ಸೈಕಲ್ ಮೇಲೆ ಮೊಟ್ಟೆ, ತರಕಾರಿ ಮಾರಾಟ ಮಾಡಲು ಮುಂದಾದ ನಟ ಸೋನು ಸೂದ್ !

ಮುಂಬೈ:  ಸೋನು ಸೂದ್ ಇತ್ತೀಚೆಗೆ ತಮ್ಮ ಸೋಷಿಯಲ್ ಮೀಡಿಯಾ ಪೋಸ್ಟ್ ಮೂಲಕ ತಮ್ಮ ಅಭಿಮಾನಿಗಳನ್ನು ಅಚ್ಚರಿಗೊಳಿಸಿದ್ದಾರೆ.

ಹೌದು, ತಮ್ಮ ಸೈಕಲ್ ನಲ್ಲಿ ಸೋನು ಸೂದ್ (Sonu Sood) ಸೂಪರ್ ಮಾರುಕಟ್ಟೆ ಮುಕ್ತವಾಗಲು ಕಾಯುತ್ತಿರುವ ಜನರಿಗೆ ಬ್ರೆಡ್ ಹಾಗೂ ಇನ್ನಿತರ ದಿನಸಿ ವಸ್ತುಗಳನ್ನು ಮಾರಾಟ ಮಾಡುವ ವೀಡಿಯೋವೊಂದನ್ನು ಅವರು ಶೇರ್ ಮಾಡಿದ್ದಾರೆ.ವೀಡಿಯೋದ ಕೊನೆಯಲ್ಲಿ ಇದನ್ನು ತಲುಪಿಸಲು ಹೆಚ್ಚುವರಿ ಶುಲ್ಕಗಳು ಇವೆ ಬಾಸ್ ಎನ್ನುತ್ತಾರೆ. ಈ ವಿಡಿಯೋಗೆ ಉಚಿತ ಹೋಂ ಡೆಲಿವರಿ ಎಂದು ಶೀರ್ಷಿಕೆ ನೀಡಲಾಗಿದ್ದು, ಪ್ರತಿ ಹತ್ತು ಮೊಟ್ಟೆಗೆ ಒಂದು ಬ್ರೆಡ್ ಉಚಿತ ಎಂದು ಅವರು ಬರೆದುಕೊಂಡಿದ್ದಾರೆ.

ಈ ವಿಡಿಯೋ ಮೂಲಕ ಚಿಲ್ಲರೆ ಮಾರಾಟಗಾರ ವ್ಯಾಪಾರದ ಬಗ್ಗೆ ಸಹಾಯ ಮಾಡುವ ನಿಟ್ಟಿನಲ್ಲಿ ಈ ಜಾಗೃತಿಯನ್ನು ಮೂಡಿಸುತ್ತಿರುವುದಲ್ಲದೆ ಅವರಿಗೆ ತಮ್ಮ ಬೆಂಬಲವನ್ನು ವಿಸ್ತರಿಸಿದ್ದಾರೆ.2020 ರಲ್ಲಿ, ಮಾರಣಾಂತಿಕ COVID-19 ಸಾಂಕ್ರಾಮಿಕ ರೋಗವು ಭುಗಿಲೆದ್ದಾಗ, ಸೋನು ಸೂದ್ ವಲಸೆ ಕಾರ್ಮಿಕರಿಗೆ ಸುರಕ್ಷಿತವಾಗಿ ಮನೆಗೆ ಮರಳಲು ಸಹಾಯ ಮಾಡಿದರು ಮತ್ತು ಎರಡನೇ ಅಲೆಯ ಪ್ರಕರಣಗಳ ಉಲ್ಬಣದ ಮಧ್ಯೆ, ಅವರು ಮತ್ತೊಮ್ಮೆ 'ಹೀರೋ' ಎಂದು ಸಾಬೀತಾಗಿದೆ.

ಇದನ್ನೂ ಓದಿ :ತನ್ನ ಚಿಕ್ಕಮ್ಮನಿಗೆ ಆಕ್ಸಿಜನ್ ಸಿಲಿಂಡರ್ ಕೋರಿದ ರೈನಾ ನೆರವಿಗೆ ಧಾವಿಸಿದ ಸೋನು ಸೂದ್

ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯವಾಗಿರುವ ಮತ್ತು ನಿಜವಾದ ಸಹಾಯವನ್ನು ಬಯಸುವ ಅಭಿಮಾನಿಗಳಿಗೆ ಪ್ರತಿಕ್ರಿಯಿಸುವ ಸೋನು ಸೂದ್, COVID-19 ರೋಗಿಗಳಿಗೆ ಆಸ್ಪತ್ರೆಯ ಹಾಸಿಗೆಗಳು ಮತ್ತು ಆಮ್ಲಜನಕ ಸಿಲಿಂಡರ್‌ಗಳನ್ನು ವ್ಯವಸ್ಥೆ ಮಾಡಲು ಪ್ರಯತ್ನ ಮಾಡುತ್ತಿದ್ದಾರೆ.ಇತ್ತೀಚೆಗೆ ಅವರು COVID-19 ನಿಂದ ಚೇತರಿಸಿಕೊಂಡಿದ್ದು ಮತ್ತು ಈ ಪರೀಕ್ಷಾ ಸಮಯದಲ್ಲಿ ತೊಂದರೆಗೀಡಾದವರಿಗೆ ಸಹಾಯ ಮಾಡಲು ಮರಳಿದ್ದಾರೆ.ಜಾಗೃತಿ ಮೂಡಿಸಲು "ಸಂಜೀವನಿ: ಎ ಶಾಟ್ ಆಫ್ ಲೈಫ್" - ವ್ಯಾಕ್ಸಿನೇಷನ್ ಡ್ರೈವ್ ಅಭಿಯಾನವನ್ನೂ ಅವರು ಪ್ರಾರಂಭಿಸಿದರು.