Jawan: ಓಟಿಟಿ ಅಂಗಳಕ್ಕೆ ಕಾಲಿಟ್ಟ ಶಾರುಖ್‌ ನ್ಯೂ ಸಿನಿಮಾ...ಯಾವ ವೇದಿಕೆಯಲ್ಲಿ ಸ್ಟ್ರೀಮಿಂಗ್ ಆಗಲಿದೆ?

Jawan: ಒಂದು ಕಾಲದಲ್ಲಿ ಕಿಂಗ್ ಖಾನ್ ಆಗಿ ಬಾಲಿವುಡ್ ಬಾಕ್ಸ್ ಆಫೀಸ್ ಅನ್ನು ತನ್ನ ಕಣ್ಣುಗಳಿಂದಲೇ ಆಳುತ್ತಿದ್ದ ಶಾರುಖ್ ಗೆ ಸತತ ಸೋಲುಗಳು ಎದುರಾಗಿದ್ದವು. ಆದರೆ ಪಠಾನ್‌ ಸಿನಿಮಾ ಮೂಲಕ ಶಾರುಖ್‌ ಮತ್ತೆ ಕಂಬ್ಯಾಕ್‌ ಮಾಡಿದ್ದರು. ಸದ್ಯ ಜವಾನ್‌ ಸಿನಿಮಾದಿಂದ ಯಶಸ್ಸಿನ ಕುದುರೆಯನ್ನೇ ಏರಿದ್ದಾರೆ. 

ಹೌದು ಜವಾನ್‌ ಸಿನಿಮಾ ಟೈಟಲ್‌ನಿಂದಲೇ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿತ್ತು. ಇದಾದನಂತರ ಯಾವುದೇ ಹಿಂಟ್‌ ಬಿಟ್ಟುಕೊಡದೇ ನಿರ್ಮಾಣವಾದ ಸಿನಿಮಾ ತನ್ನ ಬಹುಮುಖಪ್ರತಿಭೆಯ ತಾರಾಗಣದಿಂದ ಅಭಿಮಾನಿಗಳ ಗಮನ ಸೆಳೆದಿತ್ತು. ಹೀಗೆ ಅಭಿಮಾನಿಗಳಲ್ಲಿ ಕ್ರೇಜ್‌ ಹೆಚ್ಚಿಸಿದ ಜವಾನ್ ಸೆಪ್ಟೆಂಬರ್ 07ರಂದು ಬಿಡುಗಡೆಯಾಗಿ ಭರ್ಜರಿ ಸೌಂಡ್‌ ಮಾಡುವುದರ ಜೊತೆಗೆ ಕಲೆಕ್ಷನ್‌ ಸಹ ಮಾಡಿತ್ತು.

ಅಟ್ಲಿ ನಿರ್ದೇಶನದಲ್ಲಿ ಮೂಡಿಬಂದ ಈ ಸಿನಿಮಾ ಸೂಪರ್‌ ಹಿಟ್‌ ಪಟ್ಟಿಗೆ ಸೇರಿಕೊಂಡಿದ್ದು, ಇದೆಲ್ಲದರ ನಡುವೆ ಈ ಸಿನಿಮಾ ಒಟಿಟಿಯಲ್ಲಿ ಬರೋದ್ಯಾವಾಗ ಎನ್ನುವ ಚರ್ಚೆಯೊಂದು ಶುರುವಾಗಿತ್ತು ಇದೀಗ ಆ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. 

ಇದನ್ನೂ ಓದಿ-Appu: ಜೊತೆಗಿರದ ಜೀವ ಎಂದಿಗೂ ಜೀವಂತ... ಸ್ಯಾಂಡಲ್‌ವುಡ್‌ ʼಪರಮಾತ್ಮʼನಿಗೆ ಇಂದಿಗೆ 12 ವರ್ಷ...!

ಹಿಂದಿ, ತೆಲುಗು, ತಮಿಳು, ಕನ್ನಡ ಸೇರಿದಂತೆ ಮಲಯಾಳಂ ಭಾಷೆಗಳಲ್ಲಿ ಸೆ. 7 ರಂದು ವಿಶ್ವದಾದ್ಯಂತ ರಿಲೀಸ್‌ ಆದ ಜವಾನ್ ಸಿನಿಮಾ, ಸದ್ಯ ಸಾವಿರ ಕೋಟಿ ಪ್ಲಸ್‌ ಕಲೆಕ್ಷನ್ ಮಾಡಿದ್ದು, ಈ ಚಿತ್ರದ ಡಿಜಿಟಲ್‌ ಹಕ್ಕನ್ನು ನೆಟ್‌ಫ್ಲಿಕ್ಸ್‌ ಸಂಸ್ಥೆ ದೊಡ್ಡ ಮೊತ್ತಕ್ಕೇ ಖರೀದಿಸಿದೆ ಎನ್ನುವ ಸುದ್ದಿ ಈ ಹಿಂದೆಯೇ ಹೊರಬಿದ್ದಿತ್ತು. ಇದೀಗ ಅದಕ್ಕೆ ಕ್ಲ್ಯಾರೀಟಿ ಸಿಕ್ಕಿದೆ.

ಕೆಲವು ಇತ್ತೀಚಿನ ಮೂಲಗಳ ಪ್ರಕಾರ ಜವಾನ್ ಚಿತ್ರ ನವೆಂಬರ್ 2ರಂದು, ಅಂದರೇ ಶಾರುಖ್ ಹುಟ್ಟುಹಬ್ಬದ ಪ್ರಯುಕ್ತ  ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡಗಡೆಯಾಗಲಿದೆ. ಇಷ್ಟೇ ಅಲ್ಲ ಈ ಸಿನಿಮಾ ಓಟಿಟಿ ವೇದಿಕೆಯಲ್ಲಿ ಹೆಚ್ಚುವರಿ ದೃಶ್ಯಗಳನ್ನೂ ಒಳಗೊಂಡು ಭರ್ಜರಿಯಾಗಿ ಎಂಟ್ರಿಕೊಡಲಿದೆ. 

ಇನ್ನು ಈ ಸಿನಿಮಾದಲ್ಲಿ ಸೌತ್‌ ನಟಿ ನಯನತಾರಾ, ಶಾರುಖ್ ಖಾನ್,  ವಿಜಯ್ ಸೇತುಪತಿ, ಪ್ರಿಯಾಮಣಿ, ದೀಪಿಕಾ ಪಡುಕೋಣೆ ಸೇರಿದಂತೆ ಹಲವಾರು ಕಲಾವಿದರು ಚಿತ್ರದಲ್ಲಿ ಪ್ರಮುಖ ಪಾತ್ರವರ್ಗದಲ್ಲಿ ಮಿಂಚಿದ್ದಾರೆ.