ಶ್ರೀಲೀಲಾ ಫ್ಯಾನ್ಸ್‌ಗೆ ಶಾಕಿಂಗ್‌ ನ್ಯೂಸ್‌..! ಸಿನಿರಂಗದಿಂದ ದೂರ ಉಳಿಯುವ ನಿರ್ಧಾರ ಮಾಡಿದ ನಟಿ

Sreeleela Education : ಸದ್ಯ ಟಾಲಿವುಡ್‌ನಲ್ಲಿ ಹೆಚ್ಚು ಕೇಳಿಬರುತ್ತಿರುವ ಹೆಸರು ಶ್ರೀಲೀಲಾ. 22 ವರ್ಷದ ಈ ಸುಂದರಿ ಸದ್ಯ ತೆಲುಗು ಸಿನಿರಂಗವನ್ನು ಆಳುತ್ತಿದ್ದಾರೆ. ಒಂದು ಕ್ಷಣವೂ ಬಿಡುವಿಲ್ಲದೇ ಸಾಲು ಸಾಲು ಸಿನಿಮಾ ಮಾಡುತ್ತಿದ್ದಾಳೆ. ಶ್ರೀಲೀಲಾ ಅವರ ವೇಗವನ್ನು ನೋಡಿ ಪ್ರೇಕ್ಷಕರು ಮಾತ್ರವಲ್ಲದೆ ಇತರ ನಾಯಕಿಯರೂ ಅಚ್ಚರಿಗೊಂಡಿದ್ದಾರೆ. ಇದೀಗ ಶ್ರೀಲೀಲಾ ಸಿನಿಮಾದಿಂದ ದೂರ ಉಳಿಯುವ ನಿರ್ಧಾರ ಮಾಡಿದ್ದು, ಅಭಿಮಾನಿಗಳಿಗೆ ಶಾಖ್‌ ನೀಡಿದೆ.

ಶ್ರೀಲೀಲಾ... ಒಳ್ಳೆಯ ನಟಿ ಮಾತ್ರವಲ್ಲ ವೈದ್ಯೆಯೂ ಹೌದು. ಪ್ರಸ್ತುತ ಆಕೆ ಎಂಬಿಬಿಎಸ್ ಅಂತಿಮ ವರ್ಷ ಓದುತ್ತಿದ್ದಾಳೆ. ಶ್ರೀಲೀಲಾ ಸೆಪ್ಟೆಂಬರ್ 2023 ರಿಂದ ಬಿಡುಗಡೆಯಾದ ಬಹುತೇಕ ತೆಲುಗು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದರಿಂದ ಅವರಿಗೆ ಅಂತಿಮ ವರ್ಷದ ಪರೀಕ್ಷೆಗೆ ತಯಾರಿ ನಡೆಸಲು ಸಮಯವಿಲ್ಲದಂತಾಗಿದೆಯಂತೆ. 

ಇದನ್ನೂ ಓದಿ: ಸ್ಯಾಂಡಲ್ ವುಡ್ 'ರಾಕ್ಷಸ'ನಾದ ಪ್ರಜ್ವಲ್ ದೇವರಾಜ್

ರಾಘವೇಂದ್ರ ರಾವ್ ಅಭಿನಯದ 'ಪೆಳ್ಳಿ ಸಂದಡಿ' ಚಿತ್ರದ ಮೂಲಕ ಟಾಲಿವುಡ್‌ಗೆ ನಾಯಕಿಯಾಗಿ ಎಂಟ್ರಿ ಕೊಟ್ಟ ಶ್ರೀಲೀಲಾ, ರವಿತೇಜ ಜೊತೆ 'ಧಮಾಕಾ' ಚಿತ್ರದಲ್ಲಿ ಕಾಣಿಸಿಕೊಂಡು ಎಲ್ಲರ ಗಮನ ಸೆಳೆದರು. ಈ ಸಿನಿಮಾದಲ್ಲಿ ಅವರ ಡ್ಯಾನ್ಸ್ ನೋಡಿದ ಪ್ರೇಕ್ಷಕರು ಮಾಸ್ ಡ್ಯಾನ್ಸ್ ಅಂತ ಹೊಗಳಿದ್ದರು. 

ಸದ್ಯ ಶ್ರೀಲೀಲಾ ನಟನೆಯ ಸೂಪರ್‌ ಸ್ಟಾರ್‌ ಮಹೇಶ್ ಬಾಬು ಮತ್ತು ತ್ರಿವಿಕ್ರಮ್ ಕಾಂಬಿನೇಷನ್‌ನಲ್ಲಿ ಮೂಡಿ ಬಂದ 'ಗುಂಟೂರ್ ಖಾರ' ಸಿನಿಮಾ ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಇದೀಗ ಹಾರ್ಡ್‌ ವರ್ಕ್‌ ಮೂಲಕ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳ ಶೂಟಿಂಗ್ ಮುಗಿಸಿರುವ ಶ್ರೀಲೀಲಾ, ಸಧ್ಯ ಅಧ್ಯಯನದತ್ತ ಗಮನ ಹರಿಸಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ:ಬ್ಲೂ ಕಲರ್‌ ವ್ಹಾವ್‌..! ಸೀರೆಯಲ್ಲಿ ಮುದ್ದು ಗೊಂಬೆ ಕೃತಿ

ಪ್ರಸ್ತುತ ಪವನ್ ಕಲ್ಯಾಣ್ ನಟನೆಯ ಬಹುನಿರೀಕ್ಷಿತ ಸಿನಿಮಾ 'ಉಸ್ತಾದ್ ಭಗತ್‌ ಸಿಂಗ್‌' ಮಾತ್ರ ಶ್ರೀಲೀಲಾ ಕೈಯಲ್ಲಿದೆ. ಈ ಶೂಟಿಂಗ್ ಬಹಳ ಹಿಂದಿನಿಂದಲೂ ನಡೆಯುತ್ತಿದೆ. ಇದರೊಂದಿಗೆ ಶ್ರೀಲೀಲಾ ಅವರು ಸಿನಿಮಾಗಳಿಂದ ಕೊಂಚ ಬಿಡುವು ಪಡೆಯಲಿರುವ ಕಾರಣ ಎಂಬಿಬಿಎಸ್ ಅಂತಿಮ ಪರೀಕ್ಷೆಗಳತ್ತ ಗಮನ ಹರಿಸಲಿದ್ದಾರೆ. ಸ್ಟಾರ್‌ ಹಿರೋಯಿನ್‌ ಆದರೂ ಶಿಕ್ಷಣ ಕಡೆ ಗಮನ ಹರಿಸುತ್ತಿರುವುದು ಅವರ ಫ್ಯಾನ್ಸ್‌ಗೆ ತುಂಬಾ ಇಷ್ಟವಾಗಿದೆ.