ಕನ್ನಡ ಪ್ರೇಕ್ಷಕನಿಗೆ ನಗುವಿನಲ್ಲೇ ಕಿಕ್‌ ಕೊಟ್ಟ `ಓಲ್ಡ್‌ ಮಾಂಕ್‌`

ಬೆಂಗಳೂರು : ಡಿಫರೆಂಟ್‌ ಟೈಟಲ್‌ ಇಟ್ಟು, ಡಿಫರೆಂಟ್‌ ಕಥೆ ಬರೆದು, ಅದನ್ನ ಅಚ್ಚುಕಟ್ಟಾಗಿ ತೆರೆಮೇಲೆ ತರೋದು ಡೈರೆಕ್ಟರ್‌ ಕಂ ಆಕ್ಟರ್‌ ಶ್ರೀನಿಗೆ ಚೆನ್ನಾಗಿ ಗೊತ್ತು. ಈ ಬಾರಿ ಕೂಡ ಶ್ರೀನಿ ತಮ್ಮ ಪ್ರಯತ್ನದಲ್ಲಿ ಗೆದ್ದಿದ್ದಾರೆ. ಹೊಸ ಕಥೆ ಜೊತೆಗೆ ವಿಭಿನ್ನ ಕಥಾಹಂದರವನ್ನು ಪ್ರೇಕ್ಷಕರ ಎದುರು ಪ್ರಸ್ತುತಪಡಿಸಿ ಸೈ ಎನಿಸಿಕೊಂಡಿದ್ದಾರೆ.

ಶ್ರೀನಿ.. ಈ ಹೆಸರು ಕೇಳ್ತಿದ್ದಂತೆ 'ಟೋಪಿವಾಲಾ', (Topiwala) 'ಶ್ರೀನಿವಾಸ ಕಲ್ಯಾಣ', 'ಬೀರ್‌ಬಲ್‌' ಸಿನಿಮಾಗಳು ಕಣ್ಣ ಎದುರು ಬರುತ್ತವೆ. ಯಾಕಂದ್ರೆ ಶ್ರೀನಿ ಅಂಥ ಡಿಫರೆಂಟ್‌ ಡಿಫರೆಂಟ್‌ ಸಿನಿಮಾಗಳನ್ನು ಕನ್ನಡಿಗರ ಎದುರು ಇಟ್ಟವರು. ಈ ಬಾರಿ ಕೂಡ ಇಂತಹದ್ದೇ ಡಿಫರೆಂಟ್‌ ಕಥೆ ಹಾಗೂ ಟೈಟಲ್‌ ಜೊತೆ ಶ್ರೀನಿ ಸಿನಿ ಮಂದಿರಕ್ಕೆ ಲಗ್ಗೆ ಇಟ್ಟಿದ್ದರು (Kannada Films).

ಇದನ್ನೂ ಓದಿ : Ek Love Ya success : ಪ್ರೇಕ್ಷಕರ ಮನ ಗೆದ್ದ 'ಏಕ್ ಲವ್ ಯಾ'! ಪ್ರೇಮ್‌ ಸಿನಿಮಾದಲ್ಲಿ ಮತ್ತೆ ಮ್ಯೂಸಿಕ್‌ ಮೋಡಿ

ಅಂದಹಾಗೆ ಶ್ರೀನಿ ನಿರ್ದೇಶನ ಮಾಡಿ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ 'ಓಲ್ಡ್‌ ಮಾಂಕ್‌'  (Old monk) ಸಿನಿಮಾ ಇವತ್ತು ರಿಲೀಸ್‌ ಆಯ್ತು. ನವರಂಗ್‌ ಸೇರಿದಂತೆ ಬಹುತೇಕ ಎಲ್ಲಾ ಚಿತ್ರಮಂದಿರಗಳಲ್ಲೂ ಓಲ್ಡ್‌ ಮಾಂಕ್‌ ಹೌಸ್‌ಫುಲ್‌ ಪ್ರದರ್ಶನ ಕಂಡಿದೆ. ಮೊದಲ ಶೋಗೆ ಅಭಿಮಾನಿಗಳ ಸಾಗರ ಹರಿದು ಬಂದಿತ್ತು.

 ಪ್ರೇಕ್ಷಕರು ಫಿದಾ :
ಓಲ್ಡ್‌ ಮಾಂಕ್‌  ಈಗಾಗಲೇ ಪೋಸ್ಟರ್‌ ಹಾಗೂ ತನ್ನ ಟ್ರೈಲರ್‌ನಲ್ಲೇ (Old monk trailer) ಸಾಕಷ್ಟು ಸದ್ದು ಮಾಡಿತ್ತು. ಡಿಫರೆಂಟ್‌ ಟೈಟಲ್‌ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿತ್ತು. ಇದೀಗ ಆ ಎಲ್ಲಾ ನಂಬಿಕೆಗಳು ತೆರೆಯ ಮೇಲೂ ಮೂಡಿಬಂದು, ಸಖತ್‌ ಮನರಂಜನೆ ನೀಡಿದೆ. ಫಸ್ಟ್‌ ಡೇ ಫಸ್ಟ್‌ ಶೋ ನೋಡಿದ ಪ್ರೇಕ್ಷಕರು ಸಖತ್‌ ಎಕ್ಸೈಟ್‌ ಆಗಿದ್ದರು. ಸಿನಿಮಾದ ಕಾಮಿಡಿ ಹಾಗೂ ಡೈಲಾಗ್‌ಗಳಿಗೆ ಮನಸೋತಿದ್ದರು.

ಸುಜಯ್ ಶಾಸ್ತ್ರಿ ಅವರು ಇಲ್ಲೂ ನಿಮಗೆ ಕಾಮಿಡಿ ಕಚಗುಳಿ ಇಡುತ್ತಾರೆ. ಚಿತ್ರದ ನಾಯಕನ ಆಪ್ತ ಸ್ನೇಹಿತನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಸುಜಯ್ ಶಾಸ್ತ್ರಿ (Sujay Shastri) ತಮ್ಮ ಪಾತ್ರದ ಮೂಲಕ ಕೊನೆಯವರೆಗೂ ಪ್ರೇಕ್ಷಕರನ್ನು ನಗೆಗಡಲಿನಲ್ಲಿ ತೇಲಿಸುತ್ತಾರೆ.

ಇದನ್ನೂ ಓದಿ : 'ಅಯೋಗ್ಯ-2' ಸೆಟ್ಟೇರುವುದು ಗ್ಯಾರಂಟಿ..! ಸಿನಿಮಾ ಶೂಟಿಂಗ್‌ಗೆ ಕೌಂಟ್‌ಡೌನ್..!

ಇಷ್ಟೆಲ್ಲಾ ಹೇಳಿದ ಮೇಲೆ ಎಸ್.‌ನಾರಾಯಣ್‌ (S. Narayan) ಅವರ ನಟನೆ ಬಗ್ಗೆ ಹೇಳದೆ ಇರೋದಕ್ಕೆ ಆಗುತ್ತಾ..? ಎಸ್‌.ನಾರಾಯಣ್‌ ಅವರು ಖಡಕ್‌ ಅಪ್ಪನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೂ ಅವರ ಡೈಲಾಗ್‌ಗಳು ಮಾತ್ರ ಸಿಕ್ಕಾಪಟ್ಟೆ ಇಷ್ಟವಾಗುತ್ತವೆ. ಹಾಗೇ ಸಿಟ್ಟಿನಲ್ಲೇ ಎಲ್ಲರನ್ನೂ ನಗಿಸುತ್ತಾರೆ. ಒಟ್ಟಾರೆ ಹೇಳೋದಾದ್ರೆ ಫ್ಯಾಮಿಲಿ ಎಂಟರ್‌ಟೈನ್‌ಮೇಂಟ್‌ ಜೊತೆಗೆ ಈಗಿನ ಜಮಾನವನ್ನೂ ರಂಜಿಸಿರುವ ಓಲ್ಡ್‌ ಮಾಂಕ್‌ಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ.