Pushpa 2: 339 ದಿನಗಳ ಬಳಿಕ ‘ಪುಷ್ಪ’ರಾಜನ ದರ್ಶನ, ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆಯಲು ಪ್ಲ್ಯಾನ್..!

ನವದೆಹಲಿ: ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಮತ್ತು ನ್ಯಾಷನಲ್‌ ಕ್ರಶ್‌ ರಶ್ಮಿಕಾ ಮಂದಣ್ಣ ನಟನೆಯ ಬಹು ನಿರೀಕ್ಷಿತ ಪ್ಯಾನ್ ಇಂಡಿಯನ್ ಸಿನಿಮಾ ‘ಪುಷ್ಪ 2: ದಿ ರೂಲ್’ ಮುಂದಿನ ವರ್ಷ ರಿಲೀಸ್ ಆಗಲಿದೆ. 339 ದಿನಗಳ ಬಳಿಕ ‘ಪುಷ್ಪ’ರಾಜನ ದರ್ಶನವಾಗಲಿದೆ. ಇದೇ ವರ್ಷ ಬಿಡುಗಡೆಯಾಗಲಿದೆ ಎಂದುಕೊಂಡಿದ್ದ ಫ್ಯಾನ್ಸ್‍ಗೆ ಚಿತ್ರತಂಡ ಕೊಂಚ ನಿರಾಸೆ ಮೂಡಿಸಿದೆ.

ಈ ಬಗ್ಗೆ ಟ್ವೀಟ್ ಮಾಡಿರುವ ಚಿತ್ರ ನಿರ್ಮಾಣ ಸಂಸ್ಥೆ Mythri Movie Makers, ‘ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಹಾಗೂ ರಶ್ಮಿಕಾ ಮಂದಣ್ಣ ಅಭಿನಯದ ‘ಪುಷ್ಪ 2: ದಿ ರೂಲ್’ ಮುಂದಿನ ವರ್ಷ ಆಗಸ್ಟ್ 15ರಂದು ವಿಶ್ವದಾದ್ಯಂತ ತೆರೆ ಕಾಣಲಿದೆ’ ಎಂದು ಮಾಹಿತಿ ನೀಡಿದೆ.   

ಇದನ್ನೂ ಓದಿ: ಬ್ಲ್ಯಾಕ್‌ ಡ್ರೆಸ್‌ನಲ್ಲಿ ಸಲಾರ್‌ ಬೆಡಗಿಯ ಹಾಟ್‌ ಲುಕ್

ಬಾಕ್ಸ್ ಆಫೀಸ್ ಧೂಳಿಪಟ ಮಾಡಿದ್ದ 'ಪುಷ್ಪ' ಪಾರ್ಟ್ 1 ಸಿನಿಮಾ 350 ಕೋಟಿ ರೂ. ಗಳಿಸಿತ್ತು. ಪಾರ್ಟ್ 2ರ ಮೂಲಕ 1000 ಕೋಟಿ ರೂ. ಕಮಾಯಿ ಮಾಡಲು ಚಿತ್ರತಂಡವು ಪಕ್ಕಾ ಪ್ಲ್ಯಾನ್ ಮಾಡಿಕೊಂಡಿದೆ. ಅದ್ದೂರಿ ಬಜೆಟ್‍ನಲ್ಲಿ  ಈ ಸಿನಿಮಾ ನಿರ್ಮಾಣವಾಗುತ್ತಿದೆ. ಡಾಲಿ ಧನಂಜಯ್​, ಫಹಾದ್​ ಫಾಸಿಲ್​ ಸೇರಿದಂತೆ ದಿಗ್ಗಜ ಕಲಾವಿದರು ಈ ಚಿತ್ರದಲ್ಲಿ ನಟಿಸಿದ್ದಾರೆ.