Ashika Ranganath: ‘ಚುಟು ಚುಟು ಬೆಡಗಿ’ಯ ಈ ವಿಷಯ ಕೇಳಿದ್ರೆ ಶಾಕ್ ಆಗ್ತೀರಾ!

ಬೆಂಗಳೂರು: ಚುಟು ಚುಟು, ಚುಮು ಚುಮು ಬೆಡಗಿಗೆ ಕಂಕಣ ಭಾಗ್ಯ ಕೂಡಿ ಬಂದಿದೆ. ಇದು ಪಡ್ಡೆ ಹುಡುಗರ ನೋವಿಗೆ ಕಾರಣವಾಗಿದೆ. ಯಾರಪ್ಪ ಆ ಚುಟುಚುಟು ಸುಂದರಿ ಅಂದ್ರೆ, ಅದುವೇ ಆಶಿಕಾ ರಂಗನಾಥ್(Ashika Ranganath) .‌ ಹಾಗಾದ್ರೆ ಎಂಗೇಜ್‌ ಆಗಿದ್ದಾರಾ ಆಶಿಕಾಅಂತ ನಿಮ್ಮ ತಲೆಯಲ್ಲಿ ಪ್ರಶ್ನೆ ಮೂಡಬಹುದು. ಅದಕ್ಕೆ ಉತ್ತರ ಇಲ್ಲಿದೆ ನೋಡಿ.

ಆಶಿಕಾ ರಂಗನಾಥ್‌ ಅಂದ್ರೆ ಕನ್ನಡದ ಬ್ಯೂಟಿಫುಲ್‌ ಸ್ಟಾರ್‌ ನಟಿ. 2016ರಲ್ಲಿ ‘ಕ್ರೇಜಿ ಬಾಯ್’(Crazy boy) ಚಿತ್ರದ ಮೂಲಕ ಸಿನಿ ಜರ್ನಿ ಆರಂಭಿಸಿದ ಚೆಲುವೆ ಆಶಿಕಾ ರಂಗನಾಥ್ ಕನ್ನಡಿಗರಿಗೆ ಚುಟು ಚುಟು ಹುಡುಗಿ. ಸುಮಾರು 14 ಸಿನಿಮಾಗಳಲ್ಲಿ ನಟಿಸಿರುವ ಅಶಿಕಾ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿದ್ದಾರೆ

ಇದನ್ನೂ ಓದಿ: Girki: ‘ಗಿರ್ಕಿ’ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಿದ ಸೆಂಚುರಿ ಸ್ಟಾರ್ ಶಿವಣ್ಣ

ಸೋಷಿಯಲ್ ಮೀಡಿಯಾ(Social Media)ದಲ್ಲಿ ಅಪ್ಲೋಡ್ ಮಾಡುವ ಇವರ ಸ್ಟೈಲಿಶ್ ಫೋಟೋಗಳು ಪಡ್ಡೆ ಹುಡುಗರ ನಿದ್ದೆಗೆಡಿಸಿವೆ ಎನ್ನಬಹುದು. ಕೈ ತುಂಬಾ ಸಿನಿಮಾಗಳನ್ನು ಇಟ್ಟುಕೊಂಡು ಸಖತ್ ಬ್ಯುಸಿಯಾಗಿರುವ ಆಶಿಕಾ, ಸಪ್ತಪದಿ ತುಳಿಯಲು ಸಜ್ಜಾಗಿದ್ದಾರೆ ಎನ್ನುವ ಮಾತು ಗಾಂಧಿನಗರದಲ್ಲಿ ಹರಿದಾಡುತ್ತಿದೆ.

ಬೆಂಗಳೂರಿನಲ್ಲೇ ತುಂಬಾ ಗ್ರ್ಯಾಂಡ್‌ ಆಗಿ ಎಂಗೇಜ್​ ಆಗಲಿದ್ದಾರೆ ಅನ್ನೋ ಮಾಹಿತಿ ಕೂಡ ಇದೆ. ಆಶಿಕಾ ಮದುವೆ ಎಂದು ಕೇಳುತ್ತಿದ್ದಂತೆ ಜನರಿಗೆ ಕ್ಯೂರಿಯಾಸಿಟಿ ಹೆಚ್ಚಾಗಿದೆ. ನೀವೇ ಇಷ್ಟೊಂದು ಬ್ಯೂಟಿಫುಲ್, ಇನ್ನು ನಿಮ್ಮ ಹುಡುಗ ಎಷ್ಟು ಹ್ಯಾಂಡ್ಸಂ ಇರಬಹುದು ಎಂದು ಪ್ರಶ್ನೆ ಮಾಡುತ್ತಿದ್ದಾರೆ. ಆಶಿಕಾ ಸೋಷಿಯಲ್ ಮೀಡಿಯಾ(Social Media)ದಲ್ಲಿ ಹಂಚಿಕೊಳ್ಳುವ ಸೀರೆ ಲುಕ್‌ ನೋಡಿ ಅನೇಕರು ಪಕ್ಕಾ ಮನೆ ಮಗಳು, ನನ್ನ ಮದುವೆಯಾಗಿ ಎಂದು ನೇರವಾಗಿ ಪ್ರಪೋಸಲ್ ಇಡುತ್ತಿದ್ದರು.

ಆಶಿಕಾ(Ashika Ranganath) ಮದುವೆ ಸುದ್ದಿ ಕೇಳಿ ಇದೀಗ ಅಭಿಮಾನಿಗಳು ಶಾಕ್‌ ಆಗಿದ್ದಾರೆ. ಅದರಲ್ಲೂ ಪಡ್ಡೆ ಹುಡುಗರಂತೂ ಆಶಿಕಾಗೆ ಮದ್ವೇನಾ..? ಈ ನೋವನ್ನು ಹೆಂಗಪ್ಪಾ ತಡ್ಕೊಳ್ಳೋದು ಅಂತಾ  ಮನದಲ್ಲೇ ಮುನಿಸಿಕೊಳ್ಳುವಂತಾಗಿದೆ. ಆ ಲಕ್ಕಿ ಬಾಯ್‌ ಯಾರು ಅನ್ನೋದನ್ನು ಆಶಿಕಾ ಯಾವಾಗ ರಿವೀಲ್‌ ಮಾಡ್ತಾರೆ ಅಂತ ಕಾದು ನೋಡಬೇಕಿದೆ.