Post Office Scheme: ಕೇವಲ 299 ಪಾವತಿಸಿ 10 ಲಕ್ಷ ರೂ.ಗಳ ಲಾಭ ಪಡೆಯಿರಿ

Post Office Scheme: ಜೀವನದಲ್ಲಿ ವಿಮಾ ಪಾಲಸಿ ತುಂಬಾ ಮುಖ್ಯವಾಗಿದೆ. ಯಾವುದೇ ಸಮಯದಲ್ಲಿ ಯಾವುದೇ ಅಪಘಾತ ಸಂಭವಿಸುವ ಸಾಧ್ಯತೆ ಇದೆ. ಹೀಗಾಗಿ ಅದಕ್ಕೆ ಮೊದಲಿನಿಂದಲೇ ಸಿದ್ಧತೆ ಮಾಡಿ ಇಟ್ಟುಕೊಳ್ಳುವುದು ಯಾವುದಕ್ಕೂ ಉತ್ತಮ. ಹೀಗಿರುವಾಗ ಪ್ರತಿಯೊಬ್ಬರೂ ವಿಮಾ ಪಾಲಸಿ ಮಾಡಿಸಿ ಇರಿಸಿಕೊಳ್ಳುವುದು ತುಂಬಾ ಮುಖ್ಯ. ಇದು ಅಪಘಾತದ ಸಂದರ್ಭದಲ್ಲಿ ಚಿಕಿತ್ಸೆಯ ವೆಚ್ಚವನ್ನು ಸಹ ಒಳಗೊಂಡಿರುತ್ತದೆ ಮತ್ತು ಸಾವು ಅಥವಾ ಅಂಗವೈಕಲ್ಯ ಸಂಭವಿಸಿದ ಸಂದರ್ಭದಲ್ಲಿ ಕ್ಲೇಮ್ ನೀಡುತ್ತದೆ. ಇಂದಿಗೂ ಕೂಡ ಭಾರತದಲ್ಲಿ ಹಲವು ಜನರು ವಿಮಾ ಪಾಲಸಿಯನ್ನು ತೆಗೆದುಕೊಳ್ಳುವುದಿಲ್ಲ. ಇದಕ್ಕೆ ಒಂದು ಕಾರಣ ಎಂದರೆ ವಿಮಾ ಕಂತುಗಳ ವೆಚ್ಚ. ಇದನ್ನೇ ಗಮನದಲ್ಲಿಟ್ಟುಕೊಂಡು ಭಾರತೀಯ ಅಂಚೆ ಇಲಾಖೆ ಗ್ರೂಪ್ ಆಕ್ಸಿಡೆಂಟ್ ಪ್ರೊಟೆಕ್ಷನ್ ಇನ್ಸುರನ್ಸ್ ಪಾಲಸಿಯನ್ನು ರೂಪಿಸಿದೆ.

ಈ ಪಾಲಿಸಿಯಲ್ಲಿ, ಒಬ್ಬ ವ್ಯಕ್ತಿಯು ಕೇವಲ ರೂ.299 ಮತ್ತು ರೂ.399 ಪ್ರೀಮಿಯಂ ಪಾವತಿಸುವ ಮೂಲಕ 10 ಲಕ್ಷ ರೂಪಾಯಿಗಳ ವಿಮಾ ರಕ್ಷಣೆಯನ್ನು ಪಡೆಯಬಹುದು. ಪ್ರತಿ ವರ್ಷ ವಿಮಾ ಪಾಲಿಸಿಯನ್ನು ನವೀಕರಿಸುವುದು ಅವಶ್ಯಕ ಮತ್ತು ಇದಕ್ಕಾಗಿ ಇಂಡಿಯಾ ಪೋಸ್ಟ್ ಪೇಮೆಂಟ್ಸ್ ಬ್ಯಾಂಕ್‌ನಲ್ಲಿ ಖಾತೆಯನ್ನು ಹೊಂದಿರುವುದು ಸಹ ಅಗತ್ಯವಾಗಿದೆ. ವಿಮಾ ಪಾಲಿಸಿಯಲ್ಲಿ, ಪಾಲಿಸಿದಾರರಿಗೆ ಆಕಸ್ಮಿಕವಾಗಿ ಗಾಯವಾದರೆ ಐಪಿಡಿ ವೆಚ್ಚಕ್ಕೆ 60 ಸಾವಿರ ಮತ್ತು ಒಪಿಡಿಗೆ 30 ಸಾವಿರ ನೀಡಲಾಗುತ್ತದೆ.

ಇದನ್ನೂ ಓದಿ-FD Rate: ಸ್ಥಿರ ಠೇವಣಿಗಳ ಮೇಲೆ ಈ ಹಣಕಾಸು ಸಂಸ್ಥೆಗಳಿಂದ ಶೇ.8.75ರಷ್ಟು ಬಡ್ಡಿ ಪಾವತಿ!

