈತ ಕಾರ್ನರ್ ಕ್ಲಿಕ್ ಮಾಡಿದ ನಂತರ, ಫಲಾನುಭವಿ ಸ್ಥಿತಿಗೆ ಹೋಗಿ. ಹೊಸ ವಿಂಡೋದಲ್ಲಿ, ಆಧಾರ್ (Aadhaar) ಸಂಖ್ಯೆ, ಖಾತೆ ಸಂಖ್ಯೆ ಮತ್ತು ಫೋನ್ ಸಂಖ್ಯೆಯೊಂದಿಗೆ ನಿಮ್ಮ ಸಂಪೂರ್ಣ ವಿವರಗಳನ್ನು ನೀವು ನೋಡುತ್ತೀರಿ. ಅದರಲ್ಲಿರುವ ಎಲ್ಲಾ ಮಾಹಿತಿಗಳು ಸರಿಯಾಗಿದೆಯೇ ಎಂದು ಸರಿಯಾಗಿ ಪರಿಶೀಲಿಸಿ. ಏನಾದರೂ ತಪ್ಪಾಗಿದ್ದರೆ ಅಥವಾ ಅಗತ್ಯವಿರುವ ಯಾವುದೇ ಡಾಕ್ಯುಮೆಂಟ್ ಅನ್ನು ಅಪ್‌ಲೋಡ್ ಮಾಡದಿದ್ದರೆ ಈ ಕಾರ್ಯವನ್ನು ಪೂರ್ಣಗೊಳಿಸಿ. ತಪ್ಪನ್ನು ಸರಿಪಡಿಸಿದ ನಂತರ, ಬಾಕಿ ಇರುವ ಕಂತು ಸಹ ನಿಮ್ಮ ಖಾತೆಯಲ್ಲಿ ಬರಲು ಪ್ರಾರಂಭಿಸುತ್ತದೆ.

ಯಾರು ಲಾಭ ಪಡೆಯುವುದಿಲ್ಲ?
ಒಬ್ಬ ರೈತ ಅಥವಾ ಕುಟುಂಬದಲ್ಲಿ ಯಾರಾದರೂ ಸಾಂವಿಧಾನಿಕ ಹುದ್ದೆಯಲ್ಲಿದ್ದರೆ ಅವರಿಗೆ ಲಾಭ ಸಿಗುವುದಿಲ್ಲ. ಆದಾಯ ತೆರಿಗೆ ಪಾವತಿಸುವ ವೃತ್ತಿಪರರನ್ನು ಸಹ ಯೋಜನೆಯ ವ್ಯಾಪ್ತಿಯಿಂದ ಹೊರಗಿಡಲಾಗಿದೆ. ವೈದ್ಯರು, ಎಂಜಿನಿಯರ್‌ಗಳು, ಸಿಎಗಳು, ವಾಸ್ತುಶಿಲ್ಪಿಗಳು ಮತ್ತು ವಕೀಲರಂತಹ ವೃತ್ತಿಪರರು ಕೃಷಿ ಮಾಡಿದರೂ ಸಹ ಯೋಜನೆಯ ಲಾಭವನ್ನು ಪಡೆಯುವುದಿಲ್ಲ.

ಇದನ್ನೂ ಓದಿ- PM Kisan: ಜೂನ್ 30ರೊಳಗೆ ಈ ಸ್ಕೀಮ್ ಗೆ ಅಪ್ಪ್ಲೈ ಮಾಡಿ ಡಬಲ್ ಲಾಭ ಪಡೆಯಿರಿ

ಸೇವೆ / ನಿವೃತ್ತ ಅಧಿಕಾರಿಗಳು ಮತ್ತು ರಾಜ್ಯ / ಕೇಂದ್ರ ಸರ್ಕಾರದ ನೌಕರರು ಮತ್ತು ಪಿಎಸ್ಯುಗಳು ಮತ್ತು ಸರ್ಕಾರಿ ಸ್ವಾಯತ್ತ ಸಂಸ್ಥೆಗಳ ವ್ಯಾಪ್ತಿಯನ್ನು ಈ ಯೋಜನೆಯ ವ್ಯಾಪ್ತಿಗೆ ಒಳಪಡಿಸುವುದಿಲ್ಲ.

ಒಬ್ಬ ರೈತ ಕೃಷಿ ಮಾಡಿದರೂ ಆ ಹೊಲ ಅವನ ಹೆಸರಿನಲ್ಲಿಲ್ಲ ಆದರೆ ಅವನ ತಂದೆ ಅಥವಾ ಅಜ್ಜನ ಹೆಸರಿನಲ್ಲಿ ಇದ್ದರೆ ಅವನಿಗೆ ವಾರ್ಷಿಕವಾಗಿ 6000 ರೂ.ಗಳ ಲಾಭ ದೊರೆಯುವುದಿಲ್ಲ.