ಜೈಲರ್ ನಲ್ಲಿ ಶಿವರಾಜ್ ಕುಮಾರ್ ಜಬರ್ದಸ್ತ್ ರೋಲ್ ! ರಜನಿಯನ್ನೇ ಮಂಕಾಗಿಸಿದರೆ ಹ್ಯಾಟ್ರಿಕ್ ಹಿರೋ ...

Shivaraj Kumar in Jailer : ಕನ್ನಡದ ಸ್ಟಾರ್ ನಟ ಶಿವರಾಜ್ ಕುಮಾರ್ ಹೊಸ ಅಭಿಮಾನಿ ಬಳಗವನ್ನೇ ಸೃಷ್ಟಿಸಿಕೊಂಡಿದ್ದಾರೆ. ಸೂಪರ್‌ಸ್ಟಾರ್ ರಜನಿಕಾಂತ್ ಅವರ ಜೈಲರ್ ಚಿತ್ರವನ್ನು ವೀಕ್ಷಿಸಿದ ಪ್ರೇಕ್ಷಕರು  ಶಿವಣ್ಣನ ಪಾತ್ರವನ್ನು ಹಾಡಿ ಹೊಗಳುತ್ತಿದ್ದಾರೆ. ಚಿಕ್ಕ ಪಾತ್ರವಾದರೂ ಪರಿಣಾಮಕಾರಿಯಾಗಿ ಮೂಡಿ ಬಂದ ಹ್ಯಾಟ್ರಿಕ್ ಹಿರೋ ಸಾಮಾಜಿಕ ಮಾಧ್ಯಮದಲ್ಲಿ ರಾರಾಜಿಸುತ್ತಿದ್ದಾರೆ. ಶಿವರಾಜ್ ಕುಮಾರ್ ಅಭಿನಯದ ಬಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. 

ನೆಟ್ಟಿಗರಂತೂ ಚಿತ್ರದಲ್ಲಿನ ಶಿವರಾಜ್ ಕುಮಾರ್ ಎಂಟ್ರಿ ರಜನಿಕಾಂತ್ ಅಭಿನಯವನ್ನೇ ಮಂಕಾಗಿಸಬಹುದು ಎಂದು ಕೊಂಡಿರಲಿಲ್ಲ. ಆದರೆ  ಪ್ರೀ ಕ್ಲೈಮ್ಯಾಕ್ಸ್‌ನಲ್ಲಿ ಶಿವಣ್ಣನ ಅಭಿನಯ ಸೂಪರ್‌ಸ್ಟಾರ್ ಅನ್ನು ಮೀರಿಸಿತ್ತು ಎಂದು ಬರೆದು ಹೊಗಳಿದ್ದಾರೆ. ಅಲ್ಲದೆ ನಾನು ಇನ್ನು ಶಿವಣ್ಣನ ಅಭಿಮಾನಿ ಎಂದು ಕೂಡಾ ಹೇಳಿಕೊಂಡಿದ್ದಾರೆ. 

ಈ ಚಿತ್ರದ ಮೂಲಕ ಶಿವರಾಜ್ ಕುಮಾರ್ ಕೇರಳ ಮತ್ತು ತಮಿಳು ನಾಡಿನಲ್ಲಿ ತನ್ನ ಅಭಿಮಾನಿ ಬಳಗವನ್ನು ಹೆಚ್ಚಿಸಿಕೊಂಡಿದ್ದಾರೆ ಎನ್ನುವುದಂತೂ ಪಕ್ಕಾ. ಕೇವಲ 10 ನಿಮಿಷಗಳ ದೃಶ್ಯವಾದರೂ ಶಿವರಾಜ್ ಕುಮಾರ್ ಜನಮನ ಗೆದ್ದಿದ್ದಾರೆ. ಇದು ನೆಕ್ಸ್ಟ್ ಲೆವೆಲ್ ಅಭಿನಯ ಎನ್ನುವುದು ಪ್ರೇಕ್ಷಕರ ಮಾತು. ಅಲ್ಲದೆ  ಶಿವರಾಜ್ ಕುಮಾರ್ ಅವರನ್ನು ಈ ರೀತಿ ಪ್ರಸ್ತುತ ಪಡಿಸಿರುವುದಕ್ಕೆ ನಿರ್ಮಾಪಕರಿಗೆ ಕೃತಜ್ಞತೆ ಹೇಳುತ್ತಿದ್ದಾರೆ. 

ಇದೊಂದು ಸಣ್ಣ ಪಾತ್ರ, ಚಿತ್ರದಲ್ಲಿ ಸುಮಾರು 10-11 ನಿಮಿಷಗಳ ಕಾಲ ಕಾಣಿಸಿಕೊಳ್ಳುತ್ತೇನೆ. ಆದರೆ ಆ 11 ನಿಮಿಷಗಳಲ್ಲಿಯೇ ನಾನು ಅಕ್ಷರಶಃ ಸ್ವರ್ಗದಲ್ಲಿದ್ದಂತೆ ಭಾಸವಾಯಿತು ಎಂದು  ಚಿತ್ರದಲ್ಲಿನ ಪಾತ್ರದ ಬಗ್ಗೆ ಶಿವರಾಜಕುಮಾರ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.