Jailer : `ಜೈಲರ್- 2 ಫಿಕ್ಸ್? ಡ್ರೀಮ್ ಪ್ರಾಜೆಕ್ಟ್ ಬಗ್ಗೆ ನೆಲ್ಸನ್ ಹೇಳಿದ್ದೇನು ಗೊತ್ತಾ..?

Jailer : ಜೈಲರ್‌ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಘರ್ಜಿಸುತ್ತಿರುವುದು ಗೊತ್ತೆಯಿದೆ. ಸನ್‌ ಪಿಕ್ಚರ್ಸ್ ಸಂಸ್ಥೆಯ ನಿರ್ಮಾಣದಡಿಯಲ್ಲಿ ಮೂಡಿಬಂದ ಮಾಸ್ ಎಂಟರ್‌ಟೈನರ್ 'ಜೈಲರ್‌' ರಜನಿಕಾಂತ್‌ ಲೆವೆಲ್‌ಗೆ ಹೇಳಿ ಮಾಡಿಸಿದ ಸಿನಿಮಾ. ಹೌದು ಈ ಸಿನಿಮಾ ಬರೀ 4 ದಿನಕ್ಕೆ ಸಿನಿಮಾ 300 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿ ಮುನ್ನುಗ್ಗುತ್ತಿದೆ. 

ಇನ್ನು ಈ ಚಿತ್ರದ ಪ್ರತಿ ಪಾತ್ರವನ್ನು ಪ್ರೇಕ್ಷಕರು ಎಂಜಾಯ್‌ ಮಾಡುತ್ತಿದ್ದಾರೆ. ಹೌದು ಜೈಲರ್‌ ಚಿತ್ರದಲ್ಲಿ ಶಿವರಾಜ್‌ಕುಮಾರ್‌ ಅವರು ಕ್ಷಣ ಹೊತ್ತು ತೆರೆಮೇಲೆ  ಬಂದು ಹೋಗುವ ಸೀನ್‌ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಜೊತೆಗೆ ಹಿಂದೆಂದೂ ಶಿವಣ್ಣನ ಸಿನಿಮಾಗಳನ್ನು ನೋಡಿರದ ತಮಿಳಿಗರು ಇದೀಗ ಅವರ ಸಿನಿಮಾಗಳನ್ನು ಮಿಸ್‌ ಮಾಡದೇ ನೋಡ್ತೀವೆ ಎನ್ನುತ್ತಿದ್ದಾರೆ.

ಇದನ್ನೂ ಓದಿ-'ಡಿ 51' ಚಿತ್ರದಲ್ಲಿ ಕಿರಿಕ್‌ ಬೆಡಗಿ...ಧನುಷ್​ ಜತೆ ರೊಮ್ಯಾನ್ಸ್ ಮಾಡಲಿರುವ ರಶ್ಮಿಕಾ ಮಂದಣ್ಣ!

ಇನ್ನು ನಿರ್ದೇಶಕ ಸಾಲು ಸಾಲು ಸಂದರ್ಶನಗಳಲ್ಲಿ ಭಾಗವಹಿಸಿದ ನೆಲ್ಸನ್‌ ಜೈಲರ್‌ ಚಿತ್ರದ ಬಗ್ಗೆ ಮಾತನಾಡಿದ್ದಾರೆ. ಈ ಕುರಿತು ಬಾಕ್ಸಾಫೀಸ್ ವಿಶ್ಲೇಷಕ ಮನೋಬಲ ಟ್ವೀಟ್ ಮಾಡಿದ್ದಾರೆ. "ಜೈಲರ್‌2 ಸಿನಿಮಾ ಮಾಡುವ ಪ್ಲ್ಯಾನ್‌ ಕೂಡಾ ಇದೆ. 

ಅಲ್ಲದೇ ನಯನತಾರಾ ಜೊತೆಗಿನ 'ಕೊಲಮಾವು ಕೋಕಿಲ', ಶಿವ ಕಾರ್ತಿಕೇಯ ಅವರ 'ಡಾಕ್ಟರ್' ಮತ್ತು ವಿಜಯ್ ದಳಪತಿ ಜೊತೆ 'ಬೀಸ್ಟ್' ಚಿತ್ರಗಳ ಮುಂದಿನ ಭಾಗಗಳನ್ನು ಮಾಡುವ ಆಲೋಚನೆಯೂ ಇದೆ. 

ಇನ್ನು ಇದೇ ವೇಳೆ ನೆಲ್ಸನ್‌ ಸೂಪರ್ ಸ್ಟಾರ್ ರಜನಿಕಾಂತ್ ಹಾಗೂ ದಳಪತಿ ವಿಜಯ್ ಇಬ್ಬರನ್ನು ಒಂದೇ ಚಿತ್ರದಲ್ಲಿ ನಿರ್ದೇಶನ ಮಾಡುವ ತಮ್ಮ ಡ್ರೀಮ್‌ ಪ್ರಾಜೆಕ್ಟ್‌ ಬಗ್ಗೆಯೂ ಮಾತನಾಡಿದ್ದಾರೆ. ಈ ಇಬ್ಬರು ಸ್ಟಾರ್‌ ನಟರಿಗೆ ಆಕ್ಷನ್ ಕಟ್ ಹೇಳಿರುವ ನಿರ್ದೇಶಕರು ಇದೀಗ ಇಬ್ಬರನ್ನು ಸೇರಿಸಿ ಸಿನಿಮಾ ಮಾಡುವ ತಮ್ಮ ಆಸೆಯನ್ನು ಹೇಳಿಕೊಂಡಿದ್ದಾರೆ.