ಸೀರಿಯಲ್ ಲೋಕಕ್ಕೆ ಕಾಲಿಟ್ಟ ನೇಹಾ ಗೌಡ ರಿಯಲ್‌ ಪತಿ ಚಂದನ್ ಗೌಡ, ಹೇಗಿದೆ ನೋಡಿ ಪಾತ್ರ!

Kannada Serial : ತಮ್ಮ ಪಾತ್ರದ ಕುರಿತು ಮಾತನಾಡಿದ ಅವರು ಅಮ್ಮನ ಮುದ್ದಿನ ಮಗ ಯಾವುದೇ ಜವಾಬ್ದಾರಿ ಇಲ್ಲದ ಸುಶಾಂತ್‌ ಪಾತ್ರ  ತುಂಬಾ ಎಂಜಾಯ್‌ ಮಾಡ್ತಾಇದ್ದೀನಿ, ಧಾರಾವಾಹಿಯಲ್ಲಿ ಸುಶಾಂತ್‌ ರಿಚ್‌ ಕಿಡ್ ಜೀವನದಲ್ಲಿ ಯಾವುದೇ ಗುರಿ ಇಲ್ಲಾ. ಆ ಟೈಮಿನಲ್ಲಿ  ತಂದೆಯ ಮಾತಿನಿಂದ ಹೇಗೆ ಜೀವನ ಬದಲಾಗುತ್ತೆ ಅನ್ನೋದೆ ನನ್ನ ಪಾತ್ರದ ವಿಶೇಷತೆ ಎಂದರು. 

ಉದ್ಯಮಿಯಾಗಬೇಕು ಎಂದು ಕನಸು ಕಾಣುವ ಮಧ್ಯಮ ವರ್ಗದ ಸ್ವಾಭಿಮಾನಿ ಹೆಣ್ಣುಮಗಳು ಆರಾಧನಾ ಮತ್ತು ಕೋಟ್ಯಂತರ ರೂಪಾಯಿ ಆಸ್ತಿ ಇದ್ದರೂ, ತಲೇಲಿ ನೂರಾರು ಐಡಿಯಾಗಳಿದ್ದರೂ, ಜೀವನದಲ್ಲಿ ಕ್ಲಾರಿಟಿಯೇ ಇಲ್ಲದ ಸುಶಾಂತ್ ರಾಜ್ ಪ್ರಧಾನ್ ನಡುವಿನ ಕಥೆಯೇ ‘ಅಂತರಪಟ’. ಅಂತರಪಟ’ ಸೀರಿಯಲ್‌ನಲ್ಲಿ ಶ್ರೀಮಂತ ಹುಡುಗ ಸುಶಾಂತ್ ರಾಜ್ ಪ್ರಧಾನ್ ಆಗಿ ಚಂದನ್ ಗೌಡ ಕಾಣಿಸಿಕೊಳ್ಳಲಿದ್ದಾರೆ. ಆ ಮೂಲಕ ಸೀರಿಯಲ್‌ ಲೋಕಕ್ಕೆ ಚಂದನ್ ಗೌಡ ಪಾದಾರ್ಪಣೆ ಮಾಡಿದ್ದಾರೆ.

ಚಂದನ್‌ ಗೌಡ ಕನ್ನಡದ 'ರಾಜಾ ರಾಣಿ' ರಿಯಾಲಿಟಿ ಶೋನಲ್ಲಿ ರಿಯಲ್‌ ಲೈಫ್‌ ಪತ್ನಿ ನೇಹಾ ಗೌಡ ಜೊತೆ ಭಾಗವಹಿಸಿ ಟ್ರೋಫಿ ಮುಡಿಗೇರಿಸಿಕೊಂಡರು. ಅನೇಕ ವರ್ಷಗಳ ನಂತರ ಚಂದನ್, ನೇಹಾ ಪ್ರೀತಿಗೆ ಮನೆಯವರ ಒಪ್ಪಿಗೆ ಸಿಕ್ಕಿ ಅವರಿಬ್ಬರೂ ಹಸೆಮಣೆ ಏರಿದ್ದರು. ಜೊತೆಗೆ ಸುಶಾಂತ್‌ ಹಾಗು ಚಂದನ್‌ ಗೌಡ ಗೆ ಬಹಳಷ್ಟು ವ್ಯತ್ಯಾಸವಿದೆ, ನನ್ನ ಜೀವನದಲ್ಲಿ ಗುರಿ ಹಾಗು ಕ್ಲಾರಿಟಿ ಇದೆ ಎಂದು ಹೇಳಿದರು. 

ಸೀರಿಯಲ್‌ನಲ್ಲಿ ಸುಶಾಂತ್‌ ಅಮ್ಮನ ಮುದ್ದಿನ ಮಗ ಬೇಜವಾಬ್ದಾರಿ ಹುಡುಗ ಅಪ್ಪನ ಆಸ್ತಿ ಇದೆ, ಆದ್ರೆ ಜೀವನದಲ್ಲಿ ಗುರಿ ಇಲ್ಲಾ. ನನ್ನ ನಿಜ ಜೀವನದಲ್ಲಿ ನಾನು ಕಾಲೇಜ್‌ ಟೈಮಿನಲ್ಲಿ ಹೀಗೆ ಇದ್ದೆ, ಲೈಫಿನಲ್ಲಿ ಏನು ಮಾಡಬೇಕು ಅಂತಾ ಡಿಸೈಡ್‌ ಮಾಡಿರಲಿಲ್ಲಾ. ಹಾಗಾಗಿ ಈ ಪಾತ್ರವನ್ನು ಎಂಜಾಯ್‌ ಮಾಡ್ತಾಇದ್ದೀನಿ ಎಂದು ಹೇಳಿದರು. 

ಇದನ್ನೂ ಓದಿ-ಮನ್‌ ಕಿಬಾತ್‌ 100ನೇ ಸಂಚಿಕೆ ಸಮಾರಂಭದಲ್ಲಿ ಮೋದಿಯವರ ಬಗ್ಗೆ ಮಾತನಾಡಿದ ಆಮಿರ್ ಖಾನ್ ..!