ಶಶಾಂಕ್‌ ಕ್ಯಾರೆಕ್ಟರ್‌ ಇರೋ ಹುಡುಗ ನನ್ಗೆ ಬೇಡ, ಇವನು ತುಂಬಾ ಕಿರಿಕಿರಿ ಮಾಡ್ತಾನೆ...!

Jenugudu Kannada serial : ಜೀ ಕನ್ನಡ ನ್ಯೂಸ್‌ ಜೊತೆ ʼಜೇನುಗೂಡುʼ ಧಾರಾವಾಹಿಯ ನಾಯಕ ಶಶಾಂಕ್‌ ಪಾತ್ರಧಾರಿ ನಟ ಆರವ್‌ ಸೂರ್ಯ ಹಾಗು ನಾಯಕಿ ದಿಯಾ ಪಾತ್ರಧಾರಿ ನಟಿ ನಿತ್ಯಾ ಗೌಡ ಮಾತನಾಡಿದ್ದಾರೆ. ಖುಷಿ, ಹರಟೆ, ಲೇವಡಿ ಮಾಡಿಕೊಂಡ ವೀಕ್ಷಕರ ಅಚ್ಚುಮೆಚ್ಚಿನ ಈ ಜೋಡಿ ತಮ್ಮ ಧಾರಾವಾಹಿ ಜರ್ನಿಯನ್ನ ಹಂಚಿಕೊಂಡಿದ್ದಾರೆ.

ದಿಯಾ ಪಾತ್ರಕ್ಕೆ ಸೆಲೆಕ್ಟ್‌ ಆಗಿದ್ದಾಗ ಕ್ಯಾಮರಾ ಸೆನ್ಸ್‌ ಇರಲಿಲ್ಲ, ನಟನೆ ಏನು ಅಂತಾ ಗೊತ್ತಿರಲಿಲ್ಲಾ, ಸೀರಿಯಲ್‌ ಶೂಟಿಂಗ್‌ ಹೇಗಿರುತ್ತೆ ಅಂತಾ ಗೊತ್ತಿರಲಿಲ್ಲಾ, ಇದು ನನ್ನ ಮೊದಲನೆ ಧಾರಾವಾಹಿ ಮೊದಲನೆ ಪಾತ್ರವೇ ದಿಯಾ ಪಾತ್ರ ಈಗ ಎಲ್ಲರ ಬೆಂಬಲದಿಂದ ನಟನೆಯನ್ನ ಕಲಿತಿದ್ದೇನೆ, ವೀಕ್ಷಕರಿಗೆ ದಿಯಾ ಪಾತ್ರ ಇಷ್ಟವಾಗುತ್ತಿದೆ ಅಂದರೆ ಅದಕ್ಕೆ ಕಾರಣವೇ ಧಾರಾವಾಹಿ ನಿರ್ದೇಶಕರು ಹಾಗು ಧಾರಾವಾಹಿ ತಂಡ ಎಂದು ನಿತ್ಯಾ ಗೌಡ ಹೇಳಿದರು.

ನಿಮಗೆ ಮದುವೆಯಾಗುವ ಹುಡುಗ ಹೇಗಿರಬೇಕು? ಎಂಬ ಪ್ರಶ್ನೆಗೆ ಉತ್ತರಿಸಿದ ನಿತ್ಯಾ ಗೌಡ ಶಶಾಂಕ್‌ ಕ್ಯಾರೆಕ್ಟರ್‌ ಹುಡುಗ ಬೇಡ, ಶಶಾಂಕ್‌ ತುಂಬಾ ಕಿರಿಕಿರಿ ಮಾಡ್ತಾನೆ. ಲೈಫಿನಲ್ಲಿ ಸೆಟೆಲ್‌ ಆಗಿರುವ ಹುಡುಗ ಬೇಕು ಎಂದು ನಿತ್ಯಾ ಕಾಲೆಳೆದರು.... ಜೊತೆಗೆ ಮುಂಬರುವ ದಿನಗಳಲ್ಲಿ ದಿಯಾ ಪಾತ್ರದಲ್ಲಿ ಬಹಳಷ್ಟು ಟ್ವಿಸ್ಟ್‌ ಅಂಡ್‌ ಟರ್ನ್ಸ್‌ ಬರಲಿದೆ. ವೀಕ್ಷಕರು ಇದರಿಂದ ಸಪ್ರೈಸ್‌ ಆಗಲಿದ್ದಾರೆ ಎಂದು ಹೇಳಿದರು. 

ಇನ್ನು ನಟ ಆರ್‌ ಸೂರ್ಯ ಮಾತನಾಡಿ, ಬೇರೆ ಎಲ್ಲಾ ಧಾರಾವಾಹಿಗಳಿಗಿಂತ ಜೇನುಗೂಡು ಸೀರಿಯಲ್‌ ವಿಭಿನ್ನವಾಗಿದೆ. ಜೇನುಗೂಡು ಧಾರಾವಾಹಿಯಲ್ಲಿ ಪ್ರತಿಯೊಂದು ಪಾತ್ರಕ್ಕೂ ಅದರದ್ದೇ ಆದಂತಹ ತೂಕ ಇದೆ.. ಆದರೆ ನನ್ನ ವಿಚಾರ ಬಂದಾಗ ಸಾಕಷ್ಟು ಅಭಿಮಾನಿಗಳು ಕೆಟ್ಟದಾಗಿ ಕಮೆಂಟ್ಸ್‌ ಮಾಡಿದ್ದಾರೆ ಇದು ಕೇವಲ ಕಾಲ್ಪನಿಕ ಧಾರಾವಾಹಿ ಕಥೆ ವೀಕ್ಷಕರು ಇದೆಲ್ಲಾ ನಿಜ ಎಂದು ಊಹಿಸಿಕೊಳ್ಳಬೇಡಿ ಎಂದರು.