ಸಿಗುವ ಲಾಭಗಳೇನು?
ಭಾರತೀಯ ಅಂಚೆ ಇಲಾಖೆಯು ಟಾಟಾ AIG ಸಹಯೋಗದೊಂದಿಗೆ ಈ ಅಪಘಾತ ವಿಮಾ ಪಾಲಿಸಿಯನ್ನು ಜಾರಿಗೆ ತಂದಿದೆ. ಇದು ಎರಡು ಯೋಜನೆಗಳನ್ನು ಹೊಂದಿದೆ. ಒಂದರಲ್ಲಿ, ನೀವು ವಾರ್ಷಿಕವಾಗಿ ರೂ 299 ಪ್ರೀಮಿಯಂ ಪಾವತಿಸಬೇಕು ಮತ್ತು ಇನ್ನೊಂದು ಯೋಜನೆಯಲ್ಲಿ ನೀವು ರೂ 399 ಪಾವತಿಸಬೇಕು. ಒಬ್ಬ ವ್ಯಕ್ತಿಯು 299 ರೂಪಾಯಿಯ ಯೋಜನೆಯನ್ನು ಆರಿಸಿಕೊಂಡರೆ, ಅವನು 10 ಲಕ್ಷ ರೂಪಾಯಿಗಳ ವಿಮಾ ರಕ್ಷಣೆಯನ್ನು ಪಡೆಯುತ್ತಾನೆ. ವಿಮಾದಾರನು ಅಪಘಾತಕ್ಕೆ ಗುರಿಯಾದರೆ, ಈ ಪಾಲಿಸಿಯಲ್ಲಿ ಅವನು ಆಸ್ಪತ್ರೆಯ ವೆಚ್ಚವನ್ನು ಪಡೆಯುತ್ತಾನೆ. ಆಸ್ಪತ್ರೆಯ ಚಿಕಿತ್ಸೆಯ ಸಮಯದಲ್ಲಿ, ರೂ 60,000 ವರೆಗಿನ ಐಪಿಡಿ ವೆಚ್ಚ ಮತ್ತು ರೂ 30,000 ವರೆಗಿನ ಒಪಿಡಿ ಕ್ಲೈಮ್ ಅನ್ನು ನೀಡಲಾಗುತ್ತದೆ.

ಇದನ್ನೂ ಓದಿ-Vegetable Price Today: ಮತ್ತೆ ಹೆಚ್ಚಳವಾಯ್ತೇ ಪ್ರಮುಖ ತರಕಾರಿಗಳ ದರ? ಹೀಗಿದೆ ನೋಡಿ ಬೆಲೆಯ ವಿವರ

ಮೃತ್ಯು ಸಂಭವಿಸಿದ ಸಂದರ್ಭದಲ್ಲಿ ಅವಲಂಬಿತರಿಗೆ 10 ಲಕ್ಷ ಸಿಗುತ್ತದೆ
ಆಕಸ್ಮಿಕ ಮರಣ ಸಂಭವಿಸಿದಲ್ಲಿ ಅವಲಂಬಿತರಿಗೆ 10 ಲಕ್ಷ ರೂ. ಪಾವತಿಸಲಾಗುತ್ತದೆ. ಅಷ್ಟೇ ಅಲ್ಲ, ವಿಮಾದಾರರು ಸಂಪೂರ್ಣ ಅಂಗವಿಕಲನಾದರೆ 10 ಲಕ್ಷ ರೂ. ನೀಡಲಾಗುತ್ತದೆ.  ಭಾಗಶಃ ಅಂಗವೈಕಲ್ಯವಿದ್ದಲ್ಲಿಯೂ ಕೂಡ 10 ಲಕ್ಷ ರೂ. ಪಾವತಿಸಲಾಗುತ್ತದೆ ವಿಮಾದಾರನ ಮರಣದ ನಂತರ, ಅವಲಂಬಿತರಿಗೆ ಅಂತಿಮ ವಿಧಿಗಳಿಗಾಗಿ 5,000 ರೂ. ನೆರವು ಒದಗಿಸಲಾಗುತ್ತದೆ. ವಿಮೆದಾರರ ಅವಲಂಬಿತರು ಬೇರೆ ನಗರದಲ್ಲಿ ವಾಸಿಸುತ್ತಿದ್ದರೆ, ಅಲ್ಲಿಂದ ಪ್ರಯಾಣಿಸುವ ವೆಚ್ಚವನ್ನು ಸಹ ಈ ಪಾಲಿಸಿಒಳಗೊಂಡಿದೆ. ಇದಲ್ಲದೆ ರೂ 399 ರ ಯೋಜನೆಯಲ್ಲಿ, ಮೇಲಿನ ಎಲ್ಲಾ ಕ್ಲೈಮ್‌ಗಳು ಲಭ್ಯವಿವೆ, ಇದರ ಹೊರತಾಗಿ ಅವಲಂಬಿತರ 2 ಮಕ್ಕಳ ಶಿಕ್ಷಣಕ್ಕಾಗಿ ರೂ 1 ಲಕ್ಷ ವೆಚ್ಚವನ್ನು ಸಹ ನೀಡಲಾಗುತ್ತದೆ.

ಇದನ್ನೂ ನೋಡಿ-