ಪರಿಣಿತಿ-ರಾಘವ್ ಚಡ್ಡಾ ಮದುವೆ: ಅತಿಥಿಗಳ ಫೋನ್ ಕ್ಯಾಮೆರಾಗಳಿಗೆ ಟೇಪ್, ಬಿಗಿ ಭದ್ರತೆ

Parineeti Raghav marriage : ನಟಿ ಪರಿಣಿತಿ ಚೋಪ್ರಾ ರಾಘವ್ ಚಡ್ಡಾ ಮದುವೆ ತಯಾರಿ ಅದ್ಧೂರಿಯಾಗಿ ನಡೆಯುತ್ತಿದೆ. ಈ ಜೋಡಿಯ ವಿವಾಹ ಕಾರ್ಯಕ್ರಮಗಳನ್ನು ನೋಡಲು ಅಭಿಮಾನಿಗಳು ಕಾತುರತೆಯಿಂದ ಕಾಯುತ್ತಿದ್ದಾರೆ. ಆದ್ರೆ, ಅಧಿಕೃತವಾಗಿ ಈ ಕಪಲ್ಸ್‌ ವಿಡಿಯೋ ಬಿಡುಗಡೆ ಮಾಡುವವರೆಗೂ ಕಾಯಬೇಕಾಗುತ್ತದೆ. ಏಕೆಂದ್ರೆ ಜೋಡಿ ತಮ್ಮ ಮದುವೆಯ ವಿಡಿಯೋಗಳು ವೈರಲ್‌ ಆಗದಂತೆ ಬಹಳ ಎಚ್ಚರ ವಹಿಸಿದ್ದಾರೆ. 

ಹೌದು.. ಪರಿಣಿತಿ ಚೋಪ್ರಾ ಮತ್ತು ರಾಘವ್‌ ಚಡ್ಡಾ ಸೆಪ್ಟೆಂಬರ್ 24 ರಂದು ಅದ್ಧೂರಿಯಾಗಿ ಮದುವೆಯಾಗಲು ಸಿದ್ಧರಾಗಿದ್ದಾರೆ. ಮದುವೆ ಸ್ಥಳವಾದ ಹೋಟೆಲ್ ಲೀಲಾ ಪ್ಯಾಲೇಸ್‌ನಲ್ಲಿ ಬಿಗಿ ಭದ್ರತೆಗೆ ಆಯೋಜನೆ ಮಾಡಲಾಗಿದೆ. ವಧು ಮತ್ತು ವರನ ಕುಟುಂಬಸ್ಥರು ಮತ್ತು ಗಣ್ಯ ವ್ಯಕ್ತಿಗಳು ಈ ವಿವಾಹ ಮಹೋತ್ಸವದಲ್ಲಿ ಪಾಲ್ಗೊಳ್ಳಲಿದ್ದಾರೆ. 

View this post on Instagram

A post shared by Viral Bhayani (@viralbhayani)

ಇದನ್ನೂ ಓದಿ: 'ಮಾರ್ಕ್‌ ಅಂಥೋನಿ' ಪ್ರತಿ ಟಿಕೇಟ್ ನಿಂದ ರೈತನಿಗೆ ಒಂದು ರೂ...! ʼವಿಶಾಲʼ ಹೃದಯವಂತಿಕೆ

ಇನ್ನು ತಮ್ಮ ಮದುವೆ ಫೋಟೋ ಮತ್ತು ವಿಡಿಯೋಗಳು ಎಲ್ಲಿಯೂ ವೈರಲ್‌ ಆಗದಂತೆ ಪರಿಣಿತಿ ಮತ್ತು ರಾಘವ್‌ ಎಚ್ಚರಿಕೆ ವಹಿಸುತ್ತಿದ್ದಾರೆ. ಎಲ್ಲಾ ರೀತಿಯ ವಿಷಯಗಳನ್ನು ಅತ್ಯಂತ ಗೌಪ್ಯವಾಗಿ ಮತ್ತು ಖಾಸಗಿಯಾಗಿ ಇರಿಸಲು ಬಿಗಿಯಾದ ಭದ್ರತಾ ಪಡೆಯನ್ನು ಸಹ ನಿಯೋಜಿಸಿದ್ದಾರೆ. ಅಲ್ಲದೆ, ವೀಡಿಯೊ ಮತ್ತು ಫೋಟೋ ಕ್ಲಿಕ್ ಮಾಡುವುದನ್ನು ತಡೆಯಲು ಮೊಬೈಲ್ ಕ್ಯಾಮೆರಾಗಳಿಗೆ ಕೆಂಪು ಟೇಪ್ಗಳನ್ನು ಅಂಟಿಸಲಾಗಿದೆ.

ಇಂಡಿಯಾ ಟುಡೇ ವರದಿಯ ಪ್ರಕಾರ, ಈ ಹೋಟೆಲ್‌ಗಳ ಸಿಬ್ಬಂದಿ ಮತ್ತು ಇತರ ಉದ್ಯೋಗಿಗಳು ಮೂರು ದಿನಗಳವರೆಗೆ ಹೊರಗೆ ಹೋಗದಂತೆ ತಡೆಯಲಾಗಿದೆಯಂತೆ. ಯಾರಾದರೂ ಕೆಂಪು ಟೇಪ್ ಅನ್ನು ತೆಗೆದುಹಾಕಿದರೆ ಅವರ ಮೇಲೆ ಕ್ರಮ ಕೈಗೊಳ್ಳಲಾಗುವುದು. ಈ ಸ್ಟಾರ್‌ ಜೋಡಿ ರಾಜಮನೆತನದ ವಿವಾಹವನ್ನು ಸೆರೆಹಿಡಿಯಲು ದೆಹಲಿಯಿಂದ 12 ಛಾಯಾಗ್ರಾಹಕರು ಮತ್ತು ವೀಡಿಯೊಗ್ರಾಫರ್‌ಗಳು ನಿಯೋಜನೆಗೊಂಡಿದ್ದಾರೆ.