ಬಾಲಿವುಡ್‌ ನಟ ಆಯುಷ್ಮಾನ್ ಖುರಾನಾ ತಂದೆ ನಿಧನ..!

Ayushmann Khurrana father : ಬಾಲಿವುಡ್‌ ನಟ ಆಯುಷ್ಮಾನ್ ಖುರಾನಾ ಅವರ ತಂದೆ ಪಂಡಿತ್ ಪಿ ಖುರಾನಾ ಇಂದು ನಿಧನರಾಗಿದ್ದಾರೆ. ಪಿ ಖುರಾನಾ ಅವರು ಕಳೆದ ಕೆಲವು ದಿನಗಳಿಂದ ಹೃದಯ ಸಮಸ್ಯೆಯಿಂದ ಬಳಲುತ್ತಿದ್ದು, ಫೋರ್ಟಿಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಅವರ ಸಾವಿನ ಸುದ್ದಿ ಅವರ ಸ್ನೇಹಿತರು, ಕುಟುಂಬ ಮತ್ತು ಅಭಿಮಾನಿಗಳಿಗೆ ಆಘಾತವನ್ನುಂಟು ಮಾಡಿದೆ.

ಈ ಕುರಿತು ಸೋಷಿಯಲ್‌ ಮೀಡಿಯಾದಲ್ಲಿ ಖುರಾನಾ ಕುಟುಂಬವು ಅಧಿಕೃತ ಹೇಳಿಕೆ ನೀಡಿದೆ, ʼನಮ್ಮ ಪ್ರೀತಿಯ ತಂದೆ, ಪಿ. ಖುರಾನಾ (ವೀರೇಂದ್ರ ಖುರಾನಾ) ನಮ್ಮ ಜೀವನದ ಆಧಾರ ಸ್ತಂಭ ಮತ್ತು ನಮ್ಮ ಕುಟುಂಬದ ಹೃದಯ ಬಡಿತ, ಅವರು ನಮ್ಮನ್ನ ಅಗಲಿದ್ದಾರೆ ಎಂದು ಶೀರ್ಷಿಕೆ ಬರೆದುಕೊಂಡು ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಪಂಡಿತ್ ಪಿ ಖುರಾನಾ ಅವರ ಅಂತ್ಯಕ್ರಿಯೆ ಶುಕ್ರವಾರ (ಮೇ 19) ಸಂಜೆ 5:30 ಕ್ಕೆ ಮಣಿಮಜ್ರ ಸ್ಮಶಾನ ಮೈದಾನದಲ್ಲಿ ನಡೆಯಲಿದೆ ಎಂದು ಪ್ರಕಟಣೆ ತಿಳಿಸಿದೆ. ಪಿ. ಖುರಾನಾ ಅವರ ಸಾವಿನ ಸುದ್ದಿ ಕೇಳಿ ಬಾಲಿವುಡ್‌ ತಾರೆಯರು, ರಾಜಕೀಯ ನಾಯಕರು, ಅಭಿಮಾನಿಗಳು ಸಂತಾಪ ಸೂಚಿಸುತ್ತಿದ್ದಾರೆ.

ಇದನ್ನೂ ಓದಿ:  Avatar 2 in OTT : ಶೀಘ್ರದಲ್ಲೇ ಒಟಿಟಿಯಲ್ಲಿ ಅವತಾರ್ 2, ಎಂದಿನಿಂದ ಗೊತ್ತಾ?

ನಟ ಆಯುಷ್ಮಾನ್ ಖುರಾನಾ ಮತ್ತು ನಟ ಅಪಾರ್ಶಕ್ತಿ ಖುರಾನಾ ಅವರ ತಂದೆ ಪಿ ಖುರಾನಾ ಜ್ಯೋತಿಷಿಯಾಗಿದ್ದರು. ಪಂಡಿತ್ ಪಿ ಖುರಾನಾ ಎಂದೇ ಪ್ರಸಿದ್ಧರಾಗಿದ್ದರು. ಜ್ಯೋತಿಷ್ಯ ಕ್ಷೇತ್ರದಲ್ಲಿ ಹೆಸರುವಾಸಿಯಾಗಿದ್ದರು. ಈ ವಿಷಯದ ಬಗ್ಗೆ ಹಲವಾರು ಪುಸ್ತಕಗಳನ್ನು ಸಹ ಬರೆದಿದ್ದಾರೆ.