Deepika Das: ದೀಪಿಕಾ ದಾಸ್‌ ಕರಿಮಣಿ ಮಾಲಿಕ ಯಾರು ಗೊತ್ತೇ? ಗುಟ್ಟು ಬಿಚ್ಚಿಟ್ಟ ನಟಿ!

Deepika Das Husband: ಕನ್ನಡ ಕಿರುತೆರೆಯ ಪ್ರೇಕ್ಷಕರಿಗೆ ನಾಗಿಣಿ ಧಾರವಾಹಿ ಮೂಲಕ ಪರಿಚಯವಾದ ನಟಿ ದೀಪಿಕಾ ದಾಸ್‌ ಇದೇ ಮಾರ್ಚ್‌ 1 ರಂದು ಕಡಲ ತೀರದ ಬಳಿ ಮದುವೆಯಾದರು. ಈ ನಟಿ ತಮ್ಮ ಮದುವೆ ಫೋಟೋಗಳನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಶೇರ್‌ ಮಾಡಿ ತಮ್ಮ ಅಭಿಮಾನಿಗಳಿಗೆ ಸ್ವೀಟ್‌ ಆಗಿ ಶಾಕ್‌ ಕೊಟ್ಟು, ಕುತೂಹಲ ಕೆರಳುವಂತೆ ಮಾಡಿದರು. ಇದನ್ನು ನೋಡಿದಾಗ ನಟಿ ದೀಪಿಕಾ ನಿಜವಾಗಿಲು ಮದುವೆಯಾಗಿದ್ದಾರ ಅಥವಾ ಆಡ್‌ ಶೂಟ್‌ ಇರಬಹುದ ಎಂಬ ಪ್ರಶ್ನೆ ಕಾಡುವಂತೆ ಮಾಡಿತ್ತು.

ನಾಗಿಣಿ ಖ್ಯಾತಿಯ ನಟಿ ದೀಪಿಕಾ ದಾಸ್‌ ನಿಜವಾಗಿಯೂ ಮದುವೆಯಾಗಿದ್ದಾರೆಂಬ ವಿಷಯವನ್ನು ಖಾತರಿಪಡಿಸಿದ್ದಾರೆ. ಎರಡು ದಿನಗಳ ಹಿಂದೆ ಈ ನಟಿ ದೀಪಕ್‌ ಎಂಬುವರ ಜೊತೆಗೆ ಬಾಳ ಸಂಗಾತಿಯಾಗಿ ಹೊಸ ಜೀವನ ಪ್ರಾರಂಭ ಮಾಡಿದ್ದಾರೆ. ಮದುವೆಯ ವಿಷಯ ನಿಜ ಅಂತ ತಿಳಿಯುತ್ತಿದ್ದಂತೆ ಅಭಿಮಾನಿಗಳು ದೀಪಿಕಾ ದಾಸ್​ ಕೈ ಹಿಡಿದ ಹುಡುಗ ಯಾರು? ಇವರದ್ದು ಲವ್ ಮ್ಯಾರೇಜಾ ಅಥವಾ ಅರೇಂಜ್​ ಮ್ಯಾರೇಜಾ ಎಂದು ಪ್ರಶ್ನೆ ಹಾಕಿದ್ದಾರೆ.

ನಟಿ ದೀಪಿಕಾ ದಾಸ್‌ ತಾನು ಮದುವೆಯಾದ ಹುಡುಗ ಯಾರು ಎನ್ನುವ ವಿಚಾರವನ್ನು ಹೆಚ್ಚಾಗಿ ತಿಳಿಸಿಲ್ಲ. ಆದರೆ ದೀಪಿಕಾ ದಾಸ್‌ ಮದುವೆಯಾಗಿರುವ ದೀಪಕ್‌ ಎಂಬುವರು ದುಬೈನಲ್ಲಿ ನೆಲೆಸಿರುವ ಕರ್ನಾಟಕ ಮೂಲದ ಉದ್ಯಮಿಯಾಗಿದ್ದಾರೆ. ಈ ನಟಿ ಆಗಾಗ ದುಬೈಗೆ ಹೋಗ್ತಿದ್ದು ಹೆಚ್ಚಾಗಿ ಅಲ್ಲಿಯಾ ಫೋಟೋಗಳನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಳ್ಳುತ್ತಿದ್ದರು. ಇದೀಗ ದೀಪಿಕಾ ದುಬೈನಲ್ಲಿರುವ ಹುಡುಗನ  ಜೊತೆಯೇ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.