ನವದೆಹಲಿ: 70ರ ದಶಕದ ಬಾಲಿವುಡ್ ನ ಆಂಗ್ರಿ ಹಾಗೂ ಡೆಯರಿಂಗ್ ನಾಯಕರನ್ನು ಮೆಚ್ಚುವವರಿಗೆ ಡಿಸೆಂಬರ್ 2018 ಹೊಸವರ್ಷದ ಕೊಡುಗೆಯ ರೂಪದಲ್ಲಿ ಸೂಪರ್ ಸ್ಟಾರ್ ಯಶ್ ಅಭಿನಯದ 'KGF' ನೀಡಿತ್ತು. ಆ ಬಳಿಕ ಈ ಚಿತ್ರದ ಎರಡನೇ ಅವತರಿಣಿಕೆ ಅಂದರೆ  'KGF CHAPTER 2' ಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಸದ್ಯ ಈ ಅವತರಿಣಿಕೆಯ ಅದ್ಧೂರಿ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು, ಬಿಡುಗಡೆಯಾಗುತ್ತಿದ್ದಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ.


COMMERCIAL BREAK
SCROLL TO CONTINUE READING

ಕಳೆದ ವರ್ಷ ಬಿಡುಗಡೆಗೊಂಡ ಯಶ್ ಅಭಿನಯದ 'KGF CHAPTER 1' ಹಲವು ದಾಖಲೆಗಳನ್ನು ತನ್ನ ಹೆಸರಿಗೆ ಬರೆದಿತ್ತು. ಅಷ್ಟೇ ಅಲ್ಲ ಚಿತ್ರ ವಿಮರ್ಶಕರಿಂದ ಹಾಗೂ ವೀಕ್ಷಕರಿಂದ ಈ ಚಿತ್ರಕ್ಕೆ ಸಕತ್ ರಿಸ್ಪಾನ್ಸ್ ದೊರೆತಿತ್ತು. ಸದ್ಯ ಈ ಚಿತ್ರದ ಎರಡನೇ ಅವತರಿಣಿಕೆ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸಲು ಸಜ್ಜಾಗುತ್ತಿದೆ. ಇಂದು ಚಿತ್ರ ತಂಡ ಈ ಚಿತ್ರದ ಫಸ್ಟ್ ಲುಕ್ ಜಾರಿಗೊಳಿಸಿದ್ದು, ಇದು ಸಾಮಾಜಿಕ ಮಾಧ್ಯಮಗಳಲ್ಲಿ ಹೊಸ ಸೆನ್ಸೇಷನ್ ಹುಟ್ಟು ಹಾಕಲಾರಂಭಿಸಿದೆ. ಈ ಪೋಸ್ಟರ್ ಅಧಿಕೃತವಾಗಿ ಬಿಡುಗಡೆಯಾಗುತ್ತಿದ್ದಂತೆ ಟ್ವಿಟ್ಟರ್ ನಲ್ಲಿ #KGFChapter2FirstLook ಟ್ರೆಂಡ್ ಸೃಷ್ಟಿಸಲಾರಂಭಿಸಿದೆ. ಈ ಪೋಸ್ಟರ್ ಅನ್ನು ಒಮ್ಮೆ ನೀವೂ ನೋಡಿ..



ಸದ್ಯ ಬಿಡುಗಡೆಯಾಗಿರುವ ಈ ಪೋಸ್ಟರ್ ನಲ್ಲಿ ಯಶ್ ಮತ್ತೊಮ್ಮೆ ತಮ್ಮ ಜಬರ್ದಸ್ತ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇದರಲ್ಲಿ ಅವರ ಕೈಯಲ್ಲಿ ದೊಡ್ಡದಾದ ಹಗ್ಗವಿದ್ದು, ಹಗ್ಗದ ಸಹಾಯದಿಂದ ಬೃಹತ್ ಗಾತ್ರದ ವಸ್ತುವೊಂದನ್ನು ಅವರು ನಿಲ್ಲಿಸಲು ಸಹಾಯ ಮಾಡುತ್ತಿದ್ದಾರೆ. ಇನ್ನೊಂದೆಡೆ ಈ ಪೋಸ್ಟರ್ ನ ಅಡಿಯಲ್ಲಿ 'REBULDING AN EMPIRE' ಎಂಬ ಅಡಿಬರಹ ಬರೆಯಲಾಗಿದ್ದು, ಈ ಅವತರಿಣಿಕೆಯಲ್ಲಿ ಯಶ್ ಮೊದಲಿಗಿಂತಲೂ ಜಬರ್ದಸ್ತ್ ಭೂಮಿಕೆಯಲ್ಲಿ ಕಂಡುಬರಲಿದ್ದಾರೆ ಎಂಬುದನ್ನು ಸೂಚಿಸುತ್ತಿದೆ.


ಈ ಚಿತ್ರ ಹಿಂದಿ, ತಮಿಳ್, ತೆಲುಗು ಹಾಗೂ ಮಲಯಾಳಂ ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಗೊಳ್ಳಲಿದೆ. ಈ ಚಿತ್ರದಲ್ಲಿ ಸೂಪರ್ ಸ್ಟಾರ್ ಯಶ್ ಹಾಗೂ ಶ್ರೀನಿಧಿ ಶೆಟ್ಟಿ ಸೇರಿದಂತೆ ಸಂಜಯ್ ದತ್ ಹಾಗೂ ರವೀನಾ ಟಂಡನ್ ಕೂಡ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.