Bigg Boss 10: ದೊಡ್ಮನೆಯಲ್ಲಿ ಬಿಗ್‌ ಫೈಟ್‌.. ಮೂರನೇ ದಿನವೇ ಶುರುವಾದ ಜಗಳ, ನೂರು ದಿನ ಸಾಗೋದು ಹೇಗೆ?

Bigg Boss Kananda 10 : ಕಿರುತೆರೆಯ ಜನ ಮೆಚ್ಚಿದ ಶೋ ಬಿಗ್‌ ಬಾಸ್‌ ಕನ್ನಡ ಶುರುವಾಗಿದೆ. ಕನ್ನಡ ಬಿಗ್‌ ಬಾಸ್‌ ಶುರುವಾದ ಮೂರೇ ದಿನಕ್ಕೆ ಮನೆಯಲ್ಲಿ ಜಗಳ ನಡೆಯುತ್ತಿದೆ. ಹಿಂದಿನ ಕೆಲವು ಸೀಸನ್‌ಗಳಲ್ಲಿ ಮೊದಲ ಕೆಲ ದಿನಗಳು ಶಾಂತವಾಗಿ ಸಾಗುತ್ತಿದ್ದವು. ನಂತರದಲ್ಲಿ ಒಂದೊಂದೆ ಪಟಾಕಿ ಸಿಡಿಯುತ್ತಿದ್ದವು. ಆದರೆ ಈ ಸೀಸನ್‌ನಲ್ಲಿ ಮೂರನೇ ದಿನವೇ ಬಾಂಬ್‌ ಬಿದ್ದಿದೆ. 

ಕನ್ನಡ ಬಿಗ್‌ ಬಾಸ್‌ ಮನೆಯಲ್ಲಿ ಈ ವಾರ ನಾಮಿನೇಷನ್‌ ಪ್ರಕ್ರಿಯೆ ನಡೆಯಿತು. ಈ ವೇಳೆ ತಮ್ಮ ಹೆಸರನ್ನು ತೆಗೆದುಕೊಂಡಿರುವುದನ್ನು ಇಷ್ಟಪಡದ ಕೆಲವು ಸ್ಪರ್ಧಿಗಳು ಅಸಮಾಧಾನ ಹೊರ ಹಾಕಿದ್ದಾರೆ. ಮೊದಲೆರಡು ದಿನ ಕ್ಲೋಸ್‌ ಆಗಿದ್ದವರೇ ನಾಮಿನೇಷನ್‌ ವೇಳೆ ಕಿತ್ತಾಡಿಕೊಂಡಿದ್ದಾರೆ. 

ಇದನ್ನೂ ಓದಿ: BiggBoss Kannada 10: ಈ ಬಾರಿ ದೊಡ್ಮನೆಗೆ ಮೈಕಲ್ ಎನ್ನುವವರ ಎಂಟ್ರಿ...! ಯಾರಿವರು?

ಸಂಗೀತಾ ಶೃಂಗೇರಿ ಹಾಗೂ ವಿನಯ್ ಮಧ್ಯೆ ಮಾತಿನ ಚಕಮಕಿ ನಡೆದಿದೆ. ಅನರ್ಹರನ್ನು ನಾಮಿನೇಟ್ ಮಾಡಲು ಅರ್ಹರಿಗೆ ಅವಕಾಶ ಈ ವಾರ ಅವಕಾಶ ನೀಡಲಾಗಿತ್ತು. ಈ ಪೈಕಿ ವಿನಯ್ ಅವರು ಸಂಗೀತಾ ಶೃಂಗೇರಿ ಹೆಸರನ್ನು ತೆಗೆದುಕೊಂಡರು. ಅನರ್ಹರಿಗೆ ಸೋಫಾ, ಬೆಡ್​ರೂಂ ಬಳಕೆ ಮಾಡಬಾರದು ಎಂದು ಬಿಗ್‌ ಬಾಸ್‌ ಆದೇಶಿಸಿದ್ದರು. ಆದರೆ ಸಂಗೀತಾ ಅವರು ಸೋಫಾ ಮೇಲೆ ಕೂತಿದ್ದರು. ಇದೇ ಕಾರಣ ನೀಡಿ ವಿನಯ್ ಅವರು ಸಂಗೀತಾ ಅವರನ್ನು ನಾಮಿನೇಟ್ ಮಾಡಿದ್ದಾರೆ.