OTT ಅಂಗಳದಲ್ಲಿ ಡೇರ್‌ಡೆವಿಲ್‌ ಮುಸ್ತಾಫಾ; ಸಿನಿಪ್ರಿಯರಿಗೆ ಭರ್ಜರಿ ಟ್ರೀಟ್‌

Dare Devil Mustafa streaming on OTT : ಮೇ 19ರಂದು ಭರ್ಜರಿಯಾಗಿ ರಿಲೀಸ್‌ ಆಗಿದ್ದ ಪೂರ್ಣಚಂದ್ರ ತೇಜಸ್ವಿ ಅವರ ಕಥೆಯಾಧಾರಿತ ಸಿನಿಮಾ ಡೇರ್‌ ಡೆವಿಲ್‌ ಮುಸ್ತಾಫಾ. ಈ ಸಿನಿಮಾ ಮೇಕಿಂಗ್‌ ಮತ್ತು ಕಂಟೆಟ್‌ ಮೂಲಕವೇ ಎಲ್ಲರ ಮನಗೆದ್ದಿದೆ. ಕರ್ನಾಟಕ ಮಾತ್ರವಲ್ಲದೇ, ವಿದೇಶಗಳಲ್ಲೂ ಈ ಚಿತ್ರ ಹೆಸರು ಮಾಡಿದೆ. 

ಸಿನಿಮಾಗೆ ಎಲ್ಲ ಕಡೆಯಿಂದ ಸಿಕ್ಕ ಪ್ರತಿಕ್ರಿಯೆಯಿಂದ ಚಿತ್ರತಂಡ ಸಂಭ್ರಮದಲ್ಲಿತ್ತು. 25 ದಿನಗಳನ್ನು ಪೊರೈಸಿದ ಈ ಡೇರ್‌ ಡೆವಿಲ್‌ ಮುಸ್ತಫಾ ಸಿನಿಮಾ ಇದೀಗ ಒಟಿಟಿಗೆ ಪಾದಾರ್ಪಣೆ ಮಾಡಿದೆ. ಶಶಾಂಕ್‌ ಸೋಗಲ್‌ ಅವರ ನಿರ್ದೇಶನದಲ್ಲಿ ಮೂಡಿಬಂದ ಈ ಸಿನಿಮಾ ತನ್ನ ಹೊಸತನದ ಮೂಲಕವೇ ಎಲ್ಲರಿಗೂ ಹತ್ತಿರವಾಗಿತ್ತು. ಈ ಸಿನಿಮಾವನ್ನು ವಿಕ್ಷೀಸಿದ ಡಾಲಿ ಧನಂಜಯ್‌ ಸಹ ಈ ಚಿತ್ರಕ್ಕೆ ಸಾತ್‌ ನೀಡಿದ್ದರು.

ಇದನ್ನೂ ಓದಿ-ಪಸಂದಾಗಿದೆ "ಗರಡಿ" ಚಿತ್ರದ ಮೊದಲ ಹಾಡು

ಇದೀಗ ಡೇರ್‌ ಡೆವಿಲ್‌ ಮುಸ್ತಾಫಾ ಸಿನಿಮಾ ಅಮೆಜಾನ್‌ ಪ್ರೈಂ ನಲ್ಲಿ ಸ್ಟ್ರೀಮಿಂಗ್‌ ಆಗಲಿದೆ. ಈ ವಿಚಾರವನ್ನು ಸಿನಿಮಾ ತಂಡ ರಿವೀಲ್‌ ಮಾಡಿತ್ತು. ಈ ಕುರಿತು ಪ್ರೈಂ ಇಂಡಿಯಾ ಕೂಡಾ ತನ್ನ ಸೋಷಿಯಲ್‌ ಮಿಡಿಯಾದಲ್ಲಿ ಅಧಿಕೃತವಾಗಿ ಘೋಷಣೆ ಮಾಡಿದೆ. ಈ ಸಿನಿಮಾ ಮಾತ್ರವಲ್ಲದೇ ಇನ್ನೂ ಹಲವು ಸಿನಿಮಾಗಳ ಒಟಿಟಿ ಬಿಡುಗಡೆಯ ಬಗ್ಗೆ ತಿಳಿಸಿದೆ.