Ramya Cine Journey: ರಮ್ಯಾ ಸಿನಿ ಪಯಣಕ್ಕೆ 20 ವರ್ಷ, ಏಳು ಬೀಳಿನ ನಡುವೆಯೂ ಇವರೇ ʻಸ್ಯಾಂಡಲ್​ವುಡ್ ಕ್ವೀನ್ʼ

Ramya Cine Journey: ನಟಿ ರಮ್ಯಾ ಸಿನಿ ಜರ್ನಿಗೆ ಇಪ್ಪತ್ತು ವರ್ಷ. 2 ದಶಕ ಕಳೆದರೂ ಈಗಲೂ ಸಕ್ರಿಯವಾಗಿ ಸಿನಿಮಾಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಹಂಚಿಕೊಂಡಿರುವ ನಟಿ ರಮ್ಯಾ, ಸದಾವಕಾಶ ಕೊಟ್ಟ ದೊಡ್ಮನೆ ಹಾಗೂ ಮೊದಲ ನಾಯಕರಾದ ಪುನೀತ್ ಅವರನ್ನು ನೆನದು, ಕೃತಜ್ಞತೆ ಸಲ್ಲಿಸಿದ್ದಾರೆ. 

20 ವರ್ಷದ ಹಿಂದೆ ಪುನೀತ್‌ ರಾಜ್‌ಕುಮಾರ್‌ ಜೊತೆ ನಾಯಕಿಯಾಗಿ ಅಭಿ ಸಿನಿಮಾ ಮೂಲಕ ರಮ್ಯಾ ಸಿನಿ ಪಯಣ ಆರಂಭಿಸಿದರು. ರಾಜ್‌ಕುಮಾರ್ ಕುಟುಂಬದ ಪೂರ್ಣಿಮಾ ಎಂಟರ್ಪ್ರೈಸಸ್ ಮೂಲಕ ಈ ಸಿನಿಮಾವನ್ನು ಪಾರ್ವತಮ್ಮ ರಾಜ್‌ಕುಮಾರ್ ನಿರ್ಮಿಸಿದ್ದರು. ನಾಯಕಿಯಾಗಿ ನಟಿಸಿದ ಮೊದಲ ಸಿನಿಮಾದಲ್ಲಿಯೇ ರಮ್ಯಾ  ಎಲ್ಲರ ಗಮನ ಸೆಳೆದಿದ್ದರು. ಆ ಬಳಿಕ ಒಂದೊಂದೇ ಮೆಟ್ಟಿಲೇರುತ್ತ ಚಂದನವನದ ಟಾಪ್ ನಟಿಯಾಗಿ ಗುರುತಿಸಿಕೊಂಡರು. ಸ್ಯಾಂಡಲ್‌ವುಡ್‌ ಕ್ವೀನ್‌ ರಮ್ಯಾ ಈವೆರೆಗೆ ನೂರಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿರುವುದು ಗಮನಾರ್ಹ. ಕನ್ನಡ, ತೆಲುಗು, ತಮಿಳು ಚಿತ್ರರಂಗದಲ್ಲಿ ಸ್ಟಾರ್ ನಟರ ಜೊತೆ ಸ್ಕ್ರೀನ್‌ ಶೇರ್‌ ಮಾಡಿದ್ದಾರೆ.

ಇದನ್ನೂ ಓದಿ: ಅಭಿ ಸಿನಿಮಾಗೆ 20 ವರ್ಷ! ಅಪ್ಪು ನೆನೆದು ರಮ್ಯಾ ಭಾವುಕ ಪೋಸ್ಟ್