ಕಾಂತಾರ ಸಿನಿಮಾ ಕಲಾವಿದರು ತೆರಳುತ್ತಿದ್ದ ವಾಹನ ಪಲ್ಟಿ

ಮಂಗಳೂರು: ರಿಷಬ್​ ಶೆಟ್ಟಿ ಕಾಂತಾರ: ಚಾಪ್ಟರ್​ 1 ಸಿನಿಮಾ ಕಲಾವಿದರು ತೆರಳುತ್ತಿದ್ದ ಬಸ್​ ಪಲ್ಟಿಯಾಗಿದೆ ಎಂದು ತಿಳಿದುಬಂದಿದೆ. ಸಿನಿಮಾ ಚಿತ್ರೀಕರಣಕ್ಕಾಗಿ ಜೂನಿಯರ್​ ಕಲಾವಿದರನ್ನು ಕರೆದುಕೊಂಡು ಹೋಗಿದ್ದ ಮಿನಿ ಬಸ್ ಅಪಘಾತಕ್ಕೀಡಾಗಿದೆ. 

ಕೊಲ್ಲೂರು ಸಮೀಪದ ಜಡ್ಕಳ್ ಬಳಿ ಕಾಂತಾರ ಚಿತ್ರದ ಕಲಾವಿದರು ತೆರಳುತ್ತಿದ್ದ ಬಸ್‌ ಪಲ್ಟಿಯಾಗಿದೆ. ಈ ವೇಳೆ ಆರು ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಂಭೀರ ಗಾಯಗಳಾದ ಆರು ಜನರಿಗೆ ಕುಂದಾಪುರ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನೂ ಹಲವರಿಗೆ ಸಣ್ಣ ಪುಟ್ಟ ಗಾಯಗಳಾಗಿದ್ದು ಜಡ್ಕಲ್ ಮಹಾಲಕ್ಷ್ಮಿ ಕ್ಲಿನಿಕ್ ನಲ್ಲಿ ಚಿಕಿತ್ಸೆ ಕೊಡಿಸಲಾಗಿದೆ.

ಕರಾವಳಿ ಭಾಗದ ಬೇರೆ ಬೇರೆ ಜಾಗಗಳಲ್ಲಿ ಕಾಂತಾರ: ಚಾಪ್ಟರ್​ 1 ಚಿತ್ರೀಕರಣ ನಡೆಯುತ್ತಿದೆ. ಮುದೂರಿನಲ್ಲಿ ಚಿತ್ರೀಕರಣ ಮುಗಿಸಿ ಕೊಲ್ಲೂರಿಗೆ 25 ಕಲಾವಿದರು ಈ ಮಿನಿ ಬಸ್‌ನಲ್ಲಿ  ಹೋಗುತ್ತಿದ್ದರು. ಕೊಲ್ಲೂರಿನ ದಾರಿ ಮಧ್ಯೆ ಮಿನಿ ಬಸ್​ ಪಲ್ಟಿ ಹೊಡೆದು ಅಪಘಾತ ಸಂಭವಿಸಿದೆ. 

ಇದನ್ನೂ ಓದಿ : ದರ್ಶನ್‌ಗೆ ಆಪರೇಷನ್‌ ಮಾಡಿಲ್ಲ ಅಂದ್ರೆ ಲಕ್ವಾ ಹೊಡೆಯುತ್ತೆ ಅಂದಿದ್ರು..! ಈಗ ಏನೂ ಇಲ್ಲ.. ಹಾಗಿದ್ರೆ ಎಲ್ಲಾ ಸುಳ್ಳಾ..?

ವಿಜಯ್ ಕಿರಗಂದೂರು ಅವರ ಹೊಂಬಾಳೆ ಫಿಲ್ಮ್ಸ್​ ಬ್ಯಾನರ್‌ ಟಡಿಯಲ್ಲಿ ಕಾಂತಾರ: ಚಾಪ್ಟರ್​ 1 ಸಿನಿಮಾ ನಿರ್ಮಾಣ ಕಾರ್ಯ ಭರದಿಂದ ಸಾಗಿದೆ. ರಿಷಬ್​ ಶೆಟ್ಟಿ ಈ ಸಿನಿಮಾದಲ್ಲಿ ನಟಿಸಿ ನಿರ್ದೇಶನ ಕೂಡ ಮಾಡುತ್ತಿದ್ದಾರೆ. ವಿಶ್ವಾದ್ಯಂತ ಹಿಟ್‌ ಪಡೆದಿದ್ದ ಕಾಂತಾರ ಚಿತ್ರದ ಪ್ರೀಕ್ವೆಲ್​ ಆಗಿ ಕಾಂತಾರ: ಚಾಪ್ಟರ್​ 1 ತಯಾರಾಗುತ್ತಿದೆ. 

2025ರ ಅಕ್ಟೋಬರ್​ 2 ರಂದು ಕಾಂತಾರ: ಚಾಪ್ಟರ್​ 1 ಸಿನಿಮಾ ರಿಲೀಸ್ ಆಗಲಿದೆ ಎಂದು ರಿಷನ್‌ ಶೆಟ್ಟಿ ತಿಳಿಸಿದ್ದರು. ಕಾಂತಾರ ಚಿತ್ರದಲ್ಲಿನ ಅದ್ಭುತ ನಟನೆಗಾಗಿ ರಿಷಬ್​ ಶೆಟ್ಟಿ ರಾಷ್ಟ್ರ ಪ್ರಶಸ್ತಿ ಕೂಡ ಪಡೆದಿದ್ದಾರೆ.   

ಇದನ್ನೂ ಓದಿ : ನವೆಂಬರ್ 27ಕ್ಕೆ "ಮ್ಯಾಕ್ಸ್" ನ ಬಹುಮುಖ್ಯ ಘೋಷಣೆ 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.