ಅನುಷ್ಕಾ ಅಲ್ಲ…“ನಾನು ಆ ನಟಿಯನ್ನ ಅನೇಕ ವರ್ಷಗಳಿಂದ ಲವ್ ಮಾಡ್ತಿದ್ದೇನೆ”: ಪ್ರಭಾಸ್ ಹೇಳಿದ್ದು ಯಾರ ಬಗ್ಗೆ?

Pabhas-Deepika Padukone: ದಕ್ಷಿಣ ಭಾರತದ ಪ್ರಖ್ಯಾತ ನಟರಲ್ಲಿ ಪ್ರಭಾಸ್ ಕೂಡ ಒಬ್ಬರು. ಅವರ ಮುಂದಿನ ಬಹುನಿರೀಕ್ಷಿತ ಸಿನಿಮಾ ‘ಕಲ್ಕಿ 2898 ಎಡಿ’ ಬಿಡುಗಡೆಗೆ ಸಜ್ಜಾಗುತ್ತಿದ್ದಾರೆ. ಇನ್ನು ಕೊನೆಯ ಚಿತ್ರ ‘ಆದಿಪುರುಷ್’ ಹೆಚ್ಚು ಸದ್ದು ಮಾಡದೆ ಸೋಲು ಕಂಡಿದ್ದು ತಿಳಿದೇ ಇದೆ. ಇನ್ನು ಬಾಹುಬಲಿ ನಟ ಇತ್ತೀಚೆಗೆ ಹೇಳಿಕೆಯೊಂದನ್ನು ನೀಡಿದ್ದು, ಅದರಲ್ಲಿ ಅವರ ಪ್ರೀತಿಯ ನಟಿ ಬಗ್ಗೆ ಮಾತನಾಡಿದ್ದಾರೆ.

ಇದನ್ನೂ ಓದಿ: Asia Cup ಆರಂಭಕ್ಕೂ ಮುನ್ನ ಅಂತರಾಷ್ಟ್ರೀಯ ಕ್ರಿಕೆಟ್’ಗೆ ನಿವೃತ್ತಿ ಘೋಷಿಸಿದ 32ರ ಹರೆಯದ ಡ್ಯಾಶಿಂಗ್ ಆಟಗಾರ!

ಬಾಹುಬಲಿ ನಟ ಪ್ರಭಾಸ್ ಮತ್ತು ಬಾಲಿವುಡ್ ಸೂಪರ್ ಸ್ಟಾರ್ ನಟಿ ದೀಪಿಕಾ ಪಡುಕೋಣೆ ಮೊದಲ ಬಾರಿಗೆ ಜೊತೆಯಾಗಿ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ನಾಗ್ ಅಶ್ವಿನ್ ಅವರ ನಿರ್ದೇಶನದ ಕಲ್ಕಿ 2898 ಎಡಿ’ ಚಿತ್ರದಲ್ಲಿ ಇಬ್ಬರ ನಟನೆಯನ್ನು ನೋಡಬಹುದು. ಕೆಲವು ವಾರಗಳ ಹಿಂದೆಯಷ್ಟೇ ಪ್ರತಿಷ್ಠಿತ ಸ್ಯಾನ್ ಡಿಯಾಗೋ ಕಾಮಿಕ್ ಕಾನ್ 2023 ನಲ್ಲಿ ಈ ಸಿನಿಮಾದ ಫಸ್ಟ್ ಲುಕ್ ಮತ್ತು ಶೀರ್ಷಿಕೆಯನ್ನು ಅನಾವರಣಗೊಳಿಸಿತು.

ನಾಗ್ ಅಶ್ವಿನ್, ವೈಜಯಂತಿ ಮೂವೀಸ್‌’ನ ನಿರ್ಮಾಪಕ ಸಿ ಅಸ್ವಾನಿ ದತ್, ಪ್ರಭಾಸ್ ಮತ್ತು ಕಮಲ್ ಹಾಸನ್ ಅವರ ಸಮ್ಮುಖದಲ್ಲಿ ಫಸ್ಟ್ ಲುಕ್ ಬಿಡುಗಡೆಯಾಗಿದೆ.

ಇನ್ನು ‘ಕಲ್ಕಿ 2898 ಎಡಿ’ ಸಿನಿಮಾದಲ್ಲಿ ನಟಿ ದೀಪಿಕಾ ಜೊತೆ ಕೆಲಸ ಮಾಡಿದ ಬಗ್ಗೆ ನಟ ಪ್ರಭಾಸ್ ಮಾತನಾಡಿದ್ದಾರೆ.

"ಅವರು ದೊಡ್ಡ ಸೂಪರ್ ಸ್ಟಾರ್. ಜೊತೆಗೆ ಅತ್ಯಂತ ಸುಂದರ ಮಹಿಳೆ. ಈಗಾಗಲೇ ಅವರು ಜಾಗತಿಕವಾಗಿ ಪ್ರಸಿದ್ದಿ ಪಡೆದಿದ್ದಾರೆ. ಲೂಯಿ ವಿಟಾನ್, TAM AdEX ಮತ್ತು ದೊಡ್ಡ ಅಂತರರಾಷ್ಟ್ರೀಯ ಜಾಹೀರಾತುಗಳನ್ನು ಮಾಡುತ್ತಿದ್ದಾರೆ. ಅವರು ಮತ್ತು ಅವರ ನಟನೆ ಎಂದರೆ ನನಗೆ ಇಷ್ಟ. ಎಂದೆಂದೂ ಅವರನ್ನು ನಾನು ಪ್ರೀತಿಸುತ್ತೇನೆ. ಅವರ ಜೊತೆ ಕೆಲಸ ಮಾಡಬೇಕೆಂಬ ಆಸೆ ಈಗ ಈಡೇರಿದೆ. ನಾವು ಒಟ್ಟಿಗೆ ಕೆಲಸ ಮಾಡುತ್ತಿರುವುದು ಇದೇ ಮೊದಲು” ಎಂದಿದ್ದಾರೆ.

ಅದರ ಜೊತೆಗೆ, ಚಿತ್ರದಲ್ಲಿನ ನಟಿಯ ಪಾತ್ರದ ಬಗ್ಗೆ ಚಲನಚಿತ್ರ ನಿರ್ಮಾಪಕ ನಾಗ್ ಅಶ್ವಿನ್ ಅವರನ್ನು ಕೇಳಿದಾಗ, "ನಾವು ಇನ್ನೂ ದೀಪಿಕಾ ಅವರ ಪಾತ್ರವನ್ನು ಸಂಪೂರ್ಣವಾಗಿ ನೋಡಬೇಕಾಗಿದೆ. ಆ ಪಾತ್ರಕ್ಕೆ ದೀಪಿಕಾ ಅವರನ್ನೇ ಏಕೆ ಆಯ್ಕೆ ಮಾಡಿದ್ದೇವೆ ಎಂಬುದನ್ನು ನಾವು ಅರ್ಥಮಾಡಿಕೊಳ್ಳಬಹುದು. ಇದು ಪ್ರಮುಖ ಪಾತ್ರವಾಗಿದೆ” ಎಂದರು.

ಇದನ್ನೂ ಓದಿ: ಪಾರ್ಲರ್’ಗೆ ಹೋಗೋದೇ ಬೇಡ… ದಟ್ಟ ಕಪ್ಪು-ನೀಳ ಕೇಶರಾಶಿ ಬೆಳೆಯುಂತೆ ಮಾಡುತ್ತೆ ಈ ಎಲೆಯ ಪೇಸ್ಟ್!

ಕಲ್ಕಿ 2898 ಎಡಿ ಸಿನಿಮಾ ಸೈಂಟಿಫಿಕ್ ಜಾನರ್ ಚಿತ್ರವಾಗಿದ್ದು, ಪ್ರಭಾಸ್ ಮತ್ತು ದೀಪಿಕಾ ಪಡುಕೋಣೆ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇನ್ನು ಬಿಗ್ ಬಿ ಅಮಿತಾಬ್ ಬಚ್ಚನ್ ಮತ್ತು ಕಮಲ್ ಹಾಸನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡರೆ, ಪಶುಪತಿ ಮತ್ತು ದಿಶಾ ಪಟಾನಿ ಸಪೋರ್ಟಿಂಗ್ ಪಾತ್ರ ನಿರ್ವಹಿಸಲಿದ್ದಾರೆ. ವೈಜಯಂತಿ ಮೂವೀಸ್ ಅಡಿಯಲ್ಲಿ ಅಸ್ವಾನಿ ದತ್ ನಿರ್ಮಿಸಿದ ಕಲ್ಕಿ 2898 AD ಮುಂದಿನ ವರ್ಷ ಜನವರಿ 12 ರಂದು ಚಿತ್ರಮಂದಿರಗಳಲ್ಲಿ ಬರಲಿದೆ.