'ಡಿ 51' ಚಿತ್ರದಲ್ಲಿ ಕಿರಿಕ್‌ ಬೆಡಗಿ...ಧನುಷ್​ ಜತೆ ರೊಮ್ಯಾನ್ಸ್ ಮಾಡಲಿರುವ ರಶ್ಮಿಕಾ ಮಂದಣ್ಣ!

Rashmika Mandanna-Dhanush : ನ್ಯಾಷನಲ್‌ ಕ್ರಶ್‌ ರಶ್ಮಿಕಾ ಮಂದಣ್ಣ ಪುಷ್ಪ 2 ನಂತರ ಯಾವುದೇ ಸಿನಿಮಾದಲ್ಲಿ ಬ್ಯುಸಿಯಾಗಿರಲಿಲ್ಲ. ಆದರೆ ಇದೀಗ ಕಿರಿಕ್‌ ಬೆಡಗಿ 'ಡಿ 51' ಚಿತ್ರದಲ್ಲಿ ಧನುಷ್​ ಜತೆ ರೊಮ್ಯಾನ್ಸ್ ಮಾಡಲಿದ್ದಾರೆ ಎನ್ನುವ ಮಾಹಿತಿ ಲಭಿಸಿದೆ.

Rashmika Mandanna : ನಿರ್ದೇಶಕ ಶೇಖರ್ ಕಮ್ಮುಲ ಅವರ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಸಿನಿಮಾ 'ಡಿ 51'. ಈ ಚಿತ್ರದಲ್ಲಿ ಧನುಷ್​ಗೆ ನಾಯಕಿಯಾಗಿ ರಶ್ಮಿಕಾ ನಟಿಸಲಿದ್ದು, ಈ ಕುರಿತು ಸ್ವತಃ ರಶ್ಮಿಕಾ ಮಂದಣ್ಣ ಪೋಸ್ಟ್‌ ಒಂದನ್ನು ಶೇರ್‌ ಮಾಡಿಕೊಂಡಿದ್ದಾರೆ. 

ನಟಿ ರಶ್ಮಿಕಾ ಹಾಗೂ ನಟ ಧನುಷ್‌ ಇಬ್ಬರು ಮೊದಲು ಬಾರಿಗೆ ತೆರೆ ಹಂಚಿಕೊಳ್ಳುತ್ತಿದ್ದು, ಸಹಜವಾಗಿಯೇ ಈ ಸಿನಿಮಾ ಕುತೂಹಲಕ ಹೆಚ್ಚಿಸುತ್ತದೆ. ಇನ್ನು ಡಿ 51 ಎಂದು ಚಿತ್ರಕ್ಕೆ ತಾತ್ಕಾಲಿಕವಾಗಿ ನಾಮಕರಣ ಮಾಡಲಾಗಿದೆ. 

View this post on Instagram

A post shared by Rashmika Mandanna (@rashmika_mandanna)

ಇದನ್ನೂ ಓದಿ-Upendra Controversy : ನಟ ಉಪೇಂದ್ರಗೆ ಬಂಧನ ಭೀತಿ! ರಿಯಲ್​ ಸ್ಟಾರ್‌ ಮನೆಗೆ ಬಂತು ಪೊಲೀಸ್ ನೋಟಿಸ್​?

ಈ ಚಿತ್ರದ ಮತ್ತೊಂದು ವಿಶೇಷತೆಯೆಂದರೇ ಇದು ಧನುಷ್‌ ಅವರ ಮೊದಲ ತೆಲುಗು ಸಿನಿಮಾ. ಸದ್ಯ ಈ ಚಿತ್ರದ ಪೂರ್ವ ನಿರ್ಮಾಣ ಆರಂಭವಾಗಿದ್ದು, ಡಿಸೆಂಬರ್‌ನಿಂದ ಚಿತ್ರೀಕರಣ ನಡೆಯಲಿದೆ ಎನ್ನಲಾಗುತ್ತಿದೆ. 

ಧನುಷ್‌ ಹಾಗೂ ಶೇಖರ್ ಕಮ್ಮುಲ ಅವರ ಈ ಬಿಗ್‌ ಬಜೆಟ್‌ ಚಿತ್ರ ಹಿಂದಿ, ತೆಲುಗು ಹಾಗೂ ತಮಿಳಿನಲ್ಲಿ ಬಿಡುಗಡೆಯಾಗಲಿದೆ. ಜೊತೆಗೆ ಈ ಚಿತ್ರದಲ್ಲಿ ಬೇರೆ ಭಾಷೆಯ ನಟರು ನಟಿಸುವ ಸಾಧ್ಯತೆ ಇದ್ದು, ಈ ಬಗ್ಗೆ ಚಿತ್ರತಂಡ ಅಧಿಕೃತವಾಗಿ ಘೋಷಿಸಿಲ್ಲ.