Women`s Day 2022: ಮಹಿಳೆಯರ ಪರವಾಗಿ ಎಲ್ಲಾ ಕಂಪನಿಗಳಿಗೆ ಮನವಿ ಮಾಡಿದ EPFO, ಈ ಚಿಕ್ಕ ಕೆಲಸ ಮಾಡಿ, ಸಿಗಲಿದೆ ದೊಡ್ಡ ಲಾಭ

ನವದೆಹಲಿ: EPFO Latest News - ಇಂದು ಅಂತರಾಷ್ಟ್ರೀಯ ಮಹಿಳಾ ದಿನ (International Women's Day). ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಮಹತ್ವದ ಘೋಷಣೆ ಮಾಡಿದೆ. EPFO ಎಲ್ಲಾ ಕಂಪನಿಗಳನ್ನು ತಮ್ಮ ಮಹಿಳಾ ಉದ್ಯೋಗಿಗಳಿಗೆ ಶೇ. 100ರಷ್ಟು ಇ-ನಾಮನಿರ್ದೇಶನ ಸೌಲಭ್ಯವನ್ನು ಒದಗಿಸುವಂತೆ ಕೇಳಿಕೊಂಡಿದೆ, ಇದರಿಂದ ಅವರನ್ನು ಮಹಿಳಾ ದಿನದಂದು ಗುರುತಿಸಬಹುದು ಮತ್ತು ಗೌರವಿಸಬಹುದು ಎಂದು ಅದು ಹೇಳಿದೆ.

EPFO e-Nomination ಅನಿವಾರ್ಯ
EPFO ನಾಮಿನಿಯ ಮಾಹಿತಿಯನ್ನು ಒದಗಿಸಲು ಇ-ನಾಮನಿರ್ದೇಶನದ ಸೌಲಭ್ಯವನ್ನು ಸಹ ಒದಗಿಸುತ್ತಿದೆ. ಇದರಲ್ಲಿ ನಾಮನಿರ್ದೇಶನ ಮಾಡದವರಿಗೆ ಅವಕಾಶ ಕಲ್ಪಿಸಲಾಗುತ್ತಿದೆ. ನಾಮಿನಿಯ ಹೆಸರು, ಜನ್ಮ ದಿನಾಂಕದಂತಹ ಮಾಹಿತಿಯನ್ನು ಆನ್‌ಲೈನ್‌ನಲ್ಲಿ ಅಪ್ಡೇಟ್ ಮಾಡಬೇಕು. EPF ಖಾತೆದಾರರು ಇ-ನಾಮನಿರ್ದೇಶನ (EPF/EPS nomination) ಮಾಡಬೇಕು ಎಂದು EPFO ​​ತನ್ನ ತಿಳಿಸಿದೆ. ಇದರಿಂದ, ಖಾತೆದಾರರ ಮರಣದ ಸಂದರ್ಭದಲ್ಲಿ PF, ಪಿಂಚಣಿ (EPS) ಮತ್ತು ವಿಮೆ (EDLI) ಗೆ ಸಂಬಂಧಿಸಿದ ಹಣವನ್ನು ಹಿಂಪಡೆಯಲು ನಾಮಿನಿ / ಕುಟುಂಬದ ಸದಸ್ಯರಿಗೆ ಸಹಾಯವಾಗಲಿದೆ. ಇದರೊಂದಿಗೆ, ನಾಮಿನಿ ಆನ್‌ಲೈನ್‌ನಲ್ಲಿಯೂ ಕೂಡ ಕ್ಲೈಮ್ ಮಾಡಬಹುದು.

ಇದನ್ನೂ ಓದಿ-08-03-2022 Today Gold Price:ಆಭರಣ ಪ್ರಿಯರಿಗೆ ಬ್ಯಾಡ್ ನ್ಯೂಸ್.. ಚಿನ್ನ-ಬೆಳ್ಳಿ ದರದಲ್ಲಿ ಮತ್ತೆ ಏರಿಕೆ

ಈ ಕುರಿತು ಟ್ವೀಟ್ ಮಾಡಿರುವ EPFO, "ಡಿಸೆಂಬರ್ 2021 ಮತ್ತು ಜನವರಿ 2022ಕ್ಕೆ ಇ-ನಾಮನಿರ್ದೇಶನ ಮಾಡಲು ಸಾಧ್ಯವಾಗದ ಕಂಪನಿಗಳು ಈ 'ಘೋಷಣೆ'ಗೆ ಅರ್ಹವಾಗಿವೆ ಎಂದು ಹೇಳಿದೆ. ಅಂತರಾಷ್ಟ್ರೀಯ ಮಹಿಳಾ ದಿನದಂದು, ಇ-ನಾಮನಿರ್ದೇಶನವನ್ನು ಸಲ್ಲಿಸಲು, ಅವರ ಕುಟುಂಬಗಳಿಗೆ ಅಧಿಕಾರ ನೀಡಲು ಮತ್ತು ಸಾಮಾಜಿಕ ಭದ್ರತೆಗೆ ಭರವಸೆ ನೀಡಲು ನಾವು ಮನವಿ ಮಾಡುತ್ತೇವೆ" ಎಂದು ಹೇಳಿದೆ.

ಇದನ್ನೂ ಓದಿ-CNG Price Hike: ಪೆಟ್ರೋಲ್‌ಗಿಂತ ಮೊದಲು ಸಿಎನ್‌ಜಿ ದರ ಏರಿಕೆ, ನಾಳೆಯಿಂದ ಮತ್ತಷ್ಟು ದುಬಾರಿ!

EPFO ಸದಸ್ಯರು, ಎಂಪ್ಲಾಯಿ ಡೆಪಾಸಿಟ್ ಲಿಂಕ್ಡ್ ಇನ್ಸುರೆನ್ಸ್ (EDLI Insurance Cover) ಅಡಿಯಲ್ಲಿ ವಿಮಾ ರಕ್ಷಣೆಯ ಸೌಲಭ್ಯವನ್ನು ಕೂಡ ಪಡೆಯುತ್ತಾರೆ. ಈ ಯೋಜನೆಯಲ್ಲಿ, ನಾಮಿನಿಗೆ ಗರಿಷ್ಠ ರೂ 7 ಲಕ್ಷ ವಿಮಾ ರಕ್ಷಣಾ ಪಾವತಿಸಲಾಗುತ್ತದೆ. ಯಾವುದೇ ನಾಮನಿರ್ದೇಶನವಿಲ್ಲದೆ ಸದಸ್ಯರು ಮರಣಹೊಂದಿದರೆ, ನಂತರ ಹಕ್ಕು ಪ್ರಕ್ರಿಯೆಯಲ್ಲಿ ತೊಂದರೆಗಳು ಎದುರಾಗುತ್ತವೆ. ಹಾಗಾದರೆ ಆನ್‌ಲೈನ್‌ನಲ್ಲಿ ನಾಮಿನೇಷನ್ ಭರ್ತಿ ಮಾಡಲು ಮರೆಯಬೇಡಿ ಎಂದು EPFO ಹೇಳಿದೆ